Tē fāraʼa mai te melahi ia Alama ʼe i te mau tamaiti a Mosia

Te faʼafāriuraʼa o Alama tamaiti, nā Gary L. Kapp

18-24 nō Mē

Mosia 25–28

« ʼUa parauhia rātou i te feiā o te Atua ra »

Te rāve’a maita’i a’e nō te ha’api’i i te Mosia 25–28 ’o te tai’ora’a ’ia i teie mau pene ’e ’ia ore ma te mau parau tumu tā te reira e ha’api’i ra. ’A nā reira ai ’outou, e fa’auru te Vārua Maita’i ’ia ’outou ’ia ha’api’i e aha te mea faufa’a a’e nō tā ’outou mau pīahi.

Pāpa’i i te mau mana’o e tae mai

ītona ’apora’a ha’api’ira’a

Fa’a’ite mai i te mana’o

Tē fifi nei paha te tahi mau pīahi’ia pe’e i tā rātou iho ʼe tā te ʼutuāfare tuatāpaparaʼa pāpa’ira’a moʼa. E tauturu ānei te mau ’itera’a o vetahi i mau pīahi ? Penei a’e e haʼamata i tā ʼoutou piha haʼapiʼiraʼa ma te ani i te mau pīahi ʼia faʼaʼite mai i te tahi mea tā rātou i rave i roto i tā rātou iho tuatāpaparaʼa ʼaore rā tā te ʼutuāfare tei tere maitaʼi ?

ītona ha’api’ira’a

Ha’api’i i te ha’api’ira’a tumu

Mosia 26:15–31 ; 27:23–37

E faʼaʼore hua te Atua i te hara a te mau taʼata o tē tātarahapa.

• Te tātarahaparaʼa ʼe te faʼaʼoreraʼa hara e mau parau tumu tāmau ïa i roto i teie mau pene. E hiʼo haere i teie mau parau tumu ma te pāpaʼi Tātarahaparaʼa ʼe Faʼaʼoreraʼa hara i niʼa i te tāpura ’ere’ere ʼe te aniraʼa i te mau pīahi ia tāpura i raro aʼe i taua mau upoʼo parau ra te mea e tae mai i tō rātou feruriraʼa, ʼia feruri anaʼe rātou i teie mau ta’o. E ʼimi i muri iho i roto i te Mosia 26:22–24, 29–31 ; ʼe 27:23–37 i te mau ta’o ʼe te mau pereota o te haʼapiʼi ia rātou nō niʼa i te tātarahaparaʼa ʼe te faʼaʼoreraʼa hara. E tuʼu atu i teie mau ta’o ʼe mau pereota i niʼa i te mau tāpura i niʼa i te tāpura ’ere’ere. E aha tō te Atua manaʼo nō te mau taʼata tei tātarahapa ʼe te imi ra i te faʼaʼoreraʼa hara ?

• E uiui paha te tahi mau taʼata, ʼua navaʼi ānei tā rātou tātarahaparaʼa ’ia faʼaʼore mai te Atua i tā rātou ra mau hara. Nō te tauturu i te hōʼē pīahi e manaʼo nei i te reira feruriraʼa, e ani i te mau pīahi ʼia feruri ē o Alama metua rātou ē ʼua ani mai te hōʼē melo nō te ʼĒkālesia i Zarahemela ia rātou, nāhea ’ia fāriʼi i te faʼaʼoreraʼa i tāna mau hara (penei aʼe e haʼuti teata taʼata ora ’outou i teie hiʼoraʼa). E aha tā Alama i haʼapiʼi mai nā roto mai i te Fatu i roto i te Mosia 26:15–31 o te tauturu i teie melo o te ʼĒkālesia ? (hiʼo ato’a Moroni 6:8 ; PH&PF 58:42–43). E nehenehe teie faʼahitiraʼa parau a te peresideni Henry B. Eyring e tauturu atoʼa : « Mai te mea ʼua ʼite ʼoutou i te mana o te Vārua Maitaʼi i teie mahana, e rave ʼoutou i te reira ʼei tāpaʼo ē te ʼohipa nei te tāraʼehara i roto i tō ʼoutou oraraʼa » (« Gifts of the Spirit for Hard Times », Ensign, Tiunu 2007, 23).

