Pene 55: Ua Rahi Faahou Mai te Pe‘ape‘a i Nia i te Mau Feia Mo‘a: 1843–1844

“Pene 55: Ua Rahi Faahou Mai te Pe‘ape‘a i Nia i te Mau Feia Mo‘a: 1843–1844,” Te Mau Aamu no Roto Mai i te Parau Haapiiraa e te Mau Parau Fafau (2002), 199–200

“Pene 55,” Te Mau Aamu no Roto Mai i te Parau Haapiiraa e te Mau Parau Fafau, 199–200

Pene 55

Ua Rahi Faahou Mai te Pe‘ape‘a i Nia i te Mau Feia Mo‘a

(1843–1844)

people causing trouble — E ere te rahiraa o te mau taata e faaea ra i Navu i te melo no te Ekalesia. Ua au ore te pae rahi o ratou i te mau Feia Mo‘a. Aita hoi ratou i hinaaro i te mau Feia Mo‘a ia riro ei mau feia faatere no te oire. Ua haape‘ape‘a ratou i te mau melo o te Ekalesia.

mob stealing the Saints’ animals — Ua tahoê teie mau taata iino i roto i te tahi mau pŭpŭ. Ua eiâ ratou i te mau animala a te mau Feia Mo‘a. Ua tutu‘i ratou i te mau fare animala e te mau fare o te mau melo. Ua tamata ratou i te mau ravea atoa no te tiahi atu i te mau Feia Mo‘a i rapae i Navu. Aita te mau muto‘i e te mau faehau i tapea i teie mau pŭpŭ taata iino. Aita atoa te tavana rahi i hinaaro ia tauturu i te mau Feia Mo‘a.

Joseph envisioning the Saints traveling west — Ua parau atu o Iosepha Semita i te mau Feia Mo‘a i Navu e e farii faahou ratou i te pe‘ape‘a. Ua tupu te mau mea atoa o ta Iosepha Semita i parau atu. Ua ite o Iosepha e e mea tia i te mau Feia Mo‘a ia faarue ia Navu. E mea tia ia ratou ia haere i te hoê vahi e aita e taata e haape‘ape‘a faahou ia ratou.

Joseph meeting with the Apostles — Ua apoo o Iosepha e te mau Aposetolo e te tahi atu mau taata. Ua parau atu o Iosepha ia ratou ia imi i te hoê vahi ia nehenehe i te mau Feia Mo‘a ia haere atu e faaea i reira.

Joseph looking at map — Ua hi‘o o Iosepha i te mau hoho‘a fenua. Te faaite ra teie mau hoho‘a fenua i te hoê vahi e mau mou‘a teitei to reira e te mau faa aano. Te faaea ra te mau Inidia i reira. Ua ite o Iosepha e te reira te vahi maitai no te mau Feia Mo‘a. Aita e tia i te mau pŭpŭ taata iino ia haere mai i reira no te hamani ino ia ratou. Ua tiaturi o Iosepha e e tia i te mau Feia Mo‘a ia haere atu i reira faaea ai.

people laughing — Te vai ra te tahi mau taata i Navu e mau melo ratou no te Ekalesia. Area râ aita ratou i tiaturi faahou i te evanelia. Ua pato‘i roa ratou ia Iosepha Semita. Ua hinaaro ratou ia taparahi ia’na. Ua haamata ihora ratou i te hoê ve‘a. Ua papai ratou i te mau mea iino no nia ia Iosepha e te mau Feia Mo‘a i roto i taua ve‘a ra.

Saints destroying printing press — Ua riri roa te mau feia faatere o Navu no nia i teie mau mea i papaihia i roto i te ve‘a. Ua haere atu te tahi pae o ratou i te fare ve‘a. Ua tutu‘i ratou i te mau ve‘a. Ua haamou ratou i te mau neneiraa parau. Aita atura e tia ia neneihia faahou i te mau ve‘a.