talavou i fafo o le malumalu

26 Aperila--2 Me

Mataupu Faavae ma Feagaiga 45

“O Folafolaga … O Le A Faataunuuina”

A o e suesueina le Mataupu Faavae ma Feagaiga 45, mafaufau po o a fuaiupu, upusii mai taitai o le Ekalesia, aafiaga, fesili, ma isi punaoa e mafai ona e faaaoga e aoao atu ai le aoaoga faavae. A o e aoao atu, valaaulia tagata o le vasega e faamaumau uunaiga latou te maua ma faia se fuafuaga e faatino ai.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

E mafai e tagata o le vasega ona tusi i se fasi pepa le numera o se fuaiupu mai le Mataupu Faavae ma Feagaiga 45 na uunaia i latou. Ona mafai lea ona e aoina pepa, filifili ni nai pepa, ma valaaulia tagata o le vasega na tusia na pepa e faitau a latou fuaiupu i le vasega ma faasoa pe aisea na latou filifilia ai. Uunaia isi e faasoa mai foi o latou manatu.

aikona o le aoao atu

Aoao Atu le Aoaoga Faavae

Mataupu Faavae ma Feagaiga 45:1-5

O Iesu Keriso o lo tatou Fautua i le Tama.

• E mafai e se tasi o lau vasega ona faamatala mai po o a mea e fai e se fautua? E fesoasoani foi pe a sue le uiga o le advocate i se tusi lomifefiloi. Faatasi ai ma lenei malamalama, e mafai e tagata o le vasega ona faitau le Mataupu Faavae ma Feagaiga 45:3-5 i ni paga. E mafai ona latou faasoa i le tasi ma le isi soo se upu po o fuaitau mai nei fuaiupu e mafai ona fesoasoani ia i latou ia malamalama ai i le matafaioi a Iesu Keriso o lo tatou Fautua i le Tama. (Tagai foi 2 Nifae 2:8–9; Mosaea 15:7–9; Moronae 7:27–28; Mataupu Faavae ma Feagaiga 29:5; 62:1.) Mafaufau e fai i tagata o le vasega e faasoa mai o latou lagona e uiga i le Faaola o lo latou Fautua.

Mataupu Faavae ma Feagaiga 45: 11-75

E le tatau ona tatou fefefe i le Afio Mai Faalua.

• E mafai faapefea ona e fesoasoani i tagata o le vasega ia vaai i lapataiga manino ma folafolaga moni i le vaega 45? Mo se faataitaiga, e mafai ona e tusia i le laupapa autu Valoaga ma le Faamanuiaga Folafolaina, ona tusi lea e tagata o le vasega i lalo o nai autu aoaoga latou te maua i Mataupu Faavae ma Feagaiga 45:11-75. Aisea e finagalo ai le Alii ia tatou muai iloa nei mea? O a ni mea e mafai ona tatou faia e maua ai faamanuiaga folafolaina?

• Atonu e mafai ona faasoa mai e tagata o le vasega ni fautuaga i le tasi ma le isi i le ala e mafaufau lelei ai ma le faamoemoe ao tatou feagai ma puapuaga na valoia mo o tatou aso (e pei ona faamatalaina i le Mataupu Faavae ma Feagaiga 45:11-75). Ina ia fesoasoani i tagata o le vasega ia tulimatai atu i le Afio Mai Faalua ma le faatuatua nai lo le fefe, e mafai ona e faaali atu le vitio “Men’s Hearts Shall Fail Them” (ChurchofJesusChrist.org). O le a se tulaga ua faavaivaia ai loto o tagata i o tatou aso? (tagai fuaiupu 26). O le a se fautuaga na tuuina mai e Peresitene Nelson i lenei vitio e fesoasoani ia i tatou e taulima ai tulaga taufaafefe i le filemu?

Mataupu Faavae ma Feagaiga 45:31–32

“Ia outou tutu ai i nofoaga paia,” ma aua le masii ese.

• Atonu e naunau mai tagata o le vasega e faasoa mai o latou manatu i ala o loo latou tauivi ai ia “tutu i nofoaga paia,” e pei ona fautua mai le Alii i le Mataupu Faavae ma Feagaiga 45:31-32. E mafai faapefea ona tatou fatuina ni nofoaga paia i o tatou olaga? O le fuaitau i le “Punaoa Faaopoopo” ma le vitio “Stand Ye in Holy Places—Bloom Where You’re Planted” (ChurchofJesusChrist.org) e mafai ona maua ai nisi manatu i lenei talanoaga.

  o taupou e toasefulu

  Faataoto i Taupou e Toasefulu, saunia e Dan Burr

aikona o punaoa faaopoopo

Punaoa Faaopoopo

“Tutu i nofoaga paia.”

Na aoao mai Sister Ann M. Dibb, o se sui talu ai o le Au Peresitene Aoao o Tamaitai Talavou, faapea o le faatonuga ia tutu i nofoaga paia ma aua nei siitia ese “ua faamatalaina le ala tatou te mafai ai ona maua le puipuiga, malosi, ma le filemu i taimi o le le mautonu.” I le mavae ai ona faailoa mai o nei nofoaga paia e mafai ona aofia ai o tatou malumalu, falelotu, ma aiga, na ia faapea mai, “e mafai ona tatou mauaina nisi nofoaga e tele atu.” Sa ia faaauau:

“Atonu e tatau ona tatou mafaufau muamua i le upu nofoaga o se siosiomaga faaletino po o se tulaga faalefaafanua. Peitai, o se nofoaga e mafai ona o ‘se tulaga iloga, tulaga, po o se auga o le mafaufau’ [Merriam-Webster.com Dictionary, “place,” merriam-webster.com]. O lona uiga o nofoaga paia e mafai foi ona aofia ai minute i taimi—e molimau mai ai le Agaga Paia ia te i tatou, taimi tatou te lagonaina ai le alofa o le Tama Faalelagi, po o taimi tatou te maua ai se tali i a tatou tatalo. E le gata i lea, ou te talitonu soo se taimi e te maua ai le lototoa e tu atu mo le mea tonu, aemaise i tulaga e leai se isi e naunau e faia, ua e fatuina lava se nofoaga paia” (O o Outou Nofoaga Paia,”,” Ensign po o le Liahona, Me 2013, 115).

Faaleleia o Lo Tatou Aoao Atu

Avea o se molimau ola. Ao e ola i aoaoga faavae e te aoao atu o le a mafai ona e tuuina atu lau molimau mamana, patino lena e moni. O le a faamaonia e le Agaga Paia lau molimau i loto o tagata o lau vasega. Mafaufau i mataupu faavae o le a e aoao atu i lenei vaiaso ma vaiaso a sau. E mafai faapefea ona e ola ai ia sili atu le atoatoa? (Tagai Aoao Atu i le Ala a le Faaola, 13–14.)