“Eberi 19–25. Reirei ao Berita aika Tabu 41–44: ‘Au Tua Ni Bairea Au Ekaretia,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Eberi 19–25. Reirei ao Berita aika Tabu 41–44,” Nakomai, Iriirai—Ibukin te Reirei n Tabati
Eberi 19–25
Reirei ao Berita aika Tabu 41–44
“Au Tua Ni Bairea Au Ekaretia”
Ko aki kona ni maroroakinna n te kiraati reirei ni kabane ake a reiakinaki n Reirei ao Berita aika Tabu 41–44. Ukoukori kairi mai ieta ni buokiko n rinei reirei ake a na rangi ni bongana nakon am kiraati.
Korei Am Namakin
Kaungaa te Tibwatibwa
Ngkana kaotioti inanon mwakoro 42 a boretiaki, Iotebwa Timiti e koroia bwa Aika Itiaki a “karekea ma te kukurei” (“Te reta nakon Martin Harris,” Beb. 22, 1831, josephsmithpapers.org). Kaungaia kaain te kiraati bwa a na tibwaua te bwai teuana man aia kamatebwai ke mairouia aia utu n te wiiki aei ae a karekei ma te kukurei.
Reirei te Reirei
Reirei ao Berita aika Tabu 41–42
Ana tua te Atua e bairea Ana Ekaretia ao e kona ni bairea maiura.
-
Inanon Reirei ao Berita aika Tabu 41, te Uea e buokiia Aika Itiaki ni karekei Ana tua, are e na kaotia inanon ti tabeua te bong imwiina (taraa mwakoro 42). E na kanga te kaotioti inanon mwakoro 41 n tia ni buokiia Aika itiaki ni karekei Ana tua te Atua? Ni buokiia kaain te kiraati ni kaekaa te titiraki aei, ko kona ni kaoia ni wareka Reirei ao Berita aika Tabu 41:1–6 ao ni kakaai reirei aika a na kona ni buokiira ni karekei Ana tua te Atua. Ti na kanga ni kabonganai reirei aikai ngkana iai ara tai ni karekei kaetieti mairoun te Uea?
-
Te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu e baireia bwa e na tibwaua mwakoro 42 nakon nimaua kurubu ni kiibu, are a na kanakoi reirei aika kakawaki n te euangkerio. Karaoakin kurubu aikai a kona ni kabebetea ibukim ni maroroakina te mwakoro aei n te kiraati. Te katooto, ko kona ni koroi taekaia iaon te burakibooti ao ni kaoia kaain te kiraati n tatabemaniia bwa a na rinea te kurubu teuana. Tuangiia kaain te kiraati bwa a na wareki aia kibu ao ni kakaea te bwai ae a namakinna ae e kakawaki ibukira n ara bong. Bwa a na kona n tibwauai katooto man oin maiuia are e kabwarabwara bwa ti na kanga ni kakabwaiaki ngkana ti bairei maiura man taian tua aikai.
Reirei ao Berita aika Tabu 41:9–11
E tuangiia Ana toro te Uea bwa a na anga karea.
-
Edward Partridge, te moan bitiobi n te Ekaretia ae kaokaki, e tuangaki bwa e na kitana ana mwakuri ao “ni kabanea a na tai ni kabane” ni beku ni weteakina. E ngae ngke e aki kaantaningaki aei ibukira, tera ae ti kunei inanon kiibu aikai aika a kona ni karaoaki nakon ara mwakuri n ibuobuoki nakon te Atua? (Ibukin rongorongon riki Edward Partridge, taraa “A Bishop unto the Church,” Revelations in Context, 77–83.)
Reirei ao Berita aika Tabu 42:61, 65–68; 43:1–7
E uota te kaotioti te rau, te kimwareirei, ao te maiu ae akea tokina.
