Te Mau Parau o te Tia ia Tatou ia Ite

“Te Mau Parau o te Tia ia Tatou ia Ite,” Te Mau Aamu no Roto Mai i te Parau Haapiiraa e te Mau Parau Fafau (2002), 238–42

“Te Mau Parau o te Tia ia Tatou ia Ite,” Te Mau Aamu no Roto Mai i te Parau Haapiiraa e te Mau Parau Fafau, 238–42

Te Mau Parau o te Tia ia Tatou ia Ite

a muri noa’tu: A muri noa’tu aita e hopea. E tia ia tatou ia faaea noa i pihai iho i to tatou Metua i te Ao ra e a muri noa’tu mai te mea e haapao tatou i ta’na ra mau faaueraa.
amui atu: Ua amui atu te mau taata i roto i te Ekalesia. Ua bapetizohia te mau taata e ua riro mai ratou ei mau melo no te Ekalesia.
amuiraa: Te hoê amuiraa o te hoê ïa pureraa rahi roa. E rave rahi mau melo o te Ekalesia o te haere nei i te amuiraa.
Aposetolo: Te hoê Aposetolo o te hoê ïa taata faatere i roto i te Ekalesia a Iesu Mesia. Ua parau atu o Iesu ia Iosepha Semita e ua hinaaro oia hoê ahuru e ma piti Aposetolo.
aratai: aratai i te mau taata o te faaiteraa atu ïa e aore râ te parauraa atu ia ratou i te mau mea no te rave.
taata aratai: O te Peropheta te taata aratai o te Ekalesia.
autahu‘araa: Te autahu‘araa o te mana ïa o te Atua.
ava: Te vai ra te ava i roto i te pia e te uaina. E ere te ava i te mea maitai ia tatou ia inu.
avaava: Te vai nei te tahi mau taata o te pupuhi nei i te avaava e te tahi atu o te amuamu nei i te reira. E ere te avaava i te mea maitai no tatou.
bapetizohia: la tomo ana‘e tatou i roto i te Ekalesia, e bapetizohia ïa tatou. E utuhihia ïa tatou i raro i te pape e e ho‘i faahou mai tatou i nia.
basileia: Te basileia o te ao ra o te vahi ïa ta te Atua e faaea nei.
diakono: E tia i te mau tamaroa o tei tiahia i te 12 matahiti ia riro ei mau diakono. E tia hoi i te mau diakono ia opere i te oro‘a.
e‘a turu: Ua haere atu te mau Feia Mo‘a i te tahi pae mai o te anavai pape na nia i te e‘a turu.
eiâ: Te eiâ o te raveraa ïa i te hoê mea e ere i ta oe iho. Ua eiâ te mau pŭpŭ taata iino i te mau animala a te mau Feia Mo‘a.
endowment: Te hoê oro‘a endowment o te hoê ïa fafauraa taa ê e aore râ te hoê horoa no ŏ mai i te Atua ra.
enemi: Te hoê enemi o te hoê ïa taata o te ore e au nei i te tahi atu taata. Ua tamata te mau enemi o Iosepha Semita ia taparahi ia’na.
episekopo: Te hoê episekopo o te hoê ïa taata faatere i roto i te Ekalesia. Te taata faatere o te hoê paroita o te episekopo ïa.
evanelia: Te evanelia o ta Iesu ïa i haapii mai ia tatou ía rave. Ua tiaturi te mau Feia Mo‘a i te evanelia a Iesu Mesia.
faahema: Ua tamata o Satane ia faahema ia tatou. Te tamata nei o Satane ia faahema ia tatou ia rave i te mau mea ino.
faaipoipohia: Ua faaipoipohia o Iosepha ia Ema. O Iosepha te tane a Ema. O Ema te vahine a Iosepha.
faaipoiporaa: faaipoiporaa o te tu‘atiraa ïa i te tane e te vahine.
Faamu: Ua faamu mai o Iosepha e Ema i te maehaa. Ua faariro o Iosepha raua o Ema i teie na maehaa ei tufaa no to raua utuafare.
faaora: Ua pohe o Iesu no te faaora ia tatou. Ua pohe o Iesu ia tia ia tatou ia ho‘i atu e ora i pihai iho i to tatou Metua i te Ao ra.
faaoraraa: Te faaoraraa o te atuaturaa ïa i te hoê taata ma‘i ia maitai mai oia. Ua haamaitai o Nuela Uitini ia Iosepha Semita. Ua faaorahia o Iosepha Semita.
faaoreraa: Te faaoreraa o te haamo‘eraa ïa i roto i te feruriraa i te mau ohipa iino a te hoê taata i rave. E faaore mai te Atua i ta tatou hape mai te mea e tatarahapa tatou i te mau mea ino o ta tatou i rave, e aita tatou e rave faahou i te reira.
faaroo: Te fariiraa i te faaroo o te iteraa ïa i te hoê mea ei parau mau. Te vai nei to tatou faaroo ia Iesu Mesia. Te tiaturi nei tatou ia’na e te haapao nei tatou i ta’na parau.
faasataurohia: Ua faasataurohia o Iesu. Ua taparahihia o Iesu. Ua patitihia oia i nia i te satauro e ua faatarere-noa-hia oia i reira e tae noa’tu i to’na poheraa.

