“Pene 18: Te Ture a te Ekalesia: Fepuare 4, 1831,” Te Mau Aamu no Roto Mai i te Parau Haapiiraa e te Mau Parau Fafau (2002), 67–69
“Pene 18,” Te Mau Aamu no Roto Mai i te Parau Haapiiraa e te Mau Parau Fafau, 67–69
Pene 18
Te Ture a te Ekalesia
(Fepuare 4, 1831)
Ua horoa te Fatu i te hoê heheuraa faufaa roa ia Iosepha Semita i Ketelani. Ua parauhia te reira te ture a te Ekalesia.
Buka Fafau 42: Omuaraa Parau
Ua parau mai te Fatu e mea tia i te Feia Mo‘a ia haapii i te evanelia i te mau taata atoa. E mea tia i te mau tane o te haere ra i ta ratou misioni ia faatoro‘ahia i te autahu‘araa. E mea tia hoi ia ratou ia faatoro‘ahia e te mau feia faatere o te Ekalesia.
Buka Fafau 42: Omuaraa Parau, 7, 11
E mea tia i te mau misionare ia haere apipiti noa no te pororaa i te evanelia. E mea tia ia ratou ia haapii i te evanelia no roto mai i te Bibilia e te Buka a Moromona. E mea tia ia ratou ia pure no te farii i te faaûrûraa a te Varua Maitai. E faaite mai te Varua Maitai ia ratou i te mau mea no te haapii.
E mea tia i te mau misionare ia bapetizo i te mau taata o tei tiaturi i te evanelia.
Ua parau mai te Fatu e mea tia i te mau melo o te Ekalesia ia haapao i te mau ture hoê ahuru. Eiaha roa ratou e taparahi i te taata. Eiaha roa e haavare. Eiaha roa ratou e parau noa’tu i te mau parau faaino no te tahi atu mau taata. Eiaha roa ratou e rave noa’tu i te tahi atu mau ohipa iino.
E mea tia i te Feia Mo‘a ia tauturu ia vetahi ê na roto i te horoaraa i te tao’a e te maa. Ia na reira ratou ia vetahi ê, te na reira nei ïa ratou ia Iesu.
Ua horoa mai Iesu i te tahi atu mau ture i te Feia Mo‘a. Eiaha roa te Feia Mo‘a e mana’o e e mea maitai a‘e oia i te tahi atu mau taata. E mea tia i te Feia Mo‘a ia vai mâ noa. E mea tia ia ratou ia rave puai i te ohipa.
E mea tia i te Feia Mo‘a ia haapao i to ratou mau melo o tei pohehia i te ma‘i. E mea tia hoi i te mau tane o te mau nei i te autahu‘araa ia faatahinu i te mau melo ma‘i. E faaorahia te mau melo mauiui na roto i to ratou faaroo. Eita ratou e pohe mai te mea e aita i tae i te taime no to ratou poheraa.
Eiaha te Feia Mo‘a parau-tia e mǎta‘u i te pohe. E mea faahiahia roa te pohe i te feia parau-tia.
E horoa mai Iesu i te mau heheuraa e rave rahi i te mau melo parau-tia. E haapii oia ia ratou i te mau mea e rave rahi. E ite ratou nahea ia oaoa. Ua parau mai te Fatu i te Feia Mo‘a ia haapao i te mau ture a te Ekaiesia.