-
N aroia mataniwi n te Ekaretia, a kona kaain am kiraati n iai aia titiraki n aron “bwaai aika raba” ibukina bwa a kainnanoa te kairi mairoun te Uea. Ko kona ni kaungaiia ni korea te titiraki ae iai irouia ke te kaangaanga ae kainnanoa iai te kaotioti. Tera ae ti kunea inanon Reirei ao Berita aika Tabu 42:61, 65–68 ae e na kona ni buokira ngkana ti ukoukora te kaotioti?
-
Ni buokiia membwa n ataia bwa e kanga te Atua n anga kaotioti ni kaira te Ekaretia, ko kona ni kaoia bwa a na wareka Reirei ao Berita aika Tabu 43:1–7. A kona naba ni matakuakina te witeo “Prophets and Revelation—Hearing His Voice” (ChurchofJesusChrist.org).
Reirei ao Berita aika Tabu 43:8–10
Ti bane ni bootaki n “reirei ao ni karikirakeira imarenara.”
-
Ti na kanga ni kabongana Reirei ao Berita aika Tabu 43:8–10 n reireina temanna ae namakinna bwa e riai n nakon bootakin te Ekaretia? Te rinan inanon “Bwaai n Ibuobuoki Riki Tabeua” e kona ni buoka te marooro aei n taraa riki bukin te kooram n te nakoanibonga ao te Bootaki n Aine mai ieta (e kaineti naba te rinan aei nakon aia kiraati Ataeinnaine). A kona kaain te kiraati n tibwauaia bwa e kanga iriia n te kooram, te Bootaki n Aine, ao kiraati n te Ekaretia n tia ni kakabwaiaia. Tera ae e na taekinaki ni kiibu 8–10 ae a kaineti ma te bwai ae ti na karaoia ni katauraoi ibukina ao n iri n ara bootaki?
Tamneite kiraati n te Reirei n Tabati ibukiia kairakeIkotakira n te taromauri bon te kawai teuana ae ti na “reirei ao ni karikirakeira imarenara.”
Bwaai n Ibuobuoki Riki Tabeua
Bukin tera ti baireaki nakon kooram ao Bootaki n Aine.
Titita Julie B. Beck, te Beretitenti n te Bootaki n Aine ni Kabuta are mai imwaina, e kabwarabwara bwa bukin tera e a tia te Atua ni baireira nakon kooram n te nakoanibonga ao te Bootaki n Aine:
-
“Baireara iaan te nakoanibonga ao imwiin waakin te nakoanibonga.”
-
“Ni kabanea aia tai natin Tamara are i Karawa mwaane ao aine iaon te mwakuri ni kamaiu ao ni katabeia iai. Kooram ao te Bootakin Aine bon reirei aika a baireaki raoi ma katabeakia n ibuobuoki n Ana mwakuri Tamara ni uota te maiu ae akea tokina ibukiia Natina.”
-
“Ni buokiia bitiobi bwa a na tararuaa raoi ana auti ni kaikobwai te Uea. Iai inanon ana auti ni kaikobwai te Uea te ‘tai, taarena, nanoanga, bwaai ni mwakuri ao aia karekemwane kaain te Ekaretia [Aeniboki 2: Babairean Aron Kairan te Ekaretia, 6.1.3, ChurchofJesusChrist.org]. Aia tarena Aika Itiaki a na kabonganaaki ni buokiia n tabeakiniia raarikin ao kainnano ao ni katea abanuean te Uea.”
-
“Ni katauraoa te otanga ao te katantan ibukin natin te Tama are i Karawa ma aia utu ni boong aika kaitira.”
-
“Ni kakorakoraira ao ni boutokaira n tabeia ara utu ao katabeaia natin te Atua mwaane ao aine.” (“Bukiin Tera Ti Baireaki nakon Kooram ao Bootaki n Aine” [Brigham Young University devotional, Tian. 17, 2012], speeches.byu.edu.)
Kanakoraoan Ara Anga reirei
Kaoa. “Irarikin are karaoakin kakao n taainako ni karaoi bwaai aika onoti, iangoia ni kaoia taan kan reireinaki n iangoi oin aia kawai ni kabonganai bwaai ake a tia n reiakin” (Reirei n Ana Kawai te Tia Kamaiu, 35).