Hōho’a
Jesus was crucified
faate‘ote‘o: Ua faate‘ote‘o atu te mau tiai fare auri i te mau ohipa tano ore ta ratou i rave. Ua oaoa hoi ratou no te reira.
faatoro‘ahia: Faatoro‘ahia o te horoaraahia ïa te autahu‘araa. Ua faatoro‘a o Iosepha Semita i te hoê taata. Ua horoa atu o Iosepha Semita i te autahu‘araa i te hoê taata.
faaueraa: Te haapao nei te mau taata maitai i te mau faaueraa a te Atua. Te rave nei te mau taata maitai i te mau mea o ta te Atua e hinaaro ia ratou ia rave.
faehau: Te aro nei te mau faehau i roto i te hoê nuu faehau.
fafauraa: O te horeoraa ia. Te fafau nei tatou i te Atua e te hinaaro nei tatou ia haapao maitai. Te fafau nei tatou i te hoê fafauraa i te Atua.
fare: Ua riro te hiero mai te hoê fare rahi.
fare auri: Te hoê fare auri o te hoê ïa fare tapearaa. Ua tuuhia atu te mau tane i roto i te fare auri. Ua ponaohia te mau tane ia ore e tia ia ratou ia horo ê atu.

Hōho’a
jail
fare tapearaa: Ua riro te fare tapearaa mai te hoê auri te huru.
fariiraa i te utu‘a maitai: Te fariiraa i te utu‘a maitai o te fariiraa ïa i te hoê mea maitai no te ohipa i ravehia. Ua rave te mau taata i te ohipa na te hoê taata faaapu. Ua farii ratou i te utu‘a maitai na roto i te aufauraahia i te moni.
Feia Mo‘a: E melo ratou no te Ekalesia a Iesu Mesia.
fifi: Te Fifi o te hoê ïa mea ino o te tupu ia tatou. Ua farii te mau Feia Mo‘a i Navu e rave rahi mau fifi.
haamo‘a: la haamo‘a ana‘e tatou i te hoê mea, te horoa nei ïa tatou i te reira ia faaohipahia no te ohipa a te Atua. Ua haamo‘a te mau Feia Mo‘a i te hiero.
haamori: Te auraa no te parau haamori o te here ïa e te faaroo. Ua hinaaro o Satane ia Mose ia haamori ia’na. Ua hinaaro o Satane ia Mose ia here e ia faaroo ia’na.
haamouraa: Te haamouraa o te vavahiraa ïa, te haaparariraa, te tutu‘iraa, e aore râ te taparahiraa. Ua haamou te mau pŭpŭ taata iino i te hiero.
haapaeraa: Te haapaeraa o te faaea-noa-raa ma te ore e inu i te pape e aore râ i te amu i te maa. Ua haapae te mau taata e toru mahana. Aita te mau taata i inu i te pape e aore râ i amu i te hoê noa a‘e mea no na mahana e toru.
haapaoraa: Te haapaoraa o te raveraa ïa i te mea o tei faauehia mai ia rave. E mea tia ia tatou ia haapao i te mau faaueraa a te Atua.
haapii: Ua haapii atu o Iosepha Semita i te evanelia i te taata. Ua paraparau atu o Iosepha Semita i te taata e ua faaite atu ia ratou no nia i te evanelia.
haaputuputuraa: Te haaputuputuraa o te tahoêraa ïa i te vahi hoê. Ua parau mai o Iosepha Semita i te mau Feia Mo‘a ia haaputuputu mai i Misouri.
haere atu i te tahi pae: Ua haere atu te mau pionie i te tahi pae mai o te anavai.
