Pene 47: Ua Ani Atu o Iosepha Semita i te Peresideni no te Tauturu: Mati–Novema 1839

“Pene 47: Ua Ani Atu o Iosepha Semita i te Peresideni no te Tauturu: Mati–Novema 1839,” Te Mau Aamu no Roto Mai i te Parau Haapiiraa e te Mau Parau Fafau (2002), 176–79

“Pene 47,” Te Mau Aamu no Roto Mai i te Parau Haapiiraa e te Mau Parau Fafau, 176–79

Pene 47

Ua Ani Atu o Iosepha Semita i te Peresideni no te Tauturu

(Mati–Novema 1839)

Joseph writing letters — Ua papai atu o Iosepha Semita i te tahi mau rata i te mau Feia Mo‘a a faaea ai oia i roto i te fare auri i Libereti. Ua parau atu oia ia ratou ia papai no nia i te mau taata iino e i te mau ohipa iino o ta ratou i rave i nia iho i te mau Feia Mo‘a. E e mea tia ia ratou ia haapono atu i teie mau rata i te mau taata faatere o te hau fenua.

Saints writing names of attackers — Ua parau atu o Iosepha i te mau Feia Mo‘a ia papai i te i‘oa o te mau taata iino o tei hamani ino ia ratou. E mea tia ia ratou ia faaite atu e mea nahea to ratou mau fare e ta ratou mau faaapu i te haamouraahia.

Joseph and friends leaving Liberty Jail — I te hoê mahana a afai atu ai te mau taata tiai fare auri ia Iosepha e to’na mau hoa e maha i te tahi atu fare auri. Ua hoo mai o Iosepha e to’na mau hoa e piti puaahorofenua no ŏ mai i te mau taata tiai fare auri. Ua horoa atu ratou i te mau ahu no te aufau i te hoê puaahorofenua. Ua fafau atu ratou ia aufau atu i te tahi puaahorofenua i muri iho.

Joseph and friends escaping — I te hoê pô ua taero roa e maha taata tiai e ua haere atu ratou e taoto. Ua tauturu te tahi taata tiai ia Iosepha e to’na mau hoa ia horo ê atu.

Joseph and friends traveling — Ua taui o Iosepha e to’na mau hoa i te haereraa na nia i te puaahorofenua. Ua haere atu ratou i Quincy, Ilinoi. Ua roaahia hoê ahuru mahana no to ratou tere-noa-raa e tapae atu ai i reira.

Joseph and friends greeting their families — Ua farerei o Iosepha e to’na mau hoa i to ratou utuafare. Ua oaoa hoi ratou i te taeraa’tu i rotopu ia ratou.

Saints in Nauvoo — Ua hinaaro te Feia Mo‘a ia imi i te hoê vahi i Ilinoi no te patu i te hoê oire. Ua hoo mai ratou i te tahi fenua i te pae anavai pape i Mississipi. E fenua rarirari hoi teie e te vari paruparu. Ua faanuu atu o Iosepha e te mau Feia Mo‘a i reira. Ua rave itoito ratou i te ohipa no te haamărô i teie fenua. Ua patu ratou i te mau fare e ua tanu i te mau faaapu. Ua patu ratou i te hoê oire nehenehe roa. Ua topahia te i‘oa o te reira oire o Navu. Te auraa no teie parau o Navu, oia hoi ïa te hoê vahi nehenehe.

Joseph meeting President of United States — I muri mai ua haere atu o Iosepha Semita e farerei i te Peresideni no te Hau Marite. Ua faaite atu o Iosepha i te peresideni no nia i te mau pŭpŭ taata iino i Misouri. Ua faaite atu oia e ua tutu‘i te mau taata iino i te mau fare o te mau Feia Mo‘a e ua eiâ hoi i ta ratou mau animaia.

Joseph asking President for help — Ua faaite atu o Iosepha e ua taparahihia te tahi o te mau Feia Mo‘a e ua pohe roa. Ua tuuhia hoi te tahi pae i roto i te fare auri. Ua faaite atu o Iosepha i te peresideni i te mau rata o ta te mau Feia Mo‘a i papai. Ua parau atu o Iosepha aita te mau taata faatere i Misouri i hinaaro ia tauturu i te mau Feia Mo‘a. Ua ani atu o Iosepha i te peresideni ia tauturu mai i te mau Feia Mo‘a e ia faautu‘a i to ratou mau enemi.

President saying he couldn’t help — Ua parau mai te peresideni e ua ite oia e te mauiui nei te mau Feia Mo‘a. Tera râ, eita oia e rave i te hoê mea no te tauturu ia ratou. Mai te mea e tauturu oia i te mau Feia Mo‘a, e riri mai ïa te mau taata i Misouri ia’na.

Joseph leaving in sadness — Ua oto roa o Iosepha no te mea aita te peresideni e tauturu i te mau Feia Mo‘a. O to tatou Metua i te Ao ra ana‘e te tauturu ia ratou.