Mosia 27:8–24

Tē faʼaroʼo nei te Atua i tā tātou mau pure ʼe e pāhono ’oia i te reira mai te au i tōna hinaʼaro.

• E rave rahi o tātou e ta’a i te mau manaʼo o Alama metua, ’o tāna iho hoʼi tamaiti « e pātoʼi ra i te Atua » (Mosia 27:11). E hina’aro paha te mau pīahi e tāu’aparau, e nāhea rātou e faʼaʼohipa i te ʼāʼamu i roto i te Mosia 27:8–24 nō te hōroʼa i te tiʼaturiraʼa i te hō’ē taʼata e melo ʼutuāfare tāiva tāna. Ma te taʼa maita’i ē eʼita e ti’a ia tātou ʼia ani i te hōʼē temeio ʼaore rā e faʼaʼore i te tiʼamāraʼa o te hō’ē taʼata, e aha tā tātou e pure ma te rāve’a tano ʼia tāiva anaʼe te hōʼē taʼata tei herehia e ʼoutou ? (hi’o ato’a Alama 6:6).

Mosia 27:8–28:4

E tiʼa i te mau tāne ʼe te mau vahine atoʼa ia fānau-faʼahou-hia.

• Teie te tahi mau uira’a e tauturu i te mau pīahi ʼia haʼapiʼi mai nō niʼa i te fānau-faʼahou-raʼa ; e aha te auraʼa ’ia fānau-vārua-faʼahou ? (hiʼo i te Faʼatoro Parau Bibilia,« Faʼafāriuraʼa »). E aha tō tātou huru i niʼa ia vetahi ʼē ʼia fānau-vārua-anaʼe-tātou ? Nō te tauturu i te mau pīahi ʼia pāhono i teie mau uiraʼa, e ani ia rātou ʼia ʼimi i roto i te Mosia 27:22–28:4 i te mau tāpaʼo ē ʼua fānau-vārua-hia o Alama ’e te mau tamaiti a Mosia.

• E ʼāʼamu tō te mau taʼata atoʼa nō tō rātou faʼafāriuraʼahia, nō te mea mai tā Alama i parau, « ʼia fānaʼu faʼahou te taʼata ato’a… e tiʼa ai » (Mosia 27:25 ; tu’uhia te pāpa’i ’opa). Penei aʼe e hina’aro te mau pīahi e faʼaʼite mai, nāhea tō rātou faʼafāriuraʼahia i te ʼevanelia a Iesu Mesia—nā roto ānei i te mau ’ohipa i tupu i te pae vārua i roto i tō rātou oraraʼa ʼaore rā nā roto i te hōʼē raveraʼa marū noa, o te ʼore e ʼitehia i te tahi taime ’o tē ʼitehia ra ’ia hiʼo-anaʼe-hia i muri. E hōroʼa i te taime i te mau pīahi ’ia pāpaʼi i tō rātou mau ’itera’a. (Mai te mea ’aita tō ’outou e taime nō te rave i teie ’ohipa i roto i te piha ha’api’ira’a, e parau atu i te mau pīahi ’ia fa’aoti i te reira i te fare). Nō te haʼapāpū ē ʼe tiʼa ʼia tupu tāmau noa tō tātou faʼafāriuraʼa, e parau i te mau pīahi ʼia hiʼo faʼahou i te mea tā rātou i pāpaʼi ʼe ʼia ʼāmui atu i te mau ’itera’a ʼāpī.

