Pene 60

Ua Haere Noa te Mau Feia Mo‘a i to Ratou Tere

(Mati 1846–Tiunu 1846)

family gathering around grave

I te haamataraa no te tau mahanahana ua haamata faahou ihora te mau Feia Mo‘a i to ratou tere. E te to‘eto‘e noa ra i taua taime ra. Ua ma‘ihia te tahi o te mau taata e ua pohe roa te tahi pae.

Native Americans

E mea ino roa hoi te mau purumu. E ua tere mărû noa te mau taata. E mea papu te pae rahi o te fenua e te vai atoa ra te tahi mau aivi. Ua î hoi te fenua i te aihere teitei. Ua parauhia teie huru fenua te fenua papu. Teie hoi te huru fenua e faaeahia nei e te mau Inidia. Aita hoi e oire e aita atoa e faaapu to teie mau vahi.

men cutting down trees

Ua tono atu o Birigama Ioune i te tahi mau tane no te imi i te tahi mau vahi maitai no te puhaparaa. Ua tâpû ratou i te mau tumu raau e ua hamani i te mau fare raau. Ua patu ratou i te mau e‘a turu no te haere atu i te tahi pae mai i te mau anavai pape hu‘a. Ua hamani ratou i teie mau mea no te faaohie i te tere o te mau taata. Ua parauhia te mau Feia Mo‘a o tei tere atu i te Tooa o te Râ e mau pionie.

Saints crossing river by ferry

Ua tae atu te mau pionie i te hiti no te hoê vahi anavai pape aano roa. Te vahi o ta ratou i tapea, ua parauhia ia o Council Bluffs, i te tufaa fenua no Iowa. Ua amui mai te tahi atu mau Feia Mo‘a ia ratou. Ua patu ratou i te mau puhaparaa i reira. Ua faaea te mau Feia Mo‘a i reira e tae noa’tu i te tau mahanahana.