“Eberi 19–25. Reirei ao Berita aika Tabu 41–44: ‘Au Tua ni Bairea Au Ekaretia’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Eberi 19–25. Reirei ao Berita aika Tabu 41–44,” Nakomai, Iriirai—Ibukiia Aomata n Tatabemaniia ao Utu, 2021
Eberi 19–25
Reirei ao Berita aika Tabu 41–44
“Au Tua ni Bairea Au Ekaretia”
“Ngkana ko bubuti,” e berita te Uea, “ko na karekea te kaotioti teuana i mwin te kaotioti teuana, te atatai teuana i mwin te atatai teuana” (Reirei ao Berita aika Tabu 42:61). Tera ae ko na titiraki ibukina bwa ko aonga ni kona ni karekea te kaotioti are ko kainanoia?
Korei Am Namakin
Waekoan rikiraken te Ekaretia n 1830 ao 1831—iaon riki birimwakaia aika a tibwa rairaki n roko n nako Kirtland, Ohio—moan te kakurkurei ao ni kaunga nano nakoia aika Itiaki. Ma e karekei naba tabeua kakaewenako. Ko na kanga ni karika te inanoi ibuakoia bootaki aika taan kakoaua are e baiti rikirakena, ngkana a bane n uoti aekakin aia reirei ao aia katei man aia ekaretia rimoa? Te katooto, ngke e roko Iotebwa Timiti i Kirtland ni moan Beberuare 1831, e kuneia membwa aika boou n uaia ni iokinibwai n aia bwai n te kawai ae onoti ni katotongiia Kiritian n tain te Nu Tetemanti.(tara Makuri 4:32–37). Te Uea e karaoi tabeua kaetakiia ao kamataata aika a kakawaki i aon aio ao tabeua atuu ni iango, n ae bwanin rinanon te kaotioti ae koreaki n Reirei ao Berita aika Tabu 42, are E atongnga “au tua ni bairea au ekaretia” (kibu 59). N te kaotioti aei, ti reiakin koaua aika a kakawaki ni katean Ana Ekaretia te Uea ni boong aika kaitira, ni irianaki ma angiin kakabwaia ake a kamataata raoi bwa bon iai n taai nako baika ana reiakinaki: “Ngkana ko bubuti, ko na karekea te kaotioti teuana i mwin te kaotioti teuana, te atatai teuana i mwin te atatai teuana” (Reirei ao Berita aika Tabu 42:61).
Tara naba Saints, 1:114–19.
Iango ibukin Am Kamatebwai I Bon Iroum ni Koroboki Aika Tabu
“Ane e karekea au tua ao n ongeaba nako iai, boni ngaia naba au tia reirei.”
Ni moan 1831 Aomata aika Itiaki a moanna n ikotaki i Ohio, ni ingainga ni karekea te tua are e berita te Atua bwa e na anganiia ikekei (taraa Reirei ao Berita aika Tabu 38:32). Ma imwaina, e reireiniia Ana reirei te Uea bwa ana kanga ni katauraoia ni karekea Ana tua. Tera te reirei ae ko kunea ni kiibu 1–5 are e kona ni buokia Aomata aika Itiaki ni karekea Ana tua te Atua? A na kangaa reirei aikai ni buokiko ni karekei kairi mai Irouna?
Ana tua te Atua e bairea aron Ana Ekaretia ao e kona ni bairea aron maiura.
Aomata aika Itiaki a taraa te kaotioti are e kuneaki n Reirei ao Berita aika Tabu 42:1–72 bwa teuana te kabanea ni kakawaki are e a tia ni karekea te Burabeti. Teuana mai ibuakon are e moan boretiaki, inanon uoua ana nutibeeba Ohio, ao e kinaki iai bwa “te tua.” Angiin taian reirei inanon te mwakoro aio a kaman kaokaki mai iroun te Uea mai imwaina. E ngae ngke te mwakoro aei a aki kairaki tua nikabane iai te Uea e tangiriia Ana Aomata aika Itiaki n ongeaba, e manena kamatebwaiakina bwa e aera reirei aikai a kakawaki ni kaokiokaki nakon te Ekaretia ae boou are e kaokaki.
E na kona ni buokiko ni warekan mwakoro 42 ni kakimototoi n aron aikai ao kakaei reirei ake a reiakinaki mai iai. Ngkai ko karaoia, iangoia bwa e kanga te tua aei ni kaira te Ekaretia ao are e kona naba ni buokiko ni kaira oin maium.
Taraa naba 3 Nibwaai 15:9.
Reirei ao Berita aika Tabu 42:30–42
A kanga Aomata aika Itiaki ni “katabui [aia] bwai” ni boutokaaia ake a kainano?
