“Pene 7: Te Iteraa te Mau Ite i te Mau Api Auro: 1829–1830,” Te Mau Aamu no Roto Mai i te Parau Haapiiraa e te Mau Parau Fafau (2002), 31–33
“Pene 7,” Te Mau Aamu no Roto Mai i te Parau Haapiiraa e te Mau Parau Fafau, 31–33
Pene 7
Te Iteraa te Mau Ite i te Mau Api Auro
(1829–1830)
Te otiraa o Te Buka a Moromona i te iritihia e Iosepha Semita e Olive Kaudere. Ua hinaaro Iesu Mesia i te mau taata ia tai‘o i Te Buka a Moromona. Ua hinaaro oia ia ratou ia ite e ua faaite mau o Iosepha i te parau mau no nia i te mau api auro. Ua hinaaro Iesu i te mau taata ia ite e parau mau ihoa te mau api auro.
O Iosepha Semita ana‘e tei ite i te mau api auro. Ua maiti Iesu e toru faahou atu mau taata ia ite i te mau api auro. Ua parauhia teie mau taata e mau ite. Teie te i‘oa o teie mau taata, oia hoi, o Maratini Hareti, Olive Kaudere, e Davida Uitima.
Buka Fafau 17:1
Ua afai atu Iosepha Semita i teie mau taata e toru i roto i te uru raau. Ua pure ratou. E ua fâ maira te hoê melahi e ua faaite maira i te mau api auro ia ratou. Ua faaite mai oia ia ratou i te mau papairaa i nia i te mau api auro. Ua parau mai Iesu i te mau ite e toru ia papai no nia i te mau mea o ta ratou i ite.
Ua oaoa roa o Iosepha. E faaite na ite tootoru i te tahi atu mau taata e e parau mau te mau api auro. I teie nei e ite ihoa te mau taata e ua faaite o Iosepha i te parau no nia i te mau api auro.
Ua parau mai Iesu ia Iosepha ia faaite atu i te mau api auro i te tahi atu mau ite e toova‘u. Ua tapea teie mau taata e toova‘u i te mau api auro i roto i to ratou iho mau rima. Ua ite hoi ratou i te mau papairaa i nia i taua mau api auro ra.
Ua papai te mau ite i te mau parau no nia i te mau api auro. Ua parau ratou e ua ite ratou i te mau api auro. Ua parau atoa ratou e parau mau taua mau api auro ra. Ua faaitehia te mau parau i papaihia e te mau ite i roto i Te Buka a Moromona.
Ua iriti o Iosepha Semita i te mau api auro. Ua ite hoi te mau ite i te reira. Aita o Iosepha i titauhia ia tapea noa i te mau api auro. Ua haere mai te melahi ra o Moroni ia Iosepha. Ua faaho‘i atu o Iosepha i te mau api auro ia Moroni ra.
I teie nei ua ineine Te Buka a Moromona no te neneiraa. Ua afai atu o Iosepha i te mau api parau i te hoê taata no te nenei. Aita ta Iosepha e moni no te aufau i teie taata nenei parau. E taata moni hoi o Maratini Hareti. Ua parau mai o Iesu e mea tia ia Maratini Hareti ia tauturu na roto i te horoaraa i ta’na moni no te aufau i teie taata nenei parau.
Aita o Satane i hinaaro ia neneihia Te Buka a Moromona. Aita oia i hinaaro i te mau taata ia tai‘o i teie buka. Ua tamata te mau taata iino ia tapea i te taata nenei parau.
Aita te taata nenei parau i rave i te ohipa i te mau mahana Sabati. Ua haere atu te hoê taata ino i te fare neneiraa parau i te mau Sabati. Ua eiâ taua taata ra i te mau api parau no Te Buka a Moromona. Ua nenei oia i te reira mau api parau i roto i te ve‘a. Ua tapea te mau taata maitai i teie taata ino ia faaea oia i te ohipa eiâ i te mau api parau.
Ua hinaaro Iesu ia tai‘o te mau taata i Te Buka a Moromona Aita roa e tia i te mau taata iino ia tapea i te ohipa a Iesu. Aita hoi ta te mau taata iino e nehenehe ia tapea i te taata nenei parau. I te hopea, ua nenei-faaoti-roa-hia Te Buka a Moromona. I teie nei ua nehenehe i te mau taata e rave rahi ia tai‘o i te reira. Ua nehenehe hoi ia ratou ia haapii i te evanelia a Iesu Mesia.