« ថ្ងៃទី ២៤–៣០ ខែ ឧសភា ។ គោលលទ្ធិ និង សេចក្ដីសញ្ញា ៥៨–៥៩ ៖ ‹ ឧស្សាហ៍ចូលរួមក្នុងប្រយោជន៍ល្អ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )

« ថ្ងៃទី ២៤–៣០ ខែ ឧសភា ។ គោលលទ្ធិ និង សេចក្ដីសញ្ញា ៥៨–៥៩ » ចូរមកតាមខ្ញុំ—សម្រាប់សាលាថ្ងៃអាទិត្យ

អ៊ីនឌីប៉ែនដែនស៍ រដ្ឋមិសសួរី ដោយអេអាយ រោនស៍

ថ្ងៃទី ២៤–៣០ ខែ ឧសភា

គោលលទ្ធិ និង សេចក្ដីសញ្ញា ៥៨–៥៩

« ឧស្សាហ៍ចូលរួមក្នុងប្រយោជន៍ល្អ »

បន្ទាប់ពីអានគោលលទ្ធិ និង សេចក្ដីសញ្ញា ៥៨–៥៩ សូមពិចារណាសំណួរដូចតទៅនេះ ៖ តើអ្នកមានការបំផុសគំនិតអ្វីខ្លះដើម្បីចែកចាយនឹងសិស្សរបស់អ្នក ? តើអ្នកសង្ឃឹមថាពួកគេនឹងរកឃើញអ្វីខ្លះ ? តើអ្នកនឹងជួយពួកគេឲ្យរកឃើញរឿងទាំងនេះដោយរបៀបណា ?

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

ដើម្បីលើកទឹកចិត្តសិស្សឲ្យចែកចាយអ្វីដែលពួកគេបានរៀននៅក្នុងការសិក្សាព្រះគម្ពីររបស់ពួកគេ អ្នកអាចសរសេរសំណួរដូចតទៅនេះនៅលើក្ដារខៀន ៖តើយើងបានរៀនអ្វីខ្លះ ?តើយើងនឹងរស់នៅតាមអ្វីដែលយើងបានរៀនតាមរបៀបណា ? សិស្សអាចសរសេរនៅក្រោមសំណួរទីមួយពីសេចក្ដីពិតដែលពួកគេបានរកឃើញនៅក្នុងគោលលទ្ធិ និង សេចក្ដីសញ្ញា ៥៨–៥៩ ។ បន្ទាប់មក ពួកគេអាចចំណាយពេលពីរបីនាទី ដើម្បីពិភាក្សាពីគំនិតសម្រាប់ការរស់នៅតាមសេចក្ដីពិតទាំងនោះ ហើយសរសេរគំនិតរបស់ពួកគេនៅក្រោមសំណួរទីពីរ ។

បង្រៀនគោលលទ្ធិ

គោលលទ្ធិ និង សេចក្ដីសញ្ញា ៥៨:១–៥, ២៦–៣៣

ពរជ័យកើតមានស្របតាមកាលវេលារបស់ព្រះ និងភាពឧស្សាហ៍ព្យាយាមរបស់យើង ។

គោលលទ្ធិ និងសេចក្ដីសញ្ញា ៥៨ បង្រៀនសេចក្ដីពិតដែលអាចនាំយកភាពសុខសាន្តនៅគ្រាសាកល្បង ។ សិស្សអាចរកឃើញសេចក្ដីពិតទាំងនេះមួយចំនួនអំឡុងការសិក្សារបស់ពួកគេអំពីកណ្ឌនេះ សូមអញ្ជើញពួកគេឲ្យចែកចាយអ្វីដែលពួកគេបានរកឃើញ ។ ឬពួកគេអាចស្រាវជ្រាវខទី ១–៥, ២៦–៣៣នៅក្នុងថ្នាក់ ជាបុគ្គលម្នាក់ៗ ឬជាក្រុម រកអ្វីមួយដែលមានប្រយោជន៍ដល់នរណាម្នាក់ដែលកំពុងរងទុក្ខដោយសេចក្ដីវេទនា ឬដែលកំពុងរង់ចាំពរជ័យមួយដែលបានសន្យា ។ បន្ទាប់ពីចែកចាយអ្វីដែលពួកគេបានរកឃើញ ប្រហែលជាសិស្សមួយចំនួនអាចចែកចាយបទពិសោធន៍ ឬបទគម្ពីរផ្សេងទៀតដែលបានបញ្ជាក់ពីសេចក្ដីពិតនៅក្នុងខគម្ពីរទាំងនេះ ។
ជាផ្នែកនៃការពិភាក្សារបស់អ្នកអំពីគោលការណ៍នេះ អ្នកអាចបង្ហាញវីដេអូ « Hope Ya Know, We Had a Hard Time » ( ChurchofJesusChrist.org ) ហើយធ្វើការពិភាក្សាថាតើយើងអាចធ្វើអ្វីខ្លះដើម្បីជួយដល់អ្នកទាំងឡាយដែលកំពុងឆ្លងកាត់ពេលវេលាដ៏លំបាក ។ ពាក្យដកស្រង់មកពីស៊ិស្ទើរ លីនដា អេស រីវស៍ នៅក្នុង « ធនធានបន្ថែមទាំងឡាយ »ក៏អាចជួយដល់ការពិភាក្សារបស់អ្នកផងដែរ ។ តើពាក្យពេចន៍របស់ស៊ិស្ទើរ រីវស៍ ជះឥទ្ធិពលពីវិធីដែលយើងមើលទៅការសាកល្បងរបស់យើងតាមរបៀបណា ?

