“Pene 11: E Rave Rahi Mau Taata Tei Riro Ei Melo no te Ekalesia: Eperela–Tiunu 1830,” Te Mau Aamu no Roto Mai i te Parau Haapiiraa e te Mau Parau Fafau (2002), 46–47
“Pene 11,” Te Mau Aamu no Roto Mai i te Parau Haapiiraa e te Mau Parau Fafau, 46–47
Pene 11
E Rave Rahi Mau Taata Tei Riro Ei Melo no te Ekalesia
(Eperela–Tiunu 1830)
E rave rahi mau hebedoma tei mairi. Te vai ra e piti ahuru e ma hitu melo o te Ekalesia. Aita hoi ratou pauroa e faaea nei i roto i te hoê noa iho oire. Ua ani atu o Iosepha ia ratou ia haere mai no te hoê amuiraa rahi. Ua riro teie amuiraa rahi ei ohipa taa ê no te mau Feia Mo‘a atoa. Te Feia Mo‘a o te mau melo ïa o te Ekalesia a Iesu Mesia.
Ua operehia te oro‘a i roto i taua amuiraa ra. E ua faatoro‘ahia te tahi mau taata i roto i te autahu‘araa. Ua haamaitaihia te Feia Mo‘a i te Varua Maitai. Ua oaoa roa hoi ratou.
Te vai atoa ra te tahi atu mau taata i te amuiraa. Eita ïa ratou i te mau melo no te Ekalesia. Ua haapii mai hoi ratou i te evanelia i roto i taua amuiraa ra. Ua hinaaro i te amui mai i roto i te Ekalesia. Ua bapetizohia ratou. I muri mai i te amuiraa ra ua haere atura o Iosepha Semita i tahi atu oire. Ua hinaaro te tahi mau taata maitai i reira ia bapetizohia. Ua parau atura o Iosepha e nehenehe ratou ia bapetizohia i roto i te anavai pape.
Ua patu te mau taata i te hoê aua pape hu‘a i roto i te anavai. Ua riro hoi te reira ei vahi nehenehe roa no te bapetizoraa. I te hoê pô, ua haere atu te tahi mau taata iino e vavahi i taua aua pape ra.
Ua patu faahou te mau taata maitai i taua aua pape ra. I reira ua haamata faahou ihora o Olive i te bapetizo i te mau taata. Aita i maoro i muri iho ua haere mai te hoê pŭpŭ taata iino. Ua parau mai teie pŭpŭ taata iino i te mau parau faaino i te mau taata maitai. Ua tamata teie pŭpŭ taata iino ia hamani ino ia ratou. Area râ, ua paruparu noa te Fatu i te mau taata maitai.
Ua hinaaro o Satane i te pŭpŭ taata iino ia faaino i te Ekalesia a Iesu Mesia. Ua parau te mau taata iino i te mau parau haavare no nia ia Iosepha. Ua parau ratou e ua rave oia i te mau ohipa iino. Ua tuuhia o Iosepha i roto i te fare auri.
Ua tamata te mau taata iino ia faaino ia Iosepha. Ua tutuha ratou i nia ia’na. Aita ratou e horoa i te maa na’na. Ua parau te tahi o ratou i te mau parau haavare no nia ia Iosepha. Area râ ua faaite te mau taata maitai i te parau mau no nia ia Iosepha. Ua parau ratou e taata parau-tia o Iosepha. I te pae hopea ua tuuhia o Iosepha i rapae i te fare auri.