« ថ្ងៃទី ២៦ ខែ មេសា–ថ្ងៃទី ២ ខែ ឧសភា ។ គោលលទ្ធិ និង សេចក្ដីសញ្ញា ៤៥ ៖ ‹ សេចក្ដីសន្យា … នឹងបានសម្រេចហើយ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )

« ថ្ងៃទី ២៦ ខែ មេសា–ថ្ងៃទី ២ ខែ ឧសភា ។ គោលលទ្ធិ និង សេចក្ដីសញ្ញា ៤៥ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

ថ្ងៃទី ២៦ ខែ មេសា–ថ្ងៃទី ២ ខែ ឧសភា

គោលលទ្ធិ និង សេចក្ដីសញ្ញា ៤៥

« សេចក្ដីសន្យា …នឹងបានសម្រេចហើយ »

នៅពេលអ្នកសិក្សា គោលលទ្ធិ និង សេចក្ដីសញ្ញា ៤៥ សូមគិតថាតើខគម្ពីរ ពាក្យដកស្រង់អ្វីខ្លះមកពីថ្នាក់ដឹកនាំសាសនាចក្រ បទពិសោធន៍ សំណួរ និងធនធានផ្សេងទៀតដែលអ្នកអាចប្រើដើម្បីបង្រៀនគោលលទ្ធិ ។ នៅពេលអ្នកបង្រៀន សូមអញ្ជើញសិស្សឲ្យកត់ត្រាការបំផុសគំនិតដែលពួកគេបានទទួល ហើយធ្វើផែនការមួយដើម្បីអនុវត្តវា ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

សិស្សអាចសរសេរនៅលើក្រដាសមួយសន្លឹកពីលេខខគម្ពីរមួយនៅក្នុង គោលលទ្ធិ និងសេចក្ដីសញ្ញា ៤៥ ដែលបានបំផុសគំនិតពួកគេ ។ បន្ទាប់មក អ្នកអាចប្រមូលក្រដាសទាំងនោះ សូមជ្រើសយកក្រដាសមួយចំនួន ហើយអញ្ជើញសិស្សដែលសរសេរក្រដាសនោះឲ្យអានខគម្ពីររបស់ពួកគេទៅកាន់សិស្សដទៃទៀត ហើយចែកចាយហេតុផលដែលពួកគេជ្រើសរើសខគម្ពីរទាំងនោះ ។ សូមលើកទឹកចិត្តពួកគេឲ្យចែកចាយការយល់ដឹងរបស់ពួកគេផងដែរ ។

បង្រៀនគោលលទ្ធិ

គោលលទ្ធិ និង សេចក្ដីសញ្ញា ៤៥:១-៥

ព្រះយេស៊ូវគ្រីស្ទគឺជាព្រះអង្គគាំទ្ររបស់យើងជាមួយនឹងព្រះវរបិតា ។

តើសិស្សម្នាក់អាចពិពណ៌នាបានទេ ថាតើអ្នកគាំទ្រម្នាក់ធ្វើអ្វីខ្លះ ? វាអាចមានប្រយោជន៍ដើម្បីមើលពីនិយមន័យនៃ អ្នកគាំទ្រ នៅក្នុងវចនានុក្រម ។ ដោយមានការយល់ដឹងនេះ សិស្សអាចអាន គោលលទ្ធិ និង សេចក្តីសញ្ញា ៤៥:៣-៥ ជាគូ ។ ពួកគេអាចចែកចាយជាមួយគ្នានូវពាក្យ ឬឃ្លាណាមួយមកពីខគម្ពីរទាំងនេះ ដែលជួយពួកគេឲ្យយល់ពីតួនាទីរបស់ព្រះយេស៊ូវគ្រីស្ទ ក្នុងនាមជាអង្គគាំទ្ររបស់យើងជាមួយនឹងព្រះវរបិតា ។ ( សូមមើលផងដែរ នីហ្វៃទី ២ ២:៨–៩, ម៉ូសាយ ១៥:៧–៩, មរ៉ូណៃ ៧:២៧–២៨, គោលលទ្ធិ និង សេចក្ដីសញ្ញា ២៩:៥, ៦២:១ ) ។ សូមពិចារណាសុំឲ្យសិស្សចែកចាយអារម្មណ៍របស់ពួកគេអំពីព្រះអង្គសង្គ្រោះជាអង្គគាំទ្ររបស់ពួកគេ ។