hamani: Ua hamani o Iesu Mesia i te fenua.
haru: Ua haru te pŭpŭ taata iino i te mau Feia Mo‘a. Ua haamata ihora te pŭpŭ taata iino i te aro atu i te mau Feia Mo‘a.
haruhia: Ua haruhia o Iosepha Semita e te mau faehau. Ua haru te mau faehau ia Iosepha Semita e ua tuu ia’na i roto i te fare auri.
hiero: Te hiero o te fare ïa o te Atua.
hororaa: Te hororaa o te faaatearaa atu ïa i te hoê taata e aore râ i te hoê mea. Ua tamata te mau tane i te horo atu na roto mai i te fare auri. Ua horo atu o Iosepha Semita na roto mai i te pŭpŭ taata iino.
hurihia i rapae: E tia i te mau melo haapao ore ia hurihia i rapae i te Ekalesia. Eita ratou i te melo faahou no te Ekalesia.
iriti: Ua iriti o Iosepha Semita i te Buka a Moromona. Ua papai o Iosepha Semita i te Buka a Moromona na roto i te reo Baratane.
iteraa papu: Te iteraa papu o te hoê ïa mana‘o o te faaite mai nei e, e parau mau te evanelia. Te vai ra to te hoê taata iteraa papu e e parau mau te evanelia.
maa: Ua tanu te mau pionie i te maa. Ua tanu te mau pionie i te mau tô popaa, te umara putete, te sitona, e te tahi atu mau mea.
maiti: Ua horoa mai to tatou Metua i te Ao ra i te tiamâraa ia tatou ia maiti i te mea o ta tatou e rave. Ua vaiiho te Atua ia tatou ia maiti i te maitai e aore râ i te ino. Te maiti nei tatou i te tahi mau taata ia riro ei mau taata faatere. Ua maiti te Atua ia Birigama Ioune ei taata faatere no te mau Feia Mo‘a.
mau horoa: Te mau horoa o te mau mea ïa o tei horoahia mai i te taata nei. Te horoa mai nei te Varua Maitai i te mau horoa i te taata parau-tia.
mau ite: Ua ite te mau ite i te mau api auro. Ua parau mai ratou e e parau mau te mau api auro.
mau manu: E mau manu hoi te quails.

Hōho’a
quail
mau melo: E mau melo hoi te tahi mau taata no te Ekalesia. Ua bapetizohia te tahi mau taata e ua riro ratou ei mau melo no te Ekalesia.
mau taata haapao fare auri: Te haapao nei hoi te mau taata haapao fare auri i te mau taata i roto i te fare auri ia ore ratou ia horo ê atu.
mau tahu‘a: Te mau nei te mau tahu‘a i te autahu‘araa. Te mau tahu‘a o ratou ia te mau tane e tauturu i roto i te Ekalesia.
mau tauturu: Te mau tauturu o te mau taata ïa o te tauturu nei i te taata faatere. Te vai nei to te Peropheta o te Ekalesia mau tauturu.
mau tupuna: To tatou mau tupuna o te mau taata ïa o tei ora na mua a‘e ia tatou.
mau varua Ino: E mea ino te mau varua ino. Te apee nei hoi te varua ino i te e‘a o Satane.
mauiui: Te mauiui nei tatou ia pêpê ana‘e to tatou tino.
melahi: Ua riro te hoê melahi ei tauturu no te Atua. Ua paraparau mai te melahi Moroni ia Iosepha Semita.

