Te ’itera’a pāpū o nā ’ite to’ova’u

’Ia ’ite tō te mau nūna’a ato’a, ’e te mau ’ōpū ato’a, ’e te mau reo ato’a, ’e te mau ta’ata ato’a e taehia e teie nei buka : Nā Iosepha Semita, tamaiti, ’o tei ’īriti i teie nei buka, i fa’a’ite mai ia mātou i te mau ’api i parauhia a’enei, e mai te ’auro ïa te huru ; ’e ’ua fāfā ho’i tō mātou rima i te mau ’api ato’a i ’īritihia e taua ta’ata ra ’o Semita ; ’e ’ua ’ite ho’i mātou i te mau parau i ’ō’otihia i ni’a iho, ’e ’ua au te reira i te ’ohipa tahito ’e te huru ’ē ho’i. ’E tē fa’a’ite pāpū atu nei ho’i mātou ma te parau mau ē, e nā te ta’ata ra ’o Semita i fa’a’ite mai ia mātou, ’e ’ua ’ite mata ’e ’ua fāito rima mātou i te teiahara’a, ’e ’ua ’ite pāpū ho’i mātou ē, tei taua ta’ata ra ia Semita te mau ’api tā mātou i parau a’enei. ’E tē hōro’a atu nei mātou i tō mātou mau i’oa i tō te ao nei, nō te fa’a’ite pāpū i tō te ao nei i tā mātou i hi’o. E ’aore roa mātou e ha’avare nei, ’o te Atua ho’i tei ’ite.