“Pene 64: Te Ekalesia a Iesu Mesia i Teie Mahana,” Te Mau Aamu no Roto Mai i te Parau Haapiiraa e te Mau Parau Fafau (2002), 236–37
“Pene 64,” Te Mau Aamu no Roto Mai i te Parau Haapiiraa e te Mau Parau Fafau, 236–37
Pene 64
Te Ekalesia a Iesu Mesia i Teie Mahana
E rave rahi matahiti i mairi i teie nei mai te taime i haamatahia ai te Ekalesia i Faiete, Niu Ioka. Ua tupu te Ekalesia i te rahi i roto i teie mau area matahiti. I te matahiti 1830, ua haamta e ono taata i te Ekalesia a hi‘o noa mai ai te tahi pae.
Ua haere atu te mau misionare i te mau fenua e rave rahi no te haapii i te evanelia. Ua faaroo te mau taata i te mau misionare. Ua tiaturi ratou i te evanelia, e ua bapetizohia ratou i roto i te Ekalesia. I teie nei mahana, te vai nei hau atu i te pae milioni melo o te Ekalesia. E mea huru ê teie mau taata te tahi i te tahi. Te ora nei ratou i roto i te mau atoa o te ao nei. Te paraparau nei ratou i te mau reo ěê. Te oaoa nei ratou no te riroraa ei mau melo no te Ekalesia.
1 te 6 no Eperela 1980, ua noaahia 150 matahiti mai te taime mai te Ekalesia i faatiahia ai. Ua faatupu te Ekalesia i te hoê amuiraa taa ê i taua mahana ra. Ua faatupuhia e piti pureraa i te hoê â taime. Ua faaterehia te hoê pureraa i Faiete, Niu Ioka. Ua haere atu te peropheta Spencer W. Kimball i reira, i roto i te hoê fare mai te fare o Petero Uitima.
E te tahi pureraa tei roto ïa i te Fare Menemene i Roto Miti. E rave rahi tauatini taata o tei tae atu i taua amuiraa ra. Ua paraparau mai te Peresideni Kimball i te mau Feia Mo‘a na roto i te afata teata. Ua haamaitai oia i te fare o Petero Uitima. Ua oaoa te mau melo paatoa o te Ekalesia i te faarooraa e te iteraa i te peropheta. Ua haamaitaihia te mau melo o te Ekalesia. E mea tia roa ia tatou ia haamauruuru i te mea e ua riro tatou ei melo no Te Ekalesia a Iesu Mesia i te Feia Mo‘a i te Mau Mahana Hopea Nei. Te vai nei to tatou peropheta no te aratai ia tatou.