• ʼUa faʼaʼohipa Alama ʼe te tahi atu mau taʼata i roto i te mau pāpaʼiraʼa moʼa i te fa’ahōho’ara’a nō te fānau-faʼahou-raʼa nō te faʼaʼite i te tauiraʼa tā te ʼevanelia a Iesu Mesia e āfaʼi mai i roto i tō tātou oraraʼa. ʼUa faʼaau Elder David A. Bednar i teie tauiraʼa i te hōʼē tōtoma tei riro ʼei tōtoma rapaʼauhia (hiʼo « Te tahi atu ā mau mātēria »). Nō te tauturu i te mau pīahi ʼia feruri e aha tā teie mau faʼaauraʼa e haʼapiʼi nei nō niʼa i te faʼafāriuraʼa, e ’āfaʼi mai te hōʼē tōtoma ʼe te hōʼē tōtoma rapaʼauhia i roto i te piha haʼapiʼiraʼa. ʼAore rā e ani i te hō’ē taʼata ʼia ’āfaʼi mai i te hōʼē ʼaiū ʼe ’ia tāu’aparau, nō te aha te fānauraʼa i riro ai ’ei hōʼē faʼahōhoʼaraʼa maitaʼi nō te mea tei tupu ia Alama ʼe te mau tamaiti a Mosia. (Hiʼo Mosia 27:23–28:7).

Tē hopoihia ra Alama tamaiti i te fare o tōna metua tāne

ʼUa ʼoaʼoa tōna Metua tāne, nā Walter Rane

ītona ’āpora’a ha’api’ira’a

Faʼaitoito i te haʼapiʼiraʼa mai i te fare

Nō te faʼauru i te mau pīahi ʼia taiʼo i te Mosia 29–Alama 4 i te hepetoma i mua nei, e parau atu ia rātou ē i roto i teie mau pene, ʼua hōroʼahia i te nūnaʼa o Nephi i te hōʼē reo i roto i tā rātou faʼatereraʼa hau. E aha tā ʼoutou e haʼapiʼi mai nā roto mai i tō rātou mau ’itera’a ’a tāmata ai tātou i te ’ume mai i tō tātou mau nohoraʼa nō te maita’i ?

ītona mātēria

Te tahi atu ā mau mātēria

Hōʼē raveraʼa nō te oraraʼa tāʼātoʼa.

ʼUa haʼapiʼi Elder D. Todd Christofferson : « ’Ua riro te fānau-fa’ahou-raʼa, tei ta’a ’ē i tō tātou fānauraʼa tino, ʼei hōʼē rāveʼa hau atu i te hōʼē ʼohipa tei tupu. ʼE te tomoraʼa atu i roto i taua raveraʼa ra ’o te fā tumu ïa nō te oraraʼa tāhuti » (« Fānau-faʼahou-hia », Ensign ʼaore rā Liahona, Mē 2008, 78).

Faʼafāriuraʼa ʼe te mau tōtoma rapaʼauhia.

ʼUa faʼa’ite mai Elder David A. Bednar i teie faʼaauraʼa i rotopū i te fānauraʼa pae vārua ’e te mau tōtoma rapaʼauhia :

« Te hōʼē tātoma rapaʼau o te hōʼē ïa tātoma tei rapaʼauhia mai te au i te hōʼē parau hāmaniraʼa māʼa e mai te au i te tahi mau taʼahiraʼa. Te taʼahiraʼa mātāmua nō te taui i te hōʼē tōtoma ʼei tōtoma tehutehu o te faʼaineineraʼa ïa ʼe te horoiraʼa… 

« Te piti o te taʼahiraʼa o teie ʼohipa o te tāpurura’a ’e te rapa’aura’a i te mau tōtoma i roto i te pape miti nō te maororaʼa i faʼataʼahia… E riro te mau tōtoma ʼei mau tōtoma rapaʼau mai te mea e tutau tāʼātoʼahia rātou i roto i te pape miti nō te hōʼē maororaʼa e au. Nā te rapaʼauraʼa e taui i te ano’iraʼa o te tōtoma ’e nā te reira e hōro’a i te minamina o te tōtoma rapaʼau. Eʼita te pipi-noa-raʼa ’e ʼaore rā, te tūtauraʼa i roto i te pape miti e hōro’a i te tauiraʼa ti’a mau. Maoti rā, tītauhia te tāpururaʼa, te vaiiho-tāmau-raʼa e te tūtau-roa-raʼa ’ia tupu te tauiraʼa e hinaʼarohia.

