“Pene 25: Te Haereraa o Iosepha Semita e Sidene Rigidoni i te Misioni: Ditema 1831–Tenuare 1832,” Te Mau Aamu no Roto Mai i te Parau Haapiiraa e te Mau Parau Fafau (2002), 96
“Pene 25,” Te Mau Aamu no Roto Mai i te Parau Haapiiraa e te Mau Parau Fafau, 96
Pene 25
Te Haereraa o Iosepha Semita e Sidene Rigidoni i te Misioni
(Ditema 1831–Tenuare 1832)
Aita te tahi mau taata i au i te Ekalesia a Iesu Mesia. Ua parau ratou i te mau parau haavare no nia i te Ekalesia. Ua neneihia te tahi o teie mau parau haavare i roto i te ve‘a. Ua parau mai Iesu ia Iosepha e Sidene Rigidoni ia haere atu i te misioni i te tahi atu mau oire. E tia hoi ia raua ia faaite atu i te mau taata i te parau mau no nia i te Ekalesia.
Ua haapao Iosepha e Sidene Rigidoni i te parau a Iesu. Ua vaiiho raua i to raua utuafare. Ua haere atu raua i roto i te mau oire e rave rahi. Ua paraparau atu raua i roto i te mau pureraa a te ekalesia. Ua haapii raua i te mau taata i roto i to ratou mau utuafare.
Ua paraparau atu Iosepha e Sidene i te mau taata no nia i te mau faaueraa a te Atua. Ua faaite atu raua i to raua iteraa papu no nia ia Iesu Mesia. Ua parau atu raua i te mau taata ia tatarahapa. Ua faaoti Iosepha e Sidene i ta raua ohipa misionare, e ua ho‘i atu raua i to raua ra na utuafare.