“Pene 49: Te Mau Feia Mo‘a i Navu: Tenuare–Tiurai 1841,” Te Mau Aamu no Roto Mai i te Parau Haapiiraa e te Mau Parau Fafau (2002), 183–84
“Pene 49,” Te Mau Aamu no Roto Mai i te Parau Haapiiraa e te Mau Parau Fafau, 183–84
Pene 49
Te Mau Feia Mo‘a i Navu
(Tenuare–Tiurai 1841)
Ua faaea e rave rahi Feia Mo‘a e o Iosepha Semita i Navu, Ilinoi. Ua horoa o Iesu ia Iosepha i te tahi mau heheuraa faufaa roa. Ua parau mai o Iesu e ua oaoa oia i te ohipa o ta Iosepha i rave. Ua parau mai o Iesu e mea tia i te mau Arii e te mau Feia Faatere o te ao nei ia haapiihia i te evanelia.
Ua parau mai Iesu e mea tia i te mau Feia Mo‘a ia patu i te hoê hiero i Navu. Ua hinaaro oia i te mau Feia Mo‘a ia horoa i te auro e te ario no te hiero. E mea tia ia ratou ia afai mai i te mau huru raau nehenehe atoa no te paturaa i te hiero.
Ua parau mai Iesu e haere mai oia i te hiero. E horoa mai oia i te mau heheuraa no nia i ta’na ra ekalesia e te autahu‘araa.
Ua parau mai o Iesu ia Iosepha e e mea tia i te mau Feia Mo‘a ia bapetizohia no te mau taata o tei pohe. Ua parau atoa mai oia e mea tia ia ratou ia patu i te hoê vahi no te bapetizoraa i roto i te hiero. E tia ia ratou ia bapetizohia no te feia i pohe i roto i te vahi bapetizoraa i roto i te hiero.
Ua parau mai o Iesu e ua here oia ia Hairamu, te taeae o Iosepha. E e riro hoi o Hairamu ei Patereareha no te Ekalesia. E e horoa oia i te mau haamaitairaa taa ê i te mau Feia Mo‘a.
I te hoê mahana ua horoa mai te Fatu i te hoê heheuraa no nia ia Birigama Ioune. Ua parau mai o Iesu e ua here oia ia Birigama Ioune. Ua ite oia e ua rave itoito o Birigama Ioune i te ohipa i roto i te Ekalesia. Ua faataa-ê-hia oia i to’na utuafare no te rave e rave rahi mau ohipa misionare. Ua faarue oia i to’na utuafare e rave rahi mau taime.
Ua parau mai te Fatu e mea tia ia Birigama Ioune ia faaea i pihai iho i to’na utuafare. E mea tia ia’na ia poihere maitai ia ratou.