te uru rā’au mo’a

Te uru rā’au mo’a, nā Greg K. Olsen

4–10 nō Tēnuare.

Iosepha Semita—’Ā’amu 1:1–26

« ’Ite atu ra vau e ho’ē pou māramarama »

E ha’amana’o ē, tō ’oe fa’aineinera’a faufa’a roa a’e, ’o te tuatāpapara’a ïa i te mau pāpa’ira’a mo’a ’e ’ia ora i te mea tā ’oe i ha’api’i mai. E tauturu te Vārua ia ’oe ’ia ’ite i te mea e tūtonu i roto i te piha ha’api’ira’a.

Pāpa’i i te mau mana’o e tae mai

ītona fa’a’itera’a

Tītau i te mana’o

E aha te mau ’itera’a i roa’a mai i te piha ha’api’ira’a ’a tuatapapa ai rātou Iosepha Semita—’Ā’amu 1:1–26 i teie hepetoma ? Penei a’e e nehenehe ’oe e fa’a’ite i te ho’ē hōho’a nō Iosepha Semita ’aore rā nō te ’Ōrama Mātāmua, ’e e ani atu i tō te piha ha’api’ira’a ’ia pāpa’i i ni’a i te tāpura ’ere’ere te tahi mau ’itera’a nō roto mai i tā rātou tuatāpapara’a, e tae noa atu i te mau ’īrava nō reira te ’itera’ahia mai e rātou. E nehenehe ato’a rātou e fa’a’ite mai e mea nāhea tō ratou ’itera’a pāpu nō Iosepha Semita ’e tāna misiōni i te hotura’a ’a ha’api’i mai ai rātou nōna i teie hepetoma.

ītona ha’api’ira’a

Ha’api’i i te ha’api’ira’a tumu

Iosepha Semita—’Ā’amu 1:5-18

’Ia ani tātou ma te fa’aro’o, e pāhono mai te Atua.

• E riro te mau melo o te piha i te fa’ahiti mai i te hina’aro o Iosepha ’ia ’imi i te parau mau i roto i te hō’ē ao tei reira te mau mana’o hape e rave rahi i te ha’api’ira’ahia. Mai te aha te ’ārepurepura’a o tō tātou tau e tuea ai i te mea tāna i fa’aruru ? Nō te tauturu i te mau pīahi ’ia ’ite e mea nāhea te mau pāhonora’a i tā tātou mau uira’a e noa’a ai, e ani ’outou ia rātou ’ia pāpa’i i ni’a i te tāpura ’ere’ere te mau rāve’a rau e ’imi ai te ta’ata i te parau mau. I muri mai, e hi’o fa’ahou rātou Iosepha Semita—’Ā’amu 1:5–18 ’e e tu’u atu i roto i taua tāpura ra te mea i ravehia e Iosepha Semita nō te ’imi i te pāhonora’a i tāna mau uira’a.

• E fa’a’ite mai tō te piha e mea nāhea rātou i te pe’era’a i te hi’ora’a o Iosepha Semita ’a ’imi ai rātou i te parau mau, ’e e mea nāhea te Atua i te pāhonora’a ia rātou. Tē fa’a’ite ra te fa’ahitira’a parau a te peresideni Russell M. Nelson i roto i te « Mau rāve’a tauturu hau atu » i te tahi mau rāve’a e ti’a ia tātou ’ia ’imi i te parau mau a te Atua.

  tamāhine ’āpī ’e pure ra

  Nā roto i te pure tātou e paraparau ai i te Atua.

Iosepha Semita—’Ā’amu 01:15–20

’Ua ’ite mata Iosepha Semita i te Metua ’e i tāna Tamaiti, o Iesu Mesia.

• ’Ua heheu mai te ’Ōrama Mātāmua i te mau parau mau e rave rahi nō ni’a i te Atua, tei fa’ahape i te mea i ti’aturihia e te mau ta’ata e rave rahi i te tau o Iosepha. E tai’o te mau melo o te piha ha’api’ira’a i te Iosepha Semita—’Ā’amu 1:15–20 ’e e fa’a’ite mai i te mea tā rātou i ’apo mai nō ni’a i te Atua. Nō te aha e mea faufaʼa ’ia ʼite i teie mau parau mau nō ni’a i te Atua ?

• Mai te mea e tomo mai Iosepha Semita i roto i te piha ha’api’ira’a, e aha tā tātou e ani iāna nō ni’a i teie ’ohipa i tupu ? E nehenehe te video « ’A ani i te Atua : Te ’Ōrama Mātāmua a Iosepha Semita » (ChurchofJesusChrist.org) e hōro’a i te mau melo o te piha ha’api’ira’a i te tahi atu mau hi’ora’a nō ni’a i te ’Ōrama Mātāmua a Iosepha Semita (hi’o ato’a « Mau rāve’a tauturu hau atu »). E hina’aro paha rātou e feruri nāhea rātou ’ia fa’a’ī i te parau i roto i te hō’ē pereota oti ’ore, mai teie : « Nō te mea ’ua tupu te ’Ōrama Mātāmua, ’ua ’ite au ē… » E aha te mau ha’amaita’ira’a i tupu i roto i tō tātou orara’a nā roto i te ’Ōrama Mātāmua ?

