“Pene 21: Te Haereraa o te Peropheta i Misouri: Me–Tiunu 1831,” Te Mau Aamu no Roto Mai i te Parau Haapiiraa e te Mau Parau Fafau (2002), 81–83
“Pene 21,” Te Mau Aamu no Roto Mai i te Parau Haapiiraa e te Mau Parau Fafau, 81–83
Pene 21
Te Haereraa o te Peropheta i Misouri
(Me–Tiunu 1831)
E rave rahi Feia Mo‘a o te faaea noa ra i Niu Ioka. Tei Ketelani, Ohio hoi o Iosepha Semita e Sidene Rigidoni. Ua parau atu Iosepha i te Feia Mo‘a i Niu Ioka ia haere atu i Ohio. Ua haapao ratou i te parau a te Peropheta, e ua haere atu ratou i Ohio.
Ua parau atu Iesu ia Iosepha e mea tia i te mau melo no Ketelani ia horoa atu i te tahi o to ratou mau fenua i te mau Feia Mo‘a no Niu Ioka mai. E mea rahi hoi to Lemana Kopele fenua. Ua fafau oia no te horoa i to’na fenua. Ua faanuu mai te mau Feia Mo‘a no Niu Ioka i nia i taua fenua ra.
Aita o Lemana Kopele i haapao i ta’na parau i fafau. Aita oia i hinaaro i te Feia Mo‘a no Niu Ioka mai ia rave i to’na fenua. No reira e mea tia ia ratou ia faanuu atu no te mea aita to ratou e vahi faaearaa.
O Nuela Naita to ratou taata faatere. Aita oia i ite e nahea ra. Ua haere atura oia e farerei i te Peropheta ia Iosepha. Ua ani atu oia ia Iosepha eaha ta te Feia Mo‘a e tia ia rave.
Ua parau mai te Fatu ia Iosepha, e mea tia i te Feia Mo‘a no Niu Ioka ia faanuu oioi atu i Misouri.
Na mua a‘e ratou i faarue mai ai, ua faatupu ratou i te hoê amuiraa i Ketelani. E torn mahana te maoro no taua amuiraa ra. Ua horoa mai te Fatu i te tahi mau heheuraa faufaa rahi roa ia Iosepha Semita.
Ua parau atu te Fatu ia Iosepha ia faatoro‘a i te mau tahu‘a rahi matamua i roto i te Ekalesia. E melo te mau tahu‘a rahi no te Autahu‘araa a Melehizedeka. E mau feia faatere hoi ratou i roto i te Ekalesia. E rave rahi mau feia faatere o te Ekalesia o tei faatoro‘ahia ei mau tahu‘a rahi.
Ua parau mai te Fatu e mea tia i te tahi o te mau tane ia haere atu i te misioni i Misouri. E mea tia ia ratou ia poro i te evanelia i roto i to ratou tere. I te otiraa te amuiraa, ua haere atura te mau misionare i Misouri.
Ua parau atu te Fatu ia Iosepha ia faatupu i te amuiraa i mua nei i te Mataeinaa Iakona, Misouri. Ua parau mai oia ia Iosepha e to’na mau hoa ia haere atu i reira. E patuhia o Ziona i te Mataeina Iakona. E faaite mai Iesu i te vahi e patuhia ai te oire ra o Ziona.