Mau ’ā’amu o te pāpa’ira’a mo’a

Pene 51: Te Sotaiete Tauturu: Mati 1842

“Pene 51: Te Sotaiete Tauturu: Mati 1842,” Te Mau Aamu no Roto Mai i te Parau Haapiiraa e te Mau Parau Fafau (2002), 186–89

“Pene 51,” Te Mau Aamu no Roto Mai i te Parau Haapiiraa e te Mau Parau Fafau, 186–89

Pene 51

Te Sotaiete Tauturu

(Mati 1842)

Saints building temple in Nauvoo — Te patu ra te mau melo o te Ekalesia i te hiero i Navu. Ua mutumutu hoi te ahu o te mau tane. Ua hinaaro te mau vahine ia tauturu atu ia ratou. Ua parau maira te hoê vahine e ua hinaaro oia ia nira i te ahu no te mau tane. Tera râ, aita ta’na e moni no te hoo mai i te ahu.

women gathering — Ua parau maira o Sara M. Kimibala e horoa mai oia i te tahi mau metera ahu. Ua ani atoa atura te tuahine ra o Kimibala i te tahi atu mau vahine ia tauturu. Ua faatupu te mau vahine i te hoê apooraa i te fare o te Tuahine Kimibala. Ua faaoti ihora ratou ia faatupu i te sotaiete na te mau vahine i roto i te Ekalesia.

Eliza R. Snow greeting Joseph — Ua ani atu te mau vahine ia Eliza R. Sino ia papai i te tahi mau ture na te sotaiete. Ua afai atu oia i teie mau ture ia Iosepha Semita. Ua parau maira o Iosepha Semita e mau ture maitai roa teie. Tera râ, ua parau maira o Iosepha, e faanahonahoraa maitai atu â ta te Fatu no te mau vahine.

Relief Society being organized — Ua ani atu o Iosepha Semita i te mau vahine ia haere mai i te apooraa i te 17 no Mati 1842. Ua parau atu o Iosepha e tauturu mai te mau feia faatere no te autahu‘araa i te mau vahine i roto i ta ratou mau ohipa no te sotaiete. Te vai ra e va‘u vahine i roto i taua apooraa ra. Ua maitihia o Ema Semita ei faatere i te pŭpŭ tuahine. Ua topa ratou i te i‘oa o ta ratou sotaiete te Sotaiete Tauturu.

Joseph speaking to Relief Society — Ua parau atu o Iosepha Semita i te mau vahine ia tauturu i te feia ma‘i e te veve. E mea tia ia ratou ia tauturu i te mau taata i hinaaro i te tautururaa. E tauturu te episekopo i te mau vahine ia ite i te mau ohipa e rave.

women meeting together — Ua faatupu te mau vahine i te mau pureraa no te haapii i te mau mea o te tano ia ratou ia ite. Ua oaoa roa ratou no te mea ua tia ia ratou ia tauturu i te mau melo o te Ekalesia.

women making clothes — Ua hamani te mau vahine i te mau ohipa no te hiero. Ua hamani ratou i te mau ahu no te mau tane o te patu ra i te hiero.

women taking food to those in need — Ua afai atu te mau vahine i te maa na te mau taata i roto i te ati. Ua atuatu ratou i te mau taata ma‘i. Ua rave ratou i te mau mea atoa no te tauturu i te mau Feia Mo‘a.

women serving in Relief Society — E tia i te mau vahine i roto i te Ekalesia ia haere i te mau pureraa Sotaiete Tauturu. Te tauturu nei te reira i te mau taata. Te haapii nei hoi te mau tuahine no nia i te evanelia. Te haapii nei ratou no nia i te mau taata no te tahi atu mau fenua. Te haapii nei ratou no nia i te mau buka maitai, te pehe, e te mau ohipa o te fenua. Te haapii nei ratou nahea ia atuatu maitai i to ratou mau utuafare.