• Nō te fa’ananea i te vārua o tā ’outou ’āparaura’a, e tai’o ’aore rā e hīmene te piha « Te pure mātāmua a Iosepha Semita » (Te mau hīmene, n°15). E aha tā teie hīmene e tauturu nei ia tātou ’ia māramarama ’e ’ia ’ite nō ni’a i te ’Ōrama Mātāmua ? Penei a’e e nehenehe te tahi mau melo o te piha ha’api’ira’a e fa’a’ite mai e mea nāhea rātou iho i ’ite ai ē, ’ua ’ite mau Iosepha i te Atua te Metua ’e ia Iesu Mesia i roto i te uru rā’au mo’a. ’Aore rā, e tītau ’oe i te mau misiōnare rave tāmau (’aore rā, tei ho’i ’āpī mai nā te misiōni) i roto i tā ’oe piha nō te parau mai e mea nāhea te ’Ōrama Mātāmua i te fa’aurura’a i te orara’a o te mau ta’ata tā rātou i ha’api’i.

Iosepha Semita—’Ā’amu 1:21-26

E nehenehe tātou e vai ha’apa’o noa i te mea tā tātou i ’ite, noa atu e pāto’i mai vetahi ia tātou.

• E nehenehe paha te mau melo o te piha e fa’a’ite mai i te tahi o te mau mea tā Iosepha Semita i fa’aruru i tōna ha’amatara’a i te parau i te tahi atu mau ta’ata nō ni’a i tāna ’ōrama (hi’o Iosepha Semita—’Ā’amu 1:21–26). Penei a’e e nehenehe rātou e fa’a’ite mai i te mau ’īrava tei fa’auru ia rātou ’a tāmata ai vetahi i tō rātou mau ti’aturira’a.

• Mai te mea ’ua mātau ’outou i te mau melo o te pāroita tei fa’aruru i te pāto’ira’a nō te mea e melo rātou nō te ’Ēkālesia, ’a feruri i te ani ia rātou ’ia haere mai i roto i te piha ha’api’ira’a, ma te ineine nō tē fa’a’ite mai e mea nāhea rātou i te tāpe’a pūaira’a i tō rātou fa’aro’o. E aha tā tātou e ha’api’i mai i roto i te hi’ora’a o Iosepha Semita Iosepha Semita—’Ā’amu 1:21–26 ?

’ītona mau rāve’a tauturu hau atu

Mau rāve’a tauturu hau atu

E pe’e i te hi’ora’a maita’i o Iosepha.

’Ua ha’api’i te peresideni Russell M. Nelson :

« ’Ua hōro’a mai te peropheta Iosepha Semita i te hō’ē hōho’a e au ’ia ha’apa’ohia e tātou nō te tātara i tā tātou mau uira’a. Nō tōna au i te ha’apāpūra’a a Iakobo ē, ’ia ’ere noa atu tātou i te ’ite, e ani i te Atua [hi’o, Iakobo 1:5.], ’ua tu’u ’āfaro te tamaiti ’āpī ra o Iosepha i tāna uira’a i mua i te Metua i te Ao ra. ’Ua ’imi ’oia i te heheura’a nōna iho, ’e ’ua ’īriti tāna ’imira’a i te tau tu’ura’a hope’a.

«’Oia ato’a, e aha tā tā ’oe ’imira’a e ’īriti mai nō ’oe ? E aha te ’ite e ’erehia ra e ’outou ? E aha tō ’outou mana’o nō ni’a i te hina’aro rū ’ia ’ite ’aore rā ’ia māramarama ? E pe’e i te hi’ora’a o te peropheta Iosepha Semita. E ’imi i te hō’ē vāhi hau i reira ’outou e haere pinepine ai. E fa’aha’eha’a ia ’outou i mua i te Atua. E nīni’i i tō ’outou ’ā’au i tō ’outou Metua i te Ao ra. Fāriu iāna ra nō te mau pāhonora’a ’e nō te tāmahanahanara’a » (« Heheura’a nō te ’Ēkālesia, heheura’a nō tō tātou orara’a », Ensign ’aore rā Liahona, Mē 2018, 95).

Te ’Ōrama Mātāmua a Iosepha Semita

Nō te tai’o i te hō’ē tātarara’a nō te ’Ōrama Mātāmua e arata’i i ni’a e rave rahi ’ā’amu nō Iosepha Semita, hi’o i te Feiā mo’a, 1:14–16.

Ha’amaita’iraʼa i tā tātou ha’api’ira’a

’A ’imi i tō ’outou iho fa’aurura’a. ’Eiaha e hi’o i teie mau parau ’ei mau arata’ira’a fa’ahepo ’a ha’api’i ai ’outou. E fa’a’ohipa rā i te reira nō te fa’atupu i te mau mana’o ’e nō te fa’ahotu i te fa’aurura’a ’a feruri ai ’oe i te ha’api’ira’a tumu i roto i te mau pāpa’ira’a mo’a e tae noa atu i te mau hina’aro o te feiā tā ’oe e ha’api’i nei.