“Pene 14: Te Peropheta e te Mau Heheuraa no te Ekalesia: Setepa 1830,” Te Mau Aamu no Roto Mai i te Parau Haapiiraa e te Mau Parau Fafau (2002), 56–57
“Pene 14,” Te Mau Aamu no Roto Mai i te Parau Haapiiraa e te Mau Parau Fafau, 56–57
Pene 14
Te Peropheta e te Mau Heheuraa no te Ekalesia
(Setepa 1830)
Ua faanuu atu o Iosepha raua Ema i Niu Ioka. Te faaea ra hoi te hoê taata i reira o Hairamu Page to’na i‘oa. E melo oia no te Ekalesia. Te vai ra ta’na hoê ofa‘i. Ua parau mai oia e ua tauturu teie ofa‘i ia’na ia farii i te mau heheuraa no te Ekalesia.
E rave rahi te mau melo o te Ekalesia i tiaturi ia Hairamu Page. Ua tiaturi o Olive Kaudere ia’na. Ua mana‘o te tahi mau taata e e peropheta o Hairamu.
Buka Fafau 28: Omuaraa Parau
Ua ani atu o Olive ia Iosepha no nia ia Hairamu Page. Ua pure o Iosepha. Ua horoa mai Iesu i te hoê heheuraa ia Iosepha na Olive Kaudere. Ua parau mai oia e hoê noa iho taata te tia ia farii i te mau heheuraa no te Ekalesia. E taua taata ra o Iosepha Semita ïa, te Peropheta.
Ua parau mai Iesu e nehenehe i te mau taata ia farii i te mau heheuraa no ratou iho. Area râ, te peropheta ana‘e iho te tia ia farii i te mau heheuraa atoa no te Ekalesia. Ua tiaturi Olive Kaudere ia Iosepha. Ua ite oia e mea hape te mau heheuraa a Hairamu Page.
I muri iho ua parau atu Iesu ia Olive ia paraparau atu ia Hairamu Page. Ua parau atu Olive ia Hairamu e e ere ta’na mau heheuraa no ŏ mai i te Atua ra. No ŏ maira teie mau heheuraa ia Satane ra.
Ua parau mai Olive e ua haavare o Satane ia Hairamu Page. Ua faaroo o Hairamu ia Olive e ua tatarahapa oia.
Hoê ana‘e taata te tia ia farii i te mau heheuraa no te Ekalesia. Taua taata ra o te Peresideni ia no te Ekalesia. O oia te taata faatere no te Ekalesia. E peropheta oia na te Atua. E mea tia i te mau melo o te Ekalesia ia faaroo i te peropheta.