“22–28 Maj. Doktrin mo Ol Kavenan 29: ‘Jisas Kraes Bae I Karem I Kam Wanples Ol Pipol blong Hem,’” Kam Folem Mi—Blong Sandei Skul: Doktrin mo Ol Kavenan 2021 (2020)
“22–28 Maj. Doktrin mo Ol Kavenan 29,” Kam Folem Mi—Blong Sandei Skul: 2021
Evri Ni Bae I Bodaon, i kam long J. Kirk Richards
22–28 Maj
Doktrin mo Ol Kavenan 29
“Jisas Kraes Bae I Karem I Kam Wanples Ol Pipol blong Hem”
Moa impoten wei blong rere blong tijim Doktrin mo Ol Kavenan 29 hem i blong stadi long hem wetem prea, mo blong lukaotem Spirit blong i lidim yu. Tingting long sam nara wei blong invaetem Spirit insaed long laef blong yu, olsem blong livim kakae, go long tempol, o givim seves long ol narawan.
Raetemdaon Ol Filing mo Tingting blong Yu
Invaetem Ol Man blong Serem Wanem Oli Gat
Insaed long Doktrin mo Ol Kavenan 29:5, Lod i bin talem long Ol Sent: “Leftemap hat blong yufala mo stap glad.” Yu save invaetem ol memba blong klas blong oli serem wan samting we oli bin lanem long taem blong stadi blong olgetawan mo wetem famli, we i bin mekem olgeta oli “leftemap hat blong [olgeta] mo stap glad.”
Stap Tijim Doktrin
Papa long Heven i bin rere long wan plan blong yu kam olsem wan god.
-
Wan wei blong leftemap tingting blong lanem samting long hom, hem i blong bildimap yumi wetem ol aktiviti we oli stap long aotlaen blong wik ia long Kam Folem Mi—Blong Wanwan Man, Woman mo Famli. Eksampol. Yu save raetem long bod, ol pat blong plan blong fasin blong sevem man, olsem laef bifo laef long wol ia, Kriesen, Atonmen blong Jisas Kraes, mo ol narawan moa. Ol memba blong klas oli save serem wanem oli bin lanem aot long Doktrin mo Ol Kavenan 29 abaot ol pat ia blong plan. Maet bae yu iven save mekem olgeta oli serem wanem we bae olgeta nao oli tijim aot long seksen ia, long wan we i no save abaot plan blong God.
Doktrin mo Ol Kavenan 29:1–8, 14–21
Jisas Kraes bae i karem ol pipol blong Hem oli kam wanples bifo Seken Kaming blong Hem.
-
Blong helpem ol memba blong klas blong andastanem from wanem Jisas Kraes i karem ol pipol blong Hem oli kam tugeta wanples, yu save invaetem olgeta blong ridim ves 1–8 mo toktok raon long ol kwestin abaot wok blong kam tugeta, olsem: ?Long wanem wei nao yumi bin eksperiensem we, Kraes, i stap karem yumi kam tugeta wanples mo protektem yumi, semmak olsem wan mama faol i stap pulum tugeta mo protektem ol smol bebi faol blong hem.? ?Olsem wanem nao yumi, yumi go tugeta wetem Sevya? (Eksampol, luk long ves 2). Ol memba blong klas oli save serem long wanem wei nao oli bin kasem blesing tru long ol kam tugeta mo ol wosip wetem ol nara memba blong Jos.
Pikjamama faol wetem ol bebi faol blong hemHamas Taem i kam long Liz Lemon Swindle
-
Blong helpem ol memba blong klas blong tingting abaot responsabiliti blong olgeta blong helpem Papa long Heven blong karem ol pikinini blong Hem oli kam tugeta wanples, yu save serem ol toktok blong Presiden Russel M. Nelson we oli stap long “Sam Moa Risos.” O yu save soem vidio ia: “A Witness of God” (ChurchofJesusChrist.org). ?Wanem nao yumi lanem abaot kam tugeta wanples, aot long ol mesej ia? Olsem wanem olgeta mesej ia oli kam sapotem wanem we Lod i bin talem insaed long Doktrin mo Ol Kavenan 29:1–8?