គោលលទ្ធិ និង សេចក្ដីសញ្ញា ៤៥:១១-៧៥

យើងពុំចាំបាច់ត្រូវភ័យខ្លាចចំពោះការយាងមកជាលើកទីពីរឡើយ ។

តើអ្នកអាចជួយសិស្សឲ្យមើលឃើញទាំងការព្រមាន និងការសន្យាដ៏សង្ឃឹមនៅក្នុង កណ្ឌ ៤៥តាមរបៀបណា ? ឧទាហរណ៍ អ្នកអាចសរសេរនៅលើក្ដារខៀនដោយដាក់ចំណងជើងថា ការព្យាករ និង ពរជ័យដែលបានសន្យា ហើយសិស្សអាចសរសេរនៅក្រោមចំណងជើងនោះនូវការបង្រៀនដែលពួកគេរកឃើញនៅក្នុង គោលលទ្ធិ និង សេចក្តីសញ្ញា ៤៥:១១-៧៥ ។ ហេតុអ្វីព្រះអម្ចាស់សព្វព្រះទ័យឲ្យយើងដឹងពីរឿងទាំងនេះជាមុន ? តើយើងអាចធ្វើអ្វីខ្លះ ដើម្បីទទួលស្គាល់ពរជ័យរបស់យើង ?
ប្រហែលជាសិស្សអាចចែកចាយពាក្យទូន្មានដល់គ្នាទៅវិញទៅមកអំពីរបៀបមានភាពសុទិដ្ឋនិយម និងពេញដោយសេចក្ដីសង្ឃឹម ពេលយើងជួបនឹងគ្រាលំបាកដែលបានប្រាប់ទុកជាមុនសម្រាប់ជំនាន់របស់យើង( ដូចជា រឿងដែលបានរៀបរាប់នៅក្នុងគោលលទ្ធិ និង សេចក្តីសញ្ញា ៤៥:១១-៧៥ ) ។ ដើម្បីជួយសិស្ស់សម្លឹងទៅរកការយាងមកជាលើកទីពីរដោយសេចក្តីជំនឿជាងសេចក្តីភ័យខ្លាចនោះ អ្នកអាចបង្ហាញវីដេអូ « Men’s Hearts Shall Fail Them » (ChurchofJesusChrist.org) ។ តើតាមរបៀបអ្វីខ្លះដែល មនុស្សលោកនឹងស្រយុតចិត្ត នៅក្នុងជំនាន់របស់យើង ? ( សូមមើល ខ ២៦) ។ តើដំបូន្មានអ្វីខ្លះដែលប្រធាន ណិលសុន បានផ្តល់ឲ្យក្នុងវីដែអូនេះ ដែលអាចជួយយើងឲ្យប្រឈមនឹងស្ថានភាពគួរឲ្យភ័យខ្លាចដោយសេចក្ដីសុខសាន្ត ?

គោលលទ្ធិ និង សេចក្ដីសញ្ញា ៤៥:៣១-៣២

« ឈរនៅក្នុងទីបរិសុទ្ធ » ហើយសូមកុំរើឡើយ ។

សិស្សប្រហែលជាយល់ព្រមដើម្បីចែកចាយការយល់ដឹងរបស់ពួកគេអំពីរបៀបដែលពួកគេកំពុងខិតខំ« ឈរនៅក្នុងទីបរិសុទ្ធ » ដូចដែលព្រះអម្ចាស់បានប្រឹក្សានៅក្នុងគោលលទ្ធិ និង សេចក្តីសញ្ញា ៤៥:៣១-៣២ ។ តើយើងអាចបង្កើតទីបរិសុទ្ធនៅក្នុងជីវិតរបស់យើងតាមរបៀបណា ? សេចក្ដីថ្លែងការណ៍នៅក្នុង« ធនធានបន្ថែមទាំងឡាយ » និងវីដេអូ « Stand Ye in Holy Places—Bloom Where You’re Planted(ChurchofJesusChrist.org) អាចបន្ថែមការយល់ដឹងចំពោះការពិភាក្សានេះ ។