Hōho’a
angel
misionare: Te hoê misionare o te hoê ïa taata o te haere atu i te misioni.
misioni: Ua haere atu te mau Aposetolo i te misioni. Ua haere atu te mau Aposetolo e faaite i te mau taata i te evanelia a Iesu Mesia.
miti: Te miti o te hoê ïa pape rahi o tei faaati i te fenua.
mo‘a: Te hiero o te hoê ïa fare mo‘a. E no te Atua hoi te hiero.
mou‘a: Ua faahaere atu te mau pionie i ta ratou mau pereoo tura‘i na nia i te mou‘a.
nehenehe: Mai te mea te vai nei te hoê mea nehenehe, e mea au ïa na tatou ia hi‘o atu. E mea nehenehe te hoê aua tiare. E mea nehenehe te hiero.
neneihia: Ua neneihia te mau parau i roto i teie buka i nia i te papie (parau).
opereraa: Te opereraa o te tufaraa atu ïa i te tahi tufaa o ta oe mau mea ia vetahi ê ra.
ohipa iino: O te hoê ïa mea tano ore roa. E varua ino o Satane.
opua: Ua feruri noa o Ema e Iosepha e e mea tia anei ia raua ia haere atu i Penetivenia e aore râ ia faaea noa i Niu Ioka. E ua opua ihora raua ia haere atu i Penetivenia.
orama: Te hoê orama o te hoê ïa mea o ta te Atua e faatia mai ia tatou ia hi‘o atu. Ua ite atu o Iosepha Semita i to tatou Metua i te Ao ra e ia Iesu Mesia i roto i te hoê orama.
oro‘a: Te rave nei tatou i te oro‘a no te haamana‘oraa ia Iesu. Te rave nei tatou i te pane e te pape no te haamana‘oraa ia Iesu.

Hōho’a
sacrament tray
papairaa mo‘a: Te papairaa mo‘a o te mau buka ia e faaite mai nei ia tatou no nia i te Atua. Te Bibilia, te Buka a Moromona, te Buka Fafau, te Poe Tao‘a Rahi e mau papairaa mo‘a ana‘e te reira na te Ekalesia.
parau ino: Te parau ino o te parauraa ïa i te mau parau hairiiri. Ua parau te mau taata tiai fare auri i te mau parau ino.
parau mau: Ua haapii o Iesu i te taata i te parau mau. Ua haapii o Iesu i te taata i te mea tano.
parau-tia: E rave hoi te feia parau-tia i te mea tano. E haapao hoi ratou i te mau faaueraa a te Atua.
pari: Ua pari te taata ia Iosepha Semita no te mau fifi i tupu. Ua parau mai te mau taata e na Iosepha Semita i faatupu i te mau fifi.
paruru: Te vai ra ta te mau tane mau pupuhi no te paruru i te mau taata. Te vai ra ta te mau tane pupuhi no te paruru ia ratou. Ua paruru te Fatu ia Iosepha Semita. Ua paruru te Fatu ia Iosepha Semita i te mau fifi.
patu pape: Ua patu te mau Feia Mo‘a i te hoê patu pape na ratou i roto i te anavai. Te hoê patu pape o te hoê ia patu no te tapearaa i te pape eiaha ia tahe atu.

Hōho’a
dam
patu: Ua patu te mau pionie i to ratou mau fare raau.
pĭpĭ: Te hoê pĭpĭ o te hoê ïa taata o te apee ia Iesu e o te tamata ia riro mai ia’na te huru.
peresibutero: Te mau peresibutero o te mau tane ïa o tei farii i te autahu‘araa.
peresideni: Te peresideni o te taata faatere ïa. O te peresideni o te Ekalesia te taata faatere.
peresideniraa: I roto i te peresideniraa o te Ekalesia te vai nei te peresideni e to’na na tauturu.
peropheta: E faaite te hoê peropheta i te taata i ta te Atua e hinaaro ia ratou ia ite. E peropheta hoi o Iosepha Semita.
pû: Te hoê pû o te hoê ïa mea o te pupuhihia i te mata‘i.

