“Pene 57: Te Hoê Taata Faatere Apî no te Ekalesia: Tiurai–Atete 1844,” Te Mau Aamu no Roto Mai i te Parau Haapiiraa e te Mau Parau Fafau (2002), 206–8
“Pene 57,” Te Mau Aamu no Roto Mai i te Parau Haapiiraa e te Mau Parau Fafau, 206–8
Pene 57
Te Hoê Taata Faatere Apî no te Ekalesia
(Tiurai–Atete 1844)
Ua pohe te Peropheta Iosepha Semita. Aita hoi to te Ekalesia e Peresideni faahou. Aita hoi te mau Feia Mo‘a i ite e o vai te tia ia faatere ia ratou.
Te rave ra te pae rahi o te mau Aposetolo i ta ratou mau misioni i te mau vahi atea.
O Rigidoni hoi te tauturu o Iosepha Semita. Tera râ, aita oia i haapao i te mau faaueraa a te Fatu. Ua faanuu atu oia i rapae i Navu.
Ua faaroo o Sidene Rigidoni e ua pohe te peropheta. Ua ho‘i mai oia i Navu. Ua hinaaro oia ia riro ei taata faatere no te Ekalesia.
Ua ho‘i atoa mai o Birigama Ioune e te tahi atu mau Aposetolo na ta ratou mai mau misioni. O Birigama Ioune hoi te taata faatere o te mau Aposetolo. Ua parau maira oia e mea tia i te mau Aposetolo ia faatere i te Ekalesia e tae noa’tu ua maitihia te hoê Peresideni api.
Ua faatupu te mau melo o te Ekalesia i te hoê haaputuputuraa. Ua paraparau atu o Sideni Rigidoni ia ratou. Ua parau atu oia e mea tia ia’na ia riro ei taata faatere no te Ekalesia.
I muri iho ua paraparau maira o Birigama Ioune. Ua parau mai oia e mea tia i te mau Aposetolo ia faatere i te Ekalesia. Te parahi nei te Varua Maitai i roto ia’na. Ua riro te reo o Birigama Ioune mai to Iosepha Semita te huru. No te tahi mau miniti rii ua riro atoa to’na hoho‘a mai to Iosepha Semita te huru. I te reira taime ua ite ihora te mau Feia Mo‘a e ua maiti te Atua i te mau Aposetolo no te faatere i ta’na Ekalesia. Ua riri o Sidene Ridigoni. Ua ho‘i atu oia i to’na fare. E ua haamata ihora oia i te hoê ekalesia na’na iho. Ua hurihia oia i rapae i te Ekalesia e no reira eita oia i te melo no Te Ekalesia a Iesu Mesia i te Feia Mo‘a i te Mau Mahana Hopea Nei.