“Pene 30: Te Hoê Heheuraa no Nia i te Tama‘i: 25 no Ditema 1832,” Te Mau Aamu no Roto Mai i te Parau Haapiiraa e te Mau Parau Fafau (2002), 117–18
“Pene 30,” Te Mau Aamu no Roto Mai i te Parau Haapiiraa e te Mau Parau Fafau, 117–18
Pene 30
Te Hoê Heheuraa no Nia i te Tama‘i
(25 no Ditema 1832)
E mea rahi te mau taata i bapetizohia mai i roto i te Ekalesia a Iesu Mesia. Ua faaoaoa te evanelia ia ratou. Area râ ua pe‘ape‘a te Feia Mo‘a no nia i te mau mea e tupu ra i te tahi atu mau fenua.
Ua tupu te mau ohipa oto i roto i te mau vahi e rave rahi o te ao nei. Te vai ra te aueueraa fenua. Ua ma‘ihia te mau taata. E e rave rahi hoi mau taata e pohe ra.
Te vai atoa ra hoi te mau mea oto e tupu ra i te mau Tufaa Fenua Marite. Aita te tahi mau taata i hinaaro ia riro ei tufaa no te Tufaa Fenua Marite. Ua hinaaro ratou i to ratou iho mau taata faatere.
I te mahana Noela, i te matahiti 1832, ua horoa mai Iesu i te hoê heheuraa ia Iosepha Semita. E no nia teie heheuraa i te tama‘i.
Ua parau mai Iesu e e tupu te hoê tama‘i i roto i te Marite. E tama‘i hoi te taata Marite te tahi i te tahi.
E i muri mai e tupu atoa te tama‘i i te tahi atu mau fenua. E e tupu te tama‘i i roto i te ao atoa nei. Ua parau mai Iesu e mea tia i te Feia Mo‘a ia ora parau-tia noa. E mea tia ia ratou ia vai ineine noa no to’na ho‘i-faahou-raa mai i nia i te fenua nei.
Ua tupu te oto i roto ia Iosepha i to’na iteraa e e tupu te mau tama‘i. Ua ite oia e e mea tia i te mau taata ia haapao i te mau faaueraa a te Atua. E i reira eita ïa ratou e aro e e faatupu i te tama‘i.