Hōho’a
bugle
puaatoro: E mau animala te mau puaatoro.

Hōho’a
oxen
pure: Te auraa no te pure o te paraparauraa atu ïa i to tatou Metua i te Ao ra. Ua pure o Iosepha Semita i to tatou Metua i te Ao ra. Ua paraparau atu o Iosepha Semita i to tatou Metua i te Ao ra. Ua faaoti te mau pionie i to ratou mau pure e ua haere atu ratou e taoto. Ua pure te mau pionie e ua haere atu ratou e taoto.
raatira: Te hoê raatira o te hoê ïa taata faatere. Ua riro te raatira Allen ei taata faatere no te mau faehau.
raau taero: Te hoê raau taero o te hoê ïa mea te nehenehe ia haapohe i te taata mai te mea e amu e aore râ e inu ratou i te reira. Ua faahepo te pŭpŭ taata iino ia Iosepha Semita ia inu i te raau taero.
rave: la rave ana‘e tatou i te hoê mea a vetahi ê, e mea tia ia tatou ia ani e mai te mea e nehenehe anei ta tatou ia faaohipa i te reira. Ua rave te hoê taata i te puaahorofenua a to’na hoa ma te ani atu i te reira. Ua ani atu teie taata i to’na hoa mai te mea e nehenehe anei ta’na ia faaohipa i ta’na puaahorofenua.
reo: Te mau parau o ta tatou e faaohipa nei no te papai e aore râ no te paraparau atu i te tahi atu mau taata ua parauhia ïa te mau reo.
Sabati: Te Sabati o te mahana ïa e haere ai tatou i te pureraa. Eita i te mea tano ia tatou ia rave i te ohipa i te mahana Sabati. Te hitu o te mahana o te mahana Sabati ïa.
tâ: E mea piripiri roa te tâ e e mea ereere hoi te reira mea.
taata faatere: O te peropheta te taata faatere no te Ekalesia.
taata haavare ore: Aita te mau taata haavare ore e parau i te mau mea haavare. Aita te mau taata haavare ore e rave i te mau mea e ere ratou te fatu.
taata haru animala: Te mau taata haru animala o te mau taata ïa o te haere nei i nia i te mou‘a no te haru i te mau animala. Te hoo nei ratou i te mau huruhuru animala.
taata ino: Ua rave te taata ino i te mau mea iino. Ua rave te taata i te mau mea iino.
taata nenei parau: Te taata nenei parau o te hoê ïa taata o te nenei i te mau buka.
tanu: Ua tanu o Moroni i te mau api auro i roto i te fenua. Ua tuu atu oia i te mau api auro i roto i te hoê apoo i roto i te fenua. Ua tapo‘i oia i te reira i te repo.
tatarahapa: Mai te mea e rave tatou i te tahi mau ohipa ino e mea tia roa ïa ia tatou ia tatarahapa. Mai te mea ua rave tatou i te hoê ohipa ino e mea tia ia tatou ia tatarahapa e eiaha ia na reira faahou.
tatufaa: Ua tatufaa te taata faatere i te fenua. Ua horoa atu te taata faatere i te hoê tufaa fenua no te mau utuafare tataitahi.
tavana rahi: Te tavana rahi o te taata faatere ïa no te hoê tufaa fenua.
tia faahou: Ua tia faahou mai o Iesu Mesia. Ua pohe hoi oia, e ua ora faahou mai. E tia faahou mai te mau taata atoa i muri iho i te poheraa.
tiaturi: Te tiaturi o te feruriraa ïa i te hoê mea ei parau mau. E rave rahi te mau taata o tei tiaturi i te evanelia a Iesu Mesia.
tufaa ahuru: Te tufaa ahuru o te moni ïa ta tatou e horoa nei i te Atua.
uumi: Ua uumi te mau taata i to Iosepha Semita arapoa.
vahi bapetizoraa: Te vai nei te mau vahi bapetizoraa i roto i te mau fare pureraa e te mau hiero. Ua bapetizohia te mau taata i roto i te vahi bapetizoraa.
varua: Aita to te hoê varua e tino i‘o e te ivi.