គោលលទ្ធិ និង សេចក្ដីសញ្ញា ៥៨:២៦–២៩

យើងអាច« នាំមកនូវសេចក្ដីសុចរិតដ៏ច្រើន »តាម« បំណងចិត្ត »របស់យើងផ្ទាល់ ។

តើសិស្សបានរៀនអ្វីខ្លះមកពីការសិក្សារបស់ពួកគេនៅក្នុងគោលលទ្ធិ និង សេចក្ដីសញ្ញា ៥៨:២៦–២៩នៅសប្ដាហ៍នេះ ? ប្រហែលជាអ្នកអាចបំបែកសិស្សជាក្រុម ហើយអញ្ជើញសិស្សឲ្យពិភាក្សានៅក្នុងក្រុមរបស់ពួកគេពីឃ្លាដែលពួកគេបានរកឃើញថាមានន័យនៅក្នុងខគម្ពីរទាំងនេះ ។ តើខគម្ពីរទាំងនេះបំផុសគំនិតយើងឲ្យ« នាំមកនូវសេចក្ដីសុចរិតដ៏ច្រើន »តាមរបៀបណា ?( ខទី ២៧ ) ។ ហេតុអ្វីព្រះអម្ចាស់សព្វព្រះទ័យចង់ឲ្យយើងពុំត្រូវបាន« គេបង្ខំនូវគ្រប់អ្វីៗទាំងអស់ » ?( ខទី ២៦ ) ។ តើខគម្ពីរទាំងនេះ ផ្ដល់យោបល់អ្វីខ្លះអំពីអ្វីដែលព្រះអម្ចាស់មានព្រះរាជបំណងចង់ឲ្យយើងប្រែក្លាយ ?

គោលលទ្ធិ និង សេចក្ដីសញ្ញា ៥៩:៩-១៩

ថ្ងៃឈប់សម្រាកគឺជាថ្ងៃរបស់ព្រះអម្ចាស់ ។

ដើម្បីជួយសិស្សឲ្យរុករកអ្វីដែលព្រះអម្ចាស់បានបង្រៀនដល់ពួកបរិសុទ្ធជំនាន់មុននៅរដ្ឋមិសសួរីអំពីថ្ងៃឈប់សម្រាក អ្នកអាចអញ្ជើញពួកគេឲ្យស្រាវជ្រាវគោលលទ្ធិ និង សេចក្ដីសញ្ញា ៥៩:៩–១៩ហើយធ្វើបញ្ជីមួយនៅលើក្ដារខៀនអំពីអ្វីដែលខគម្ពីរនីមួយៗបង្រៀនយើងអំពីថ្ងៃឈប់សម្រាក ។ សិស្សក៏អាចចែកចាយពីរបៀបដែលទីបន្ទាល់របស់ពួកគេអំពីថ្ងៃឈប់សម្រាកបានកើនឡើង នៅពេលពួកគេបានរក្សាថ្ងៃឈប់សម្រាកឲ្យបរិសុទ្ធ ។Sabbath.ChurchofJesusChrist.orgមានវីដេអូមួយចំនួនដែលអាចជួយចាប់ផ្ដើមការពិភាក្សាមួយបាន ។
នៅក្នុង គោលលទ្ធិ និងសេចក្ដីសញ្ញា ៥៩ ព្រះអម្ចាស់បានបង្រៀនអំពីថ្ងៃឈប់សម្រាកដោយប្រើពាក្យដូចជា « ការត្រេកអរ », « រីករាយ » និង « អរសប្បាយ »( ខទី ១៤–១៥ ) ។ សិស្សអាចរកមើលពាក្យទាំងនេះនៅក្នុង ខទី ៩–១៩ ។ បន្ទាប់មក សិស្សអាចចែកចាយអ្វីដែលពួកគេធ្វើដើម្បីធ្វើឲ្យថ្ងៃឈប់សម្រាកមានភាព រីករាយ ។ តើយើងអាចប្រើខគម្ពីរទាំងនេះដើម្បីបង្រៀនមនុស្សដទៃពីហេតុផលដែលយើងគោរពថ្ងៃឈប់សម្រាកដោយរបៀបណា ?
ការពិភាក្សានេះក៏អាចជាឱកាសមួយសម្រាប់សិស្សដើម្បីចែកចាយគំនិតអំពីរបៀបដែលពួកគេ និងក្រុមគ្រួសាររបស់ពួកគេប្រើថ្ងៃឈប់សម្រាកដើម្បីធ្វើឲ្យគេហដ្ឋានរបស់ពួកគេក្លាយជាមជ្ឈមមណ្ឌលនៃការរៀនសូត្រដំណឹងល្អរបស់ពួកគេ ។ សូមអញ្ជើញពួកគេឲ្យចែកចាយពីរបៀបដែលការខិតខំរបស់ពួកគេជួយពួកគេបន្ត« ឲ្យបានពេញលេញ … កុំឲ្យប្រឡាក់ពីលោកិយ »( ខទី ៩ ) ។

