Mau ’ā’amu o te pāpa’ira’a mo’a

Pene 12: Te Ohipa Misionare a Samuela Semita: Tiunu 1830

“Pene 12: Te Ohipa Misionare a Samuela Semita: Tiunu 1830,” Te Mau Aamu no Roto Mai i te Parau Haapiiraa e te Mau Parau Fafau (2002), 48–50

“Pene 12,” Te Mau Aamu no Roto Mai i te Parau Haapiiraa e te Mau Parau Fafau, 48–50

Pene 12

Te Ohipa Misionare a Samuela Semita

(Tiunu 1830)

Samuel Smith — E teina o Samuela Semita no Iosepha Semita. Ua parau mai o Iosepha e ua hinaaro o Iesu ia Samuela ia haere atu no te rave i ta’na misioni. O Samuela Semita te misionare matamua o te Ekalesia.

Samuel Smith — Ua haere atu o Samuela e haapii i te evanelia i te mau taata. Ua hinaaro oia ia faaite atu ia ratou no nia i Te Buka a Moromona. Ua tamata oia ia hoo atu i teie buka i te mau taata, area râ aita e taata i hinaaro ia tai‘o i te reira. Ua oto hoi o Samuela.

Samuel returning home — E mea fifi roa ta Samuela misioni. E rave rahi mau taime ua poia noa oia. I te tahi mau taime aita to‘na e vahi taotoraa. E mea ino hoi te tahi mau taata i nia iho ia’na.

Samuel and Phineas Young — Ua hoo atu o Samuela i te hoê Buka a Moromona ia te taata ra ia Phineas Ioune. Ua tai‘o o Phineas i teie buka. Ua horoa atu oia i teie Buka a Moromona i to’na taeae ra ia Birigama Ioune.

Brigham Young — Ua tai‘o o Birigama Ioune i te Buka a Moromona. Ua tiaturi oia e e parau mau te reira. Ua haapii oia i te evanelia a Iesu Mesia. Ua faaite atu o Phineas e Birigama Ioune i to raua mau hoa no nia i te Buka a Moromona. Ua tai‘o to raua mau hoa i taua buka ra. Ua bapetizohia o Phineas e Birigama Ioune e to raua mau hoa i roto i te Ekalesia.

Brigham Young speaking — I muri mai ua riro o Birigama Ioune ei peropheta no te Ekalesia. Ua tauturu oia i te Feia Mo‘a. Ua riro hoi oia ei taata faatere rahi.

Samuel walking — Ua hi‘o atu o Samuela Semita i te fare. Aita oia i mana‘o e ua tauturu ta’na misioni i te Ekalesia. Aita oia i ite e i te hoê mahana e riro mai oia o Birigama Ioune ei peropheta.

Samuel speaking to inn keeper — I te hoê pô ua tapea ihora o Samuela i te hoê fare tipaeraa. Ua ani atu oia i te fatu fare ia hoo i te hoê Buka a Moromona. Ua ani mai te fatu fare e nohea mai taua Buka ra. Ua parau atu o Samuela e na to’na taeae i iriti i te reira no roto mai i te mau api auro.

inn keeper getting angry at Samuel — Ua riri roa te fatu fare. Ua parau mai oia e haavare ta Samuela. Ua parau atu oia ia Samuela ia haere atu i rapae i to’na fare.

Samuel sleeping under tree — I taua pô ra ua taoto o Samuela i raro a‘e i te hoê tumu apara.

Samuel speaking to pastor — I te hopea ua horoa atu o Samuela i te Buka a Moromona i te hoê taata faatere no te tahi atu ekalesia. Ua tai‘o teie taata faatere e ta’na vahine i teie buka. Ua ite oia raua e e mea faahiahia mau te reira.