Mau ’ā’amu o te pāpa’ira’a mo’a

Pene 1: Iosepha Semita e To’na Utuafare: 1805–1820

“Pene 1: Iosepha Semita e To’na Utuafare: 1805–1820,” Te Mau Aamu no Roto Mai i te Parau Haapiiraa e te Mau Parau Fafau (2002), 6–8

“Pene 1,” Te Mau Aamu no Roto Mai i te Parau Haapiiraa e te Mau Parau Fafau, 6–8

Pene 1

Iosepha Semita e To’na Utuafare

(1805–1820)

Joseph Smith as young boy — Ua fanauhia o Iosepha Semita i te 23 no Ditema 1805. Ua faaea to’na utuafare i te tufaa fenua no Veramona i te fenua Marite. O Iosepha Semita atoa hoi te i‘oa o to’na ra metua tane. E te i’oa o to’na ra metua vahine, o Lucy ïa.

Joseph and his siblings — E ono hoi to Iosepha taeae e e toru tuahine. Ua pohe te hoê taeae i to’na aiûraa.

Joseph’s family working — E na taata maitai roa te papa e te mama o Iosepha. Ua here raua i ta raua mau tamarii. Ua rave itoito raua i te ohipa no te atuaturaa i ta raua mau tamarii.

Joseph in bed — I to Iosepha tamarii-rii-roa-raa, ua tupu te hoê ma‘i ino roa i nia i to’na avae. Ua tamata te mau taote i te rapaau i to’na avae, tera râ aita te reira i maitai ia ratou.

Hyrum sitting beside Joseph’s bed — O Hairamu Semita te taeae paari a‘e o Iosepha. Ua here oia ia Iosepha. Ua pe‘ape‘a o Hairamu no te mauiui rahi o te avae o Iosepha. Ua parahi noa oia i pihai iho i te ro‘i o Iosepha. Ua tamata noa oia ia tauturu ia Iosepha ia oaoa rii mai oia.

Lucy Mack Smith with Joseph — Ua hinaaro te mau taote ia tâpû i to Iosepha avae. Aita to’na metua vahine i faatia ia ratou ia tâpû. No reira ua opua ihora ratou ia tâpû i te hoê tufaa o te ivi. Ua ite o Iosepha e e mauiui rahi to’na avae ia tâpûhia ana‘e oia e te mau taote. Area râ e faaroo rahi to’na. Ua ite oia e e tauturu mai to tatou Metua i te Ao ra ia’na.

Joseph and his mother — Ua ani te mau taote ia Iosepha ia inu i te tahi uaina no te haamărû i te mauiui. Aita o Iosepha i hinaaro ia inu i te uaina. Ua ani Iosepha i to’na metua vahine ia haere atu i rapae. Aita oia i hinaaro i to’na metua vahine ia hi‘o i te mau taote i te tâpûraa i to’na avae.

doctors operating on Joseph’s leg — Ua ani o Iosepha i to’na metua tane ia tapea ia’na. Ua tâpû te mau taote i to Iosepha avae. Ua tâpû ratou i te mau tufaa ino i roto i te ivi. Ua mauiui roa hoi o Iosepha. Tera râ ua faaoroma‘i mau oia. I te mau mahana e rave rahi i muri mai ua maitai rii to’na avae.

log cabin — I to Iosepha paari-rii-raa mai, ua faanuu atu to’na utuafare i te tufaa fenua ra i Niu Ioka. Ua faaea ratou i roto i te hoê fare raau i roto i te hoê faaapu tapiri mai i Palamaira.

Lucy Mack Smith washing clothes — E mea veve hoi te utuafare o Iosepha. Ua rave puai ratou i te ohipa no te aufau i ta ratou faaapu. Ua tauturu te mau tamaroa i te metua tane i te tanuraa i te maa. Ua haapao ratou i te mau animala. Ua rave itoito te mau tamahine i te ohipa i pihai iho i to ratou metua vahine.

Joseph stick-pulling with brother — E tamaiti maitai hoi o Iosepha. E mea oaoa oia. E mea au hoi na’na ia ata e ia arearea.