“Pene 17: Te Mau Episekopo Matamua o te Ekalesia: Fepuare 1831,” Te Mau Aamu no Roto Mai i te Parau Haapiiraa e te Mau Parau Fafau (2002), 64–66
“Pene 17,” Te Mau Aamu no Roto Mai i te Parau Haapiiraa e te Mau Parau Fafau, 64–66
Pene 17
Te Mau Episekopo Matamua o te Ekalesia
(Fepuare 1831)
Te vai ra te tahi mau taata iino i Niu Ioka. E mea ino roa ratou i nia i te mau melo o te Ekalesia, e ua hinaaro ratou i te mau melo ia faarue mai i taua vahi ra. Ua parau mai Iesu ia Iosepha ia faarue i Niu Ioka e ia haere atu i Ketelani, Ohio.
Ua haere atu o Iosepha Semita, e ta’na vahine ra o Ema, o Sidene Rigidoni, e Eduade Patarite i Ketelani. Ua faaea o Iosepha e Ema i pihai iho i te hoê melo no te Ekalesia. O Nuela K. Uitini to’na i‘oa.
Te vai ra 1.000 melo no te Ekalesia i Ketelani. Te tamata nei hoi ratou ia haapao i te mau faaueraa a te Atua, area râ aita ratou i taa maitai i te auraa no te evanelia.
Buka Fafau 41: Omuaraa Parau
Ua pure o Iosepha i to tatou Metua i te Ao ra. Ua horoa mai Iesu i te hoê heheuraa ia Iosepha. Ua parau mai o Iesu ia Iosepha e mea hinaarohia te hoê episekopo no te faatere i te Feia Mo‘a i Ketelani. E mea tia i te episekopo ia faaohipa i to’na taime no te haapii e no te tauturu i te Feia Mo‘a. O Eduade Patarite ïa te episekopo matamua o te Ekalesia.
Ua faaite mai Iesu ia Iosepha i te ohipa o te tia i te hoê episekopo ia rave i roto i te Ekalesia. E mea tia i te episekopo ia haapao i te hoê fare vairaa tao‘a. E mea tia i te Feia Mo‘a ia tuu i te maa e te ahu i roto i te fare vairaa tao‘a. Mai te mea ua titauhia te maa e aore râ te ahu no te Feia Mo‘a, e mea tia ïa i te episekopo ia horoa atu i te reira.
E mea tia i te episekopo ia haapao i te moni a te Ekalesia. E mea tia hoi i te Feia Mo‘a ia horoa i te moni i te episekopo. E mea tia i te episekopo ia aufau i te mau tarahu a te Ekalesia. E mea tia ia’na ia horoa atu i te tahi moni i te Feia Mo‘a rava‘i ore.
E mea tia i te episekopo ia here i te Feia Mo‘a. E mea tia ia‘na ia tamata i te tauturu ia ratou. E mea tia ia’na ia farerei i te mau tane o te mau nei i te autahu‘araa. E mea tia ia ratou ia paraparau no nia i te mau mea o ta ratou e nehenehe ia rave no te tauturu i te Feia Mo‘a.
Ua rahi te taata i tomo mai i roto i te Ekalesia. Ua hinaaro hoi te Ekalesia i te tahi faahou mau episekopo. O Nuela K. Uitini te episekopo piti o te Ekalesia.
Ua riro te episekopo ei taata faatere no te Feia Mo‘a i roto i te hoê paroita. Ua riro hoi te peresideni amaa mai te hoê episekopo. Ua riro te peresideni amaa ei taata faatere no te Feia Mo‘a i roto i te hoê amaa.
I teie mahana ua tauatini mau episekopo i roto i te Ekalesia.