“Pene 59: Ua Oti te Hiero i Navu: Atopa 1845–Setepa 1846,” Te Mau Aamu no Roto Mai i te Parau Haapiiraa e te Mau Parau Fafau (2002), 212–14
“Pene 59,” Te Mau Aamu no Roto Mai i te Parau Haapiiraa e te Mau Parau Fafau, 212–14
Pene 59
Ua Oti te Hiero i Navu
(Atopa 1845–Setepa 1846)
Aita te tahi o te mau Feia Mo‘a i faarue i Navu. Ua parau mai te Fatu i te mau Feia Mo‘a ia patu i te hoê hiero i Navu. Ua hinaaro ratou ia haapao i te faaueraa a te Fatu. Ua rave itoito te mau taata o tei faaea mai i Navu i te ohipa no te faaoti i te hiero.
Ua ma‘ihia e rave rahi o te mau Feia Mo‘a. E mea veve roa hoi to ratou pae rahi. Ua ite ratou e e mea tia ia ratou ia faarue oioi i Navu. Tera râ, ua hinaaro ratou ia faaoti i te hiero.
I te hopea ua oti te hiero. Ua rave te mau Feia Mo‘a i te mau ohipa hiero i te pô e te ao. Ua farii ratou i to ratou mau oro‘a endowment. Ua oaoa roa ratou no te otiraa te hiero.
I te hopea ua faarue atu te toea o te mau Feia Mo‘a i Navu. Ua tuu atu ratou i ta ratou mau mea atoa i roto i te pereoo tura‘i. Ua haere atu ratou na nia i te anavai pape i te tahi pae mai o te anavai o Misisipi.
Ua hi‘o atu ratou i te tahi pae mai o te anavai e ua ite atu ratou i Navu. Ua ite ratou i te hiero i nia i te aivi. Ua oto hoi ratou i te faarueraa i Navu. Tera râ, ua oaoa roa atoa ratou no te mea ua oti te hiero o te Fatu.
Ua faaea rii ratou i te pae anavai pape no te tahi mau mahana rii. Aita hoi i rava‘i ta ratou maa no te amu. Ua tauturu mai te Fatu ia ratou. Ua faatae mai oia i te tahi mau manu o tei parauhia e quail. Ua taparahi te mau Feia Mo‘a i teie mau manu ei maa na ratou.
E i muri mai ua tono atu o Birigama Ioune i te tahi mau tane no te tauturu i te mau Feia Mo‘a. Ua aratai atu teie mau tane ia ratou i te vahi tei reira te tahi atu mau Feia Mo‘a i te puhaparaa.