“Pene 54: Te Hoê Heheuraa no Nia i te Faaipoiporaa: Tiurai 1843,” Te Mau Aamu no Roto Mai i te Parau Haapiiraa e te Mau Parau Fafau (2002), 198
“Pene 54,” Te Mau Aamu no Roto Mai i te Parau Haapiiraa e te Mau Parau Fafau, 198
Pene 54
Te Hoê Heheuraa no Nia i te Faaipoiporaa
(Tiurai 1843)
Ua ani o Iosepha Semita i te Fatu i te tahi mau uiraa no nia i te faaipoiporaa. Ua parau mai o Iesu ia’na e mea tia i te hoê tane e te hoê vahine ia faaipoipohia e te hoê taata o tei mau i te autahu‘araa. E mea tia ia ratou ia faaipoipo i roto i te hiero. E mea tia ia ratou ia haapao i te mau faaueraa a te Atua. I reira ïa ratou e faaipoipohia ai no teie oraraa e no te oraraa a muri atu.
Te mau taata parau-tia o tei faaipoipohia no te oraraa e a muri noa’tu e ora ïa ratou i roto i te Basileia Tiretiera. E ora atoa ta ratou mau tamarii o tei haapao i te parau a te Atua i pihai iho ia ratou. E riro hoi ratou ei utuafare. E ora ratou i pihai iho i te Atua. E e riro ratou mai ia’na ra te huru.
Ua parau mai o Iesu e faaite mai te Atua i te tahi mau taime i ta’na mau peropheta e e mea tia ia ratou ia rave ia hau atu i te hoê vahine. Tera râ, e mea tia i te mau tane ia rave i te reira na roto i te faaueraa ana‘e a te Atua ia ratou.