Pene 41: Te Pe‘ape‘a i Ketelani: 1837

“Pene 41: Te Pe‘ape‘a i Ketelani: 1837,” Te Mau Aamu no Roto Mai i te Parau Haapiiraa e te Mau Parau Fafau (2002), 158–60

“Pene 41,” Te Mau Aamu no Roto Mai i te Parau Haapiiraa e te Mau Parau Fafau, 158–60

Pene 41

Te Pe‘ape‘a i Ketelani

(1837)

family — E mea oaoa te mau Feia Mo‘a i Ketelani, Ohio. Ua haamaitai te Atua ia ratou.

elder preaching gospel — Ua faarue te tahi mau peresibutero ia Ketelani. Ua haere atu ratou e poro i te evanelia. E rave rahi te mau taata o tei faaroo i te mau peresibutero e o tei tomo mai i roto i te Ekalesia.

people at bank in Kirtland — E ua haamata ihora te pe‘ape‘a i te tupu i Ketelani. Te vai ra ta te mau Feia Mo‘a fare moni. Ua tuu ratou i ta ratou moni i roto i te fare moni.

man stealing money from bank — Ua hinaaro te tahi mau Feia Mo‘a ia rahi ta ratou moni. Eita te hoê o te mau taata o te rave ra i te ohipa i roto i te fare moni i te taata parau-tia. Ua eiâ oia i te moni.

men experiencing sorrow — Ua parau atu o Iosepha i te tahi atu mau tane ia haapao maitai i te moni. Tera râ, aita teie mau tane i haapao i te parau a Iosepha. Ua topatari te fare moni. Aita e moni faahou. Aita hoi te mau moni a te mau Feia Mo‘a i roaa faahou mai.

angry Saints — Ua rahi te mau Feia Mo‘a i riri. Ua parau ratou e na Iosepha te hape i opanihia ai te fare moni. Ua faaino hoi te tahi mau hoa piri roa to Iosepha ia’na. E ua hinaaro te tahi pae o ratou ia taparahi ia Iosepha.

leaders leaving the Church — Ua riro atoa hoi te tahi pae o te mau taata faatere o te Ekalesia. Aita ratou i hinaaro faahou ia riro ei mau melo no te Ekalesia. E ua riro mai ratou ei mau enemi no te Ekalesia. Ua riro ratou ei mau taata iino. Ua oto roa hoi o Iosepha Semita.

Brigham Young speaking to people — Ua here te tahi mau taata faatere o te Ekalesia ia Iosepha e ua tauturu ratou ia’na. Ua ite ratou e e parau mau te Ekalesia a Iesu Mesia. O Birigama Ioune te hoê o taua mau taata faatere parau-tia ra. Ua parau atu o Birigama Ioune i te mau Feia Mo‘a e ua ite oia e e Peropheta mau o Iosepha na te Atua.

Ua riri roa te mau enemi o te Ekalesia ia Birigama Ioune. No reira ua faarue atu o Birigama i te fenua ra ia Ketelani ia ore ia tia i te mau taata iino ia hamani ino ia’na.

mobs attacking members in Kirtland — Ua haape‘ape‘a roa te mau enemi o te Ekalesia i te mau Feia Mo‘a i Ketelani. Ua haere atu ratou i roto i te hiero e ua rave i te mau ohipa iino.

mobs arguing about Joseph — Aita te hiero i mo‘a faahou. Aita te hiero i riro faahou ei Fare no te Fatu. Ua oto hoi o Iosepha no te mau taata o tei rave i teie mau ohipa iino. Ua pe‘ape‘a oia no te mea ua rahi roa te fifi.