ពិធីសាក្រាម៉ង់គឺជាផ្នែកមួយដ៏សំខាន់នៃការគោរពថ្ងៃឈប់សម្រាក ។

ធនធានបន្ថែមទាំងឡាយ

ទុក្ខវេទនារបស់យើងអាចដឹកនាំយើងទៅរកព្រះអង្គសង្គ្រោះ ។

លីនដា អេស រីវស៍ ជាអតីតសមាជិកនៃគណៈប្រធានសមាគមសង្គ្រោះទូទៅ បានបង្រៀនថា

« ព្រះអម្ចាស់អនុញ្ញាតឲ្យយើងទទួលការសាកល្បង ពេលខ្លះដល់កម្រិតអតិមរិមានៃសមត្ថភាពរបស់យើង ។ យើងបានឃើញជីវិតរបស់មនុស្សជាទីស្រឡាញ់—ប្រហែលជារបស់យើងផ្ទាល់—ត្រូវបានដុតឆេះរាបដល់ដី ហើយបានងឿងឆ្ងល់ថា ហេតុអ្វីព្រះបិតាជាទីស្រឡាញ់ ហើយមានព្រះទ័យខ្វល់ខ្វាយ ទុកឲ្យរឿងដូច្នោះកើតឡើងបាន ។ ប៉ុន្តែទ្រង់ពុំទុកយើងឲ្យនៅក្នុងផេះផង់ទេ ទ្រង់គង់លាតព្រះហស្ត អញ្ជើញយើងឲ្យមករកទ្រង់ ។ …

« …ទ្រង់ចង់ជួយយើង លួងលោមយើង ហើយសម្រាលការឈឺចាប់យើង ពេលយើងពឹងលើអំណាចនៃដង្វាយធួន និងគោរពសេចក្ដីសញ្ញាយើងនោះ ។ ការសាកល្បង និងទុក្ខវេទនា ដែលយើងជួប អាចជាអ្វីៗដែលដឹកនាំយើងឲ្យទៅរកទ្រង់ ហើយតោងជាប់សេចក្ដីសញ្ញាយើង ដើម្បីយើងអាចត្រឡប់ទៅវត្តមានទ្រង់ ហើយទទួលអ្វីៗដែលព្រះបិតាមាន »( « Claim the Blessings of Your Covenants » Ensign ឬ Liahona ខែវិច្ឆិកា ឆ្នាំ២០១៣ ទំព័រ ១១៩–២០ ) ។

ការកែលម្អការបង្រៀនរបស់យើង

សូមប្រាកដថា អ្នកកំពុងបង្រៀនគោលលទ្ធិពិត ។ « សូមសួរខ្លួនអ្នកជាបន្ដបន្ទាប់ថា ‹ តើអ្វីដែលខ្ញុំកំពុងបង្រៀន នឹងជួយសមាជិកក្នុងថ្នាក់របស់ខ្ញុំឲ្យស្ថាបនាសេចក្ដីជំនឿទៅលើព្រះគ្រីស្ទ ប្រែចិត្ត ចុះ និងរក្សាសេចក្ដីសញ្ញាជាមួយព្រះ ហើយទទួលបានព្រះវិញ្ញាណបរិសុទ្ធដោយរបៀបណា ? › »( ការបង្រៀនតាមរបៀបរបស់ព្រះអង្គសង្គ្រោះ ទំព័រ ២០ ) ។