estatua ti Cristus

Marso 29–Abril 4

Paskua ti Panagungar

“Siak ti Nagbiag, Siak ti Napapatay”

Awan ti napatpateg pay a maawatantayo no di ti Pannubbot ni Jesucristo. Panunotem maipapan kadagiti tao a dumardar-ayto iti klasem; ania ti mangtulongto kadakuada a mangpapigsa iti pammatida ken ni Jesucristo?

Isuratmo dagiti Impresionmo

icon iti panagbibinninglay

Yawis ti Panagbibinninglay

No inadalen dagiti miembro ti klasem ti Doktrina ken Katulagan itoy a tawen, mabalin a nasarakanda dagiti binatog maipapan iti Mangisalakan a napateg kadakuada. Rugian ti klase babaen ti panangted kadakuada kadagiti gundaway a mangibinglay kadagitoy a binatog. Kasano a pinapigsa ti pammatitayo ken ni Jesucristo ti panagadaltayo iti Doktrina ken Katulagan?

icon iti panangisuro

Isuro ti Doktrina

Impatungpal ni Jesucristo ti “naan-anay a pannubbot.”

• Gapu ta ti Pannubbot ni Jesucristo ket maysa a napateg a doktrina, ibilang ti panangbubos iti umdas a panawen a mangpempennek a maawatan dagiti miembro ti klase daytoy. Tapno maaramid daytoy, mabalinmo nga isurat iti pisarra dagiti saludsod kas kadagitoy: Ania ti Pannubbot ni Jesucristo? Kasano nga apektuanna ti inaldaw a biagko? Kasano nga apektuanna ti agnanayon a biagko? Kasano a maawatko ti pangsubbot a bileg ti Mangisalakan iti biagko? Mangted kadagiti miembro ti klase iti sumagmamano a minuto a mangutob kadagitoy a saludsod ken mangsapul kadagiti nasantuan a kasuratan a mangtulong a mangsungbat kadagitoy. Mabalin nga isurat dagiti miembro ti klase dagiti reperensia iti nasantuan a kasuratanda iti pisarra, ken mabalinyo a paglilinnawagan ti sumagmamano kadagitoy kas maysa a klase. Daytoy ti sumagmamano a pagarigan: Lucas 22:39–44; 1 Juan 1:7; 2 Nephi 2:6–9; Mosiah 3:5–13, 17–18; Alma 7:11–14; Moroni 10:32–33; Doktrina ken Katulagan 19:16–19; 45:3–5.

• Mabalin a napateg a buyaen dagiti miembro ti klase ti video a “The Savior Suffers in Gethsemane” (ChurchofJesusChrist.org) sakbay ti panagbasada kadagiti bukod a balikas ti Mangisalakan maipapan iti panagsagabana iti Doktrina ken Katulagan 19:16–19. Kasano a mapauneg dagitoy a bersikulo ti panagyamantayo iti sakripisio ni Cristo? Dagiti dadduma pay a video a mabalinmo nga ibinglay maipapan iti Paskua ti Panagungar ket nailista iti “Dagiti Nainayon a Resources.”

  Ni Jesus nga Agkarkararag

  Apo ti Kararag, ni Yongsung Kim

Doktrina ken Katulagan 76:11–14, 20–24; 110:1–10

Pinaneknekan ni Propeta Joseph Smith a sibibiag ni Jesucristo.

• Nakita ni Joseph Smith ti nagungar a Mangisalakan ket nangisawang iti nabileg a pammaneknek a sibibiag ni Jesucristo. Tapno matulongan dagiti miembro ti klase a mangadal iti pammaneknek ni Joseph Smith, mabalinmo a bingayen ida iti dua a grupo ket dutokam ti tunggal grupo a mangbasa iti Doktrina ken Katulagan 76:11–14, 20–24 wenno 110:1–10. Awisem ti tunggal miembro ti klase a mangsapul iti uray laeng maysa a balikas kadagitoy a bersikulo a mangiladawan iti Mangisalakan. Mabalin nga agsisinnublat dagiti miembro ti klase iti panangisurat kadagiti balikas a masarakanda iti pisarra, ket mabalinmo nga usaren dagitoy a balikas a mangtarabay iti panaglilinnawag maipapan kadagiti kababalin ken bileg ti Mangisalakan. Kasano a papigsaen ti pammaneknek ni Joseph Smith ti pammatitayo iti kinadios ken iti mision ni Jesucristo?

• Mabalin nga inkonekta ti sumagmamano a miembro ti klase dagiti pannursuro iti Doktrina ken Katulagan kadagiti balikas ken pagbatayan iti himno “I Know That My Redeemer Lives” (Hymns, no. 136; kitaen iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia). Nalabit nga agtallugodda a mangibinglay no ania ti natakuatanda. Mabalinyo pay a basaen wenno kantaen daytoy a himno kas maysa a klase ket sapulen dagiti koneksion kadagiti sumaganad a nasantuan a kasuratan: Doktrina ken Katulagan 6:34; 45:3–5; 84:77; 98:18; 138:23. Kasano a naammuantayo a sibibiag ti Mannubbottayo?

Doktrina ken Katulagan 29:26–27; 42:45–46; 63:49; 88:14–17, 27–31; 93:33–34

Gapu ken ni Jesucristo, agungartayonto.

• Tapno matulongan dagiti miembro ti klase a mangilawlawag no ania ti isuro ti Doktrina ken Katulagan maipapan iti panangungar, mabalinmo nga awisen ida a mangipapan nga agsaludsod ti maysa a gayyem wenno miembro ti pamilia no ania ti kayat a sawen ti agungar. Kasano a matulongantayo a maawatan dayta a tao no ania ti kayat a sawen ti panagungar? Allukoyem dagiti miembro ti klase a mangsukisok iti Doktrina ken Katulagan 88:14–17, 27–31 para iti maysa a banag a mabalin a makatulong. Mairaman ti dadduma pay a makatulong a reperensia iti nasantuan a kasuratan ti Alma 11:40–45 ken Alma 40:21–23. Ania koma ti maibinglaytayo a mangtulong iti gayyem wenno miembro ti pamiliatayo a makarikna iti rag-o ken namnama a sumangbay manipud iti doktrina ti panagungar?

• Kasano a makatulongkayo kadagiti miembro ti klase a mangutob iti sagut ti Mangisalakan a panagungar? Mabalinmo nga isurat iti pisarra ti Gapu ken ni Jesucristo … ket awisem dagiti miembro ti klase a mangkita kadagiti sumaganad a binatog kadagiti balikas a mabalin a mangkumpleto iti daytoy a ragup ti balikas: Doktrina ken Katulagan 29:26–27; 42:45–46; 63:49; 93:33–34. Kasano nga apektuan dagiti kinapudno kadagitoy a bersikulo ti wagas a panangkitatayo iti ipapatay? Kasano nga apektuanda ti inaldaw a biagtayo?

dagiti nainayon a resources icon

Dagiti Nainayon a Resources

Panangpadur-as iti Panangisurotayo

Tulongam dagiti miembro ti klase a mangsukisok kadagiti nasantuan a kasuratan. “Agdamag kadagiti saludsod a kasapulan dagiti agad-adal ti mangsapul kadagiti sungbat iti nasantuan a kasuratan. … Tulongan ida a mangkita nga uray no naisurat dagiti nasantuan a kasuratan adun a tawen ti napalabas, naglaonda kadagiti sungbat ti Apo kadagiti saludsod ken problema a sangsanguentayo amin” (Panangisuro iti Wagas ti Mangisalakan, 30).