“Pene 50: Te Mau Oro‘a Endowments Matamua: Me 1842,” Te Mau Aamu no Roto Mai i te Parau Haapiiraa e te Mau Parau Fafau (2002), 185
“Pene 50,” Te Mau Aamu no Roto Mai i te Parau Haapiiraa e te Mau Parau Fafau, 185
Pene 50
Te Mau Oro‘a Endowments Matamua
(Me 1842)
Ua fafau mai Iesu ia Iosepha Semita e e horoa mai oia i te hoê haamaitairaa taa ê i te mau taata. E teie haamaitairaa ra ua parauhia ïa te oro‘a endowment. E horoahia teie oro‘a endowment i roto i te hiero. Te mau tane e te mau vahine ana‘e o te haapao i te mau faaueraa a te Atua te farii i teie oro‘a endowment.
I muri mai ua haaputuputu mai o Iosepha Semita i te tahi mau tane e ta ratou ra mau vahine. Ua haapii atu o Iosepha ia ratou i te mau mea o te tia ia ratou ia rave i roto i te hiero. E i muri iho ua horoahia te mau oro‘a endowments ia ratou atoa ra.
I teie nei e tia i te mau taata atoa o te haapao i te mau faaueraa a te Atua ia haere atu i te hiero. E tia hoi ia ratou ia farii i teie haamaitairaa taa ê no te oro‘a endowment. E haapii hoi ratou i te mau mea o tei hinaarohia ia ratou ia ite no te ho‘i atu i te ra‘i ra. E fafau atu hoi ratou i te Atua. E e fafau mai hoi te Atua ia ratou.