« Te taʼahiraʼa hopeʼa e tītauhia nō teie ʼohipa o te tamauraʼa ïa i te mau tōtoma rapaʼau i roto i te mau mōhina ’o tei rapaʼauhia ’e ’o tei tāmāhia. E tāmōhinahia teie mau tōtoma rapaʼau, tāpo’ihia i te pape miti pihaʼa, ʼe e haʼapihaʼahia i roto i te pani. E tāmāhia te mau viʼiviʼi atoʼa o teie nā mea e piti nei ʼoia ho’i te mau tōtoma ʼe te mau mōhina ʼei hopeʼaraʼa nō teie ʼohipa pārururaʼa ʼe te faʼaherehereraʼa… 

« Mai te hōʼē tōtoma e ti’a ’ia faʼaineinehia ʼe ʼia tāmāhia hou te tauiraʼa ’ia riro ’ei hōʼē tōtoma rapaʼau, ʼoia ato’a ʼoutou ʼe o vau nei ’ia faʼaineinehia mā ‘te mau parau o te faʼaroʼo ’e i te ha’api’ira’a tumu maitaʼi’ (1 Timoteo 4:6) tā ʼoe i ʼite pāpū ʼe ʼia tāmāhia nā roto i te mau ʼōro’a ’e i te mau fafauraʼa tei faʼaterehia e te mana o te autahu’araʼa a Aarona… 

« ’Oia ato’a te hōʼē tōtoma ’o te tauihia ʼei tōtoma rapaʼau ’ia faʼatomo ʼe ʼia rapaʼau-ana’e-hia i roto i te pape miti, oia ato’a ʼoutou ʼe o vau nei ʼia fānau-faʼahou-hia ʼia horomiʼihia i roto i te ʼevanelia a Iesu Mesia… E tītau mai teie tuhaʼa nō te tauiraʼa i te taime, te tāpe’a-māite-raʼa ʼe te faʼaʼoroma’i… 

« … Nā te huriraʼa i roto i te pape pihaʼa e pāruru i te mau tōtoma tehutehu ʼe e fa’aora nō te hōʼē tau maoro. ’Oia ato’a ïa tātou, e tāmāhia ʼe e haʼamo’ahia tātou ʼia horoi-ana’e-hia i te toto o te Arenio ra, e fānau-faʼahou-hia tātou, ʼe e fāriʼi i te mau ʼōro’a ʼe ʼia haʼapa’o i te mau fafauraʼa o te faʼaterehia e te mana o te autahu’araʼa a Melehizedeka » (« ʼIa fānau faʼahou ʼoutou e tiʼa’i », Ensign ’aore rā Liahona, Me 2007, 19–21).

Ha’amaita’ira’a i tā tātou ha’api’ira’a

Fa’aineine ma te mana’ona’o i te mau ta’ata. ’Ia fa’aineine ana’e ’outou, ’a vaiiho i tō ’outou māramaramara’a i te ta’ata tā ’outou e ha’api’i ra ’ia arata’i i tā ’outou mau fa’anahora’a… E’ita te mau ’orometua ha’api’i mai te huru o te Mesia, e rave noa i te hō’ē noa rāve’a ha’api’ira’a ; ’ua hina’aro mau rātou i te tauturu i te mau ta’ata ’ia fa’arahi i tō rātou fa’aro’o ia Iesu Mesia ’e ’ia riro mai iāna ra te huru » (Haʼapi’ira’a mai tā te Fa’aora, 7).