“Pene 24: E Mea Tia i te Mau Metua ia Haapii i ta Ratou Mau Tamarii: Novema 1831,” Te Mau Aamu no Roto Mai i te Parau Haapiiraa e te Mau Parau Fafau (2002), 93–95
“Pene 24,” Te Mau Aamu no Roto Mai i te Parau Haapiiraa e te Mau Parau Fafau, 93–95
Pene 24
E Mea Tia i te Mau Metua ia Haapii i ta Ratou Mau Tamarii
(Novema 1831)
Ua haere atu te tahi pae o te Feia Mo‘a e farerei ia Iosepha Semita i Ohio. Ua horoa mai Iesu i te hoê heheuraa ia Iosepha no ratou. Ua parau mai Iesu i te Feia Mo‘a nahea ratou e tia ai ia riro ei mau metua maitai.
Buka Fafau 68: Omuaraa Parau
Ua parau mai Iesu e mea tia i te mau tamarii ia bapetizohia i te va‘u o te matahiti. Ua faaue mai Iesu i te mau metua ia haapii i ta ratou mau tamarii i te evanelia na mua ratou e bapetizohia ai.
E mea tia i te mau tamarii ia haapii no nia ia Iesu. E mea tia ia vai to ratou faaroo Ia’na.
E mea tia i te mau tamarii ia ite nahea ia tatarahapa.
E mea tia i te mau tamarii ia ite no nia i te bapetizoraa. E mea tia ia ratou ia haapii ia riro ei mau melo maitai no te Ekalesia.
E mea tia i te mau tamarii ia ite nahea ia pure. E mea tia ia ratou ia ite nahea ia faaroo i te Varua Maitai.
E mea tia i te mau tamarii ia ite i te mau faaueraa a te Atua. E mea tia ia ratou ia haapao i te mau faaueraa.
E mea tia i te mau metua ia haapii i ta ratou mau tamarii i teie mau mea. E faahapahia te mau metua no te hara a ta ratou mau tamarii mai te mea aita ratou e haapii ia ratou i te evanelia.