Te mwakoro ae kakawaki n te tua ae e kaokaki n mwakoro 42 bon te bwai ae e a ataaki bwa tuan te anganano ao mwioko n tararua. Te tua aio e reireia Aomata aika Itiaki bwa ana kanga, n aroia taan irira Kristo n taai ake rimoa ni, “katiteboaki imarenaia” (Makuri 2:44; 4 Nibwaai 1–3), n “akea ae e kainnano i buakoia” (Mote 7:18). Aomata aika Itiaki a katabui aia bwai n anga nakon te Uea, rinanon te bitiobi (taraa Reirei ao Berita aika Tabu 42:30–31). Te bitiobi e kaokii nakoia n aron are e bon tau ibukiia (taraa kibu 32)—ni bon arona tera are atia ni katabua ao a mwaiti riki. Membwa a anga nako are e riaon ae tau ni buokiia kainano (taraa kiibu 33–34). Te tua aio bon te kakabwaia ae korakora nakoia Aomata aika Itiaki, nakoia riki ake a tia ni katikui aia bwai ni kabane n nako Ohio. A mwaiti Aomata aika Itiaki ake a rangi n tutuaraoi n aia angabwai.
E ngae ngke ti karaoia n arona ae e kaokoro ngkai, Aomata aika Itiaki ni Boong aika Kaitira a maiuakina naba tuan te anganano. Ngkai ko wareka Reirei ao Berita aika Tabu 42:30–42., iangoia bwa ko na kanga ni katabui baike e a tia n anganiko te Atua ni katea Ueana ao ni kakabwaiaia nake a kainano.
Taraa naba Linda K. Burton, “I Was a Stranger,” Ensign ke Riaona, Meei 2016, 13–15; “The Law,” Revelations in Context, 93–95, history.ChurchofJesusChrist.org.
Kristo ma te Rorobuaka ae Kaubwai, iroun Heinrich Hofmann
Reirei ao Berita aika Tabu 42:61, 65–68; 43:1–16
E anga te kaotioti te Atua ni kaira Ana Ekaretia.
Iangoia bwa ko marooro ma te membwa ae e boou n te Ekaretia ao e rangi ni ingainga ni kan ataia ae e kairaki te Ekaretia man te kaotioti. Ko na kanga ni kabongana Reirei ao Berita aika Tabu 43:1–16 ni kabwarabwara nakon teuanne ke neienne ana kawai te Uea ni kaira Ana Ekaretia rinanoia Ana burabeti? Ko na kanga ni kabongana Reirei ao Berita aika Tabu 42:61, 65–68. n reiakina karekean oin am kaotioti?
Taraa naba “All Things Must Be Done in Order,” Revelations in Context, 50–53, history.ChurchofJesusChrist.org.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Reirei ao Berita aika Tabu 41:1–5.Tera tabeua katooto iaon ana tua te tautaeka, ao a kanga tua akanne ni buokiira? A kanga Ana Tua Tamara are i Karawa ke Ana babaire ni kakabwaiaira? A kona membwa ni korei tamneia ike a ongeaba nakon Ana tua te Atua.
-
Reirei ao Berita aika Tabu 42:45, 88.Teraa ae e na buoka am utu ni “itangitangiri imarenaia”? (taraa naba Motiaea 4:14–15). Iangoia ni korea ke n atongii baika a raraoi ibukin temanna ke anenea te anene n taromauri iaon te tangira inanon te utu, n aron “Tangira Mweengara” (Anene n Taromauri, nambwa 40).
-
Reirei ao Berita aika Tabu 42:61.Tao ko na kona ni wareka te kibu aio inanon am tai ni karaoa te bwai ni katomatoma. Kabongana te bwai ni katomatoma n reiakina bwa e kanga te Atua ni kaotii bwai aika raba—“te kaotioti teuana i mwin te kaotioti teuana, te atatai teuana i mwin te atatai teuana.” Kain te utu a kona ni tibwaia bwa e kanga te Atua ni kaota te koaua nakoia teutana i mwin teutana.
-
Reirei ao Berita aika Tabu 43:25.Tao ana iai te bwai teuana ae a kona kain am utu ni kabongana ni karika te rongoaa n rebwen te baa bwa te kawai ni moana te marooro iaon kibu 25. E Kanga Bwanaan te Uea bwa te “bwana n rebwen te baa”? Baane bootaki ni kakaea n te kibu aei bwa e kanga ana kawai te Uea ni weteira bwa ti na rairi nanora. Ti na kanga n rangi ni waekoa ni kaeka nakon bwanaan te Uea?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae rineaki: “I Want to Live the Gospel,” Aia Boki n Anene Ataei, 148; taraa “Iango ni Katamaroa n Am Kamatebwai n te Utu ni Koroboki aika Tabu.”
Kanakoraoan Ara Anga reirei
Kateimatoa te otabwanin n tatangira. N aroia kain te utu n aia namakin ao ni buokiia imarenaia a kona ni karekea namakinan te tamnei ae korakora ni mweengaia. Buokiia kain te utu ni kabane ni karaoi tibwangaia ni katea te mweenga n tangira, karinerine bwa aonga ni kabane ni kona n namakina te kamanoaki ni tibwatibwaan aia taneiai, titiraki ao koaua. (Taraa Reirei n Ana Kawai te Tia Kamaiu,15.)
Ana Kabwarabwara Iotebwa Timiti i Nauvoo, iroun Sam Lawlor