“Pene 48: Te Mau Misionare i te Tahi Atu Mau Fenua: Tiunu 1837–Atopa 1841,” Te Mau Aamu no Roto Mai i te Parau Haapiiraa e te Mau Parau Fafau (2002), 180–82
“Pene 48,” Te Mau Aamu no Roto Mai i te Parau Haapiiraa e te Mau Parau Fafau, 180–82
Pene 48
Te Mau Misionare i te Tahi Atu Mau Fenua
(Tiunu 1837–Atopa 1841)
Ua hinaaro te Fatu i te mau taata i te tahi atu mau fenua ia ite i te evanelia. Ua parau mai oia ia Iosepha Semita e mea tia i te tahi o te mau Feia Mo‘a ia haere atu i te mau misioni i Baratane. Ua maitihia o Hebera C. Kimibala e e torn atu â mau tane no te haere i te misioni. Ua haere atu ratou na nia i te pahi i te fenua Baratane.
Ua farerei atu ratou i te hoê taata faatere no te tahi atu ekalesia. Ua faatia teie taata ia ratou ia haapii atu i te evanelia i roto i ta’na ekalesia. E rave rahi mau taata i tiaturi i te mau misionare. Ua hinaaro ratou ia bapetizohia. Ua tupu te riri i roto i taua taata faatere ra. Ua parau mai oia eiaha te mau misionare e haapii faahou i te evanelia i roto i ta’na ekalesia.
Ua haapii te mau misionare i te evanelia i roto i te mau fare o te mau taata. E ua rahi roa te mau taata i bapetizohia i roto i Te Ekalesia a Iesu Mesia i te Feia Mo‘a i te Mau Mahana Hopea Nei.
I muri mai ua haere faahou atu te tahi atu â mau tane no te rave i te ohipa misionire i te fenua Baratane. E Aposetolo hoi te tahi pae o ratou. Ua paraparau atu o Iosepha ia ratou na mua ratou i haere atu ai. Ua parau atu oia ia ratou i te mau mea te tia ia ratou ia haapii atu i te mau taata.
Ua parau atu o Iosepha i te mau Aposetolo ia haapao i te mau faaueraa atoa a te Atua. Ua paraparau atu oia ia ratou no nia i te autahu‘araa. Ua parau atu oia ia ratou e tei roto i te Ekalesia a Iesu Mesia ana‘e te autahu‘araa.
Ua ineine te mau tane no te haere atu i ta ratou misioni. Aita hoi ta ratou e moni. E rave rahi hoi to ratou i ma‘ihia. Ua ma‘ihia hoi ta ratou mau vahine e mau tamari. Tera râ, ua ite te mau tane e e tauturu mai to tatou Metua i te Ao ra ia ratou, e e haamaitai mai hoi i to ratou mau utuafare.
Ua haere atu te mau misionare i te fenua Baratane. Ua haapii atu ratou i te evanelia i roto i te mau oire e rave rahi. Ua tiaturi e rave rahi tauatini taata maitai i te evanelia. Ua bapetizohia ratou i roto i te Ekalesia a Iesu Mesia. Ua haamaitai mai hoi to tatou Metua i te Ao ra i te mau misionare. E ua ho‘i mai ratou i te fare i te otiraa ta ratou mau misioni ma te maitai e te paruruhia.
O Oresona Haede te hoê o te mau Aposetolo. Ua parau mai o Iosepha Semita e te vai nei ta Oresona ohipa taa ê roa i faataahia no te rave no te mau taata Ati Iuda. Ua haere atu o Oresona i te fenua Palesetina. I te 24 no Atopa, 1841, ua pŭpŭ atu oia i te hoê pure no te haamaitairaa i te fenua Palesetina.
Ua ani atu oia i to tatou Metua i te Ao ra ia haamaitai mai i taua fenua ra. Ua pure oia ia roaa mai te pape ia tia i te mau maa tanu ia tupu. Ua pure oia ia tia i te mau tamarii a Aberahama ia haere atu i te fenua Palesetina, e ia tia ia ratou ia patu i te mau fare e ia faaapu i te maa i reira.
Ua haamaitai te Atua i te fenua Palesetina. I teie nei ua piihia taua fenua ra o Iseraela. I te matahiti 1979 ua pŭpŭ atu te Peresideni Spencer W. Kimball i te hoê pure no te haamaitai i te hoê ŏ i Iseraela. Ua topahia te i‘oa o teie vahi te O Haamana‘oraa ia Oresona Haede.