Te
Buka a Moromona

Nō reira, e pāpa’a parau ha’apotohia teie nō te pāpa’a parau nō te mau ta’ata o Nephi, ’e te mau ’āti Lamana ho’i—Pāpa’ihia i te mau ’āti Lamana, e toe’a ho’i rātou nō te ’utuāfare o ’Īserā’ela ; ’e ’oia ato’a i te ’āti Iuda ’e te ’Ētene—Pāpa’ihia nā roto i te fa’auera’a, ’e nā roto ato’a i te vārua nō te tohu ’e te heheura’a—Pāpa’ihia ’e tāpirihia, ’e hunahia i te Fatu ra ’ia ’ore te reira ’ia mou—’ia tae mai nā roto i te hōro’a ’e te mana o te Atua, ’e ’ia ’īritihia te reira—Tāpirihia e te rima o Moroni, e hunahia i te Fatu ra, ’ia tae mai i te tau mau ra nā roto i te mau ’Ētene ra—Te ’īritira’a nō te reira nā roto ïa i te hōro’a a te Atua.

E pāpa’a parau ha’apotohia i ravehia nō roto ato’a mai i te Buka a Etera, ’oia ho’i te pāpa’a parau nō te mau ta’ata o Iareda, ’o tei ha’apurarahia i te tau i fa’ahuru ’ē ai te Fatu i te reo o te mau ta’ata, ’a hāmani ai rātou i te pare ’ia tae atu i te ra’i—Nō te fa’a’ite i te toe’a o te ’utuāfare o ’Īserā’ela i te mau mea rahi tā te Fatu i rave nō tō rātou ra mau metua tāne ; ’e ’ia ’ite rātou i te mau fafaura’a a te Fatu, ’e ’ia ’ore rātou e fa’aru’ehia ē a muri noa atu—’E ’oia ato’a ’ei fa’a’ite pāpū i te ’āti Iuda ’e te ’Ētene ē ’o Iesu te Mesia, te Atua mure ’ore, ’o tē fa’a’ite iāna iho i te mau nūna’a ato’a—’E i teienei, mai te mea ē tē vai ra te mau hape, e mau hape ïa nā te ta’ata nei ; nō reira, ’eiaha e fa’ahapa i te mau mea a te Atua, ’ia ti’a ia ’outou ’ia riro ’ei mea pōra’o ’ore i mua i te ha’avāra’a a te Mesia.