-
Sam long ol samting we oli bin hapen long ol lata-dei, oli tokbaot gud insaed long Doktrin mo Ol Kavenan 29:14–21 mo i save mekem se sam memba blong klas oli harem nogud long hem smol. Letem olgeta oli serem ol filing blong olgeta. ?From wanem Lod i givim woning long yumi long saed blong ol samting ia? ?Wanem trutok we i mekem maen blong yumi i kwaet, yumi stap lanem abaot Sevya mo kam tugeta long wanples, aot long ol ves 1–8? ?Olsem wanem nao, blong kam tugeta i helpem yumi blong hop from ol taem ia wetem fet, be i no fraet? Olsem pat blong toktok insaed long klas, yufala i save singsing wan hym abaot wok blong kam tugeta wanples, olsem “Israel, Israel, God Is Calling” (Hymns, no. 7), mo toktok raon long wanem nao hym ia i stap tijim abaot kam tugeta blong Isrel.
Doktrin mo Ol Kavenan 29:34–35
Evri komanmen we Lod i givim, i long saed blong spirit.
-
Iven we sam long ol komanmen ia, bae yumi luk se i blong wol ia nomo, evri komanmen, long Lod, oli long saed blong spirit. Blong andastanem trutok ia, ol memba blong klas oli save ridim tugeta ol ves 34–35 mo raetem lis blong samfala komanmen antap long bod, wetem olgeta prinsipol mo blesing we oli go wetem wanwan long olgeta. Oli save serem ol eksampol aot long laef blong olgeta, o aot long ol skripja we i bin helpem olgeta blong luk spirit saed blong ol komanmen blong God. ?Olsem wanem aktiviti ia i jenisim wei we yumi luk olgeta komanmen?
Sam Moa Risos
Stap tekpat long kam tugeta blong Isrel
Presiden Russell M. Nelson i tijim:
“I tru, hemia oli ol las dei, mo Lod i stap muvum wok blong Hem i go hariap blong pulum Isrel i kam tugeta. Kam tugeta ia, i samting we i moa impoten we i stap tekem ples long wol tedei. I no gat samting we yu save komperem, we i bigwan tumas olsem, we i impoten tumas olsem, mo i hae mo i tabu tumas olsem. Mo sapos yu jusum, sapos yu wantem, yu save tekpat bigwan long hem. !Yu save tekpat long wan samting we i bigwan, i gud tumas, wan samting we i naes!
“Taem yumi stap tokbaot, kam tugeta, yumi stap talem stamba trutok ia nomo: evriwan long ol pikinini blong Papa blong yumi long Heven, long tugeta saed blong vel, i nidim blong harem mesej blong gospel we i kambak blong Jisas Kraes. Oli save disaed blong olgetawan sapos oli wantem save moa. …
“Papa blong yumi long Heven i holemtaet plante long ol haeman mo haewoman spirit blong Hem—maet mi save talem, tim blong Hem we i nambawan tru—blong oli kam long las pat blong taem ia. Olgeta hae spirit ia—olgeta ia we oli save mekem gud samting, ol hiro ia—oli yufala!” (“Hope of Israel” [wol divosen blong ol yut, 3 Jun 2018], ChurchofJesusChrist.org).
Stap Kam Antap long Fasin blong Yumi blong Stap Tij
Tij long wan klia mo simpol fasin. Yu no traem blong entetenem klas blong yu, be yu tijim doktrin ia long wan fasin we i klia mo i simpol. Yu save trastem se “paoa blong toktok blong God” bae i gat “moa bigfala paoa long tingting blong ol pipol bitim … eni narafala samting” (Alma 31:5).