“Pene 10: Te Semeio Matamua i Roto i te Ekalesia: Eperela 1830,” Te Mau Aamu no Roto Mai i te Parau Haapiiraa e te Mau Parau Fafau (2002), 43–44
“Pene 10,” Te Mau Aamu no Roto Mai i te Parau Haapiiraa e te Mau Parau Fafau, 43–44
Pene 10
Te Semeio Matamua i Roto i te Ekalesia
(Eperela 1830)
Ua faaterehia te piti o te pureraa a te Ekalesia a Iesu Mesia i te Sabati, te 11 no Eperela 1830. Ua haere mai te mau melo o te Ekalesia i te pureraa. Ua parauhia te mau melo ei Feia Mo‘a.
E rave rahi atu â mau taata o tei haere mai i te pureraa. Eita ratou i te melo no te Ekalesia. Ua haapii Olive Kaudere i te evanelia a Iesu Mesia ia ratou. Ua tiaturi te tahi mau taata ia Olive e ua hinaaro ia amui mai i roto i te Ekalesia. Ua bapetizohia ratou i muri iho i te pureraa.
Aita Satane i hinaaro i te mau taata ia amui mai i roto i te Ekalesia. Ua tamata noa Satane ia taui i te mana‘o o te mau taata maitai ia riro ei mea ino. O Nuela Naita te hoê o teie mau taata. E ere hoi o Nuela Naita i te melo no te Ekalesia. Aita Satane i hinaaro ia bapetizohia oia.
Ua ani o Iosepha ia Nuela ia pure i roto i te hoê pureraa. Ua parau mai o Nuela e pure oia.
Aita o Satane i hinaaro ia Nuela ia faaroo i te parau a Iosepha. Ua haere atu o Nuela i te pureraa, tera râ aita oia i hinaaro ia pure. Ua parau mai oia e te ri‘ari‘a nei oia ia pure puai atu.
I muri mai ua haere atu o Nuela i roto i te uru raau. Ua hinaaro oia ia pure otahi noa oia. Aita o Satane i hinaaro ia’na ia pure. Ua tamata o Nuela i te pure, area râ aita i tia ia’na ia parau. Ua tupuhia oia i te ma‘i. Ua tupu to’na oto e te ri‘ari‘a, e ua ho‘i atu o Nuela i te fare.
Ua pe‘ape‘a roa te vahine a Nuela i te ohipa i tupu i ta’na tane. Ua ani atu oia ia Iosepha Semita ia tauturu mai ia Nuela. Ua faaohipa o Iosepha Semita i to’na autahu‘araa no te haamaitai ia Nuela. I muri iho ua maitai faahou mai o Nuela. Ua ore to’na ma‘i. Aita oia i ri‘ari‘a faahou. Ua oaoa oia. Aita ta Satane i tia ia haamauiui ia’na. I muri iho ua bapetizohia o Nuela Naita.