រឿងប្រៀបធៀបនៃស្ត្រីព្រហ្មចារីដប់នាក់ ដោយ ដាន ប៊ឺរ

ធនធានបន្ថែមទាំងឡាយ

« ឈរនៅក្នុងទីបរិសុទ្ធ ។ »

ស៊ិស្ទើរ អាន អិម ឌិប អតីតសមាជិកមួយរូបនៃគណៈប្រធានយុវនារីទូទៅ បានបង្រៀនថា សេចក្ដីណែនាំដើម្បីឈរនៅក្នុងទីបរិសុទ្ធ ហើយសូមកុំរើឡើយ « ពន្យល់យើងពីរបៀបដែលយើងអាចទទួលការការពារ កម្លាំង និងសេចក្ដីសុខសាន្តនៅក្នុងគ្រាលំបាក » ។ បន្ទាប់ពីកត់សម្គាល់ថា ទីបរិសុទ្ធទាំងនេះអាចរួមមាន ព្រះវិហារបរិសុទ្ធ សាលាប្រជុំ និងគេហដ្ឋានរបស់យើង នោះគាត់បានថ្លែងថា « យើងម្នាក់ៗអាចរកឃើញទីបរិសុទ្ធជាច្រើនទៀត » ។ នាងបន្ដថា ៖

« ដំបូងឡើយ យើងអាចចាត់ថាពាក្យទីកន្លែងជាទីតាំងមួយ ឬតំបន់មួយ ។ ប៉ុន្តែ ទីកន្លែង មួយអាចជា ‹ លក្ខខណ្ឌ ជំហរ ឬស្ថានភាពនៃចិត្ត ›[ វចនានុក្រម Merriam-Webster.com ពាក្យ « place » merriam-webster.com ] ។ មានន័យថា ទីបរិសុទ្ធក៏អាចរួមបញ្ចូលនូវគ្រាមួយ—ជាគ្រាដែលព្រះវិញ្ញាណបរិសុទ្ធថ្លែងទីបន្ទាល់ប្រាប់យើង គ្រាដែលយើងទទួលអារម្មណ៍ពីសេចក្ដីស្រឡាញ់របស់ព្រះវរបិតាសួគ៌ ឬគ្រាដែលយើងទទួលចម្លើយមួយចំពោះការអធិស្ឋានរបស់យើង ។ លើសពីនេះទៀត ខ្ញុំជឿថា នៅគ្រប់ពេលដែលអ្នកមានសេចក្ដីក្លាហានដើម្បី ឈរការពាររឿងត្រឹមត្រូវ ជាពិសេសនៅក្នុងស្ថានភាពដែលគ្មាននរណាម្នាក់យល់ព្រមដើម្បីធ្វើវា នោះអ្នកកំពុងបង្កើតទីបរិសុទ្ធមួយហើយ » ( « Your Holy Places » Ensign ឬ Liahona ខែឧសភា ឆ្នាំ២០១៣ ទំព័រ ១១៥ ) ។

ការកែលម្អការបង្រៀនរបស់យើង

ចូរធ្វើជាទីបន្ទាល់មួយដ៏រស់រវើក ។ នៅពេលអ្នករស់នៅតាមគោលលទ្ធិដែលអ្នកបង្រៀន អ្នកនឹងអាចថ្លែងជាសាក្សីដ៏ពោរពេញដោយអនុភាពផ្ទាល់ខ្លួនថា វាគឺជាការពិត ។ ព្រះវិញ្ញាណបរិសុទ្ធនឹងបញ្ជាក់ពីទីបន្ទាល់របស់អ្នកទៅកាន់ដួងចិត្តនៃសិស្សរបស់អ្នក ។ សូមពិចារណាពីគោលការណ៍ដែលអ្នកនឹងបង្រៀននៅសប្ដាហ៍នេះ និងនៅសប្ដាហ៍ក្រោយ ។ តើអ្នកអាចរស់នៅកាន់តែពេញលេញតាមគោលការណ៍ទាំងនោះតាមរបៀបណា ? ( សូមមើល ការបង្រៀនតាមរបៀបរបស់ព្រះអង្គសង្គ្រោះទំព័រ ១៣–១៤ ) ។