“Aokati 9–15. Reirei ao Berita aika Tabu 88: ‘Ongora, Katea … ana Auti te Atua,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Aokati 9–15. Reirei ao Berita aika Tabu 88,” Nakomai, Iriirai—Ibukin te Reirei n Tabati: 2021
Aokati 9–15
Reirei ao Berita aika Tabu 88
“Katea … ana Auti te Atua”
Ngkai te tia reirei ibukin te euangkerio, iai mwiokoam bwa ko na buoka am kiraati “n reiakini i marenami tuan te abanuea” ao “taekan te wanawana” (Reirei ao Berita aika Tabu 88:77, 118). N reitaki ma tibwauakin bwaai ake a anaa nanom bwa ko na anga reirei man Reirei ao Berita aika Tabu 88, kaungaia kaain te kiraati bwa a na reiakini i marenaia bwaai ake a tia n reiakinaki iai.
Korei Am Namakin
Kaungaa te Tibwatibwa
N tabetai te tamnei e kona ni kaungaa te tibwatibwa. Ko kona ni kaota tamnein mwaangan te oriwa (ke korea teuana iaon te burakiboot) ao kaoiia kaain te kiraati bwa a na tibwauai kiibu man Reirei ao Berita aika Tabu 88 are e buokiia ni kaotaia bwa bukin tera ngkai Iotebwa Timiti e arana te kaotioti aei bwa “‘baan te oriwa’ … , ana rongorongo te Uea ibukin te rau nakoira” (atuun te mwakoro).
Reirei te Reirei
Reirei ao Berita aika Tabu 88:6–50
Te oota ao te tua a roko mai iroun Iesu Kristo.
-
Ni buokiia kaain am kiraati bwa a na mataata n Reirei ao Berita aika Tabu 88:6–50, ko kona ni korea te oota ao te tua iaon te burakibooti ao bwenaua te kiraati nakon uoua te kurubu. Teuana te kurubu e kona n rinanoa Reirei ao Berita aika Tabu 88:6–13, 40–50, n tarai bwaai ake a reiakin ibukin Iesu Kristo man rongorongo aika bwai ni kakoaua ibukin kaotaakin kiibu aikai. Te kurubu are teuana e kona ni kakaei kiibu 13–26, 34–42, ni kakaei baike a reiakin ibukin kakaawakin touan mwiin Ana tua. Tera koaua ibukin te oota ao te tua inanon te mwakoro 88 ae ti reireinaki iai ibukin taekan te Tia Kamaiu? A kanga ni kaungai nanora bwa ti na riki n ai Arona?
Reirei Ao Berita aika Tabu 88:62–76, 119–26
Ti kona n itiaki rinanon ana Mwakuri ni Kamaiu Iesu Kristo.
-
Ana tua te Uea ni “katabuingkami” e kaoti uoua te tai inanon te mwakoro 88 (kiibu 68, 74). Ngkana e kaungaaki nanom bwa ko na marooroakinna bwa tera ae nanonaki n anne, ko na waaki ni kakaei nanon te taeka ae katabuingkami ke n rinanoi tabeua rongorongo ake a koreaki iaan “Sanctification” inanon te Kairi nakon Booki aika Tabu (scriptures.ChurchofJesusChrist.org). Ko kona naba ni kaoiia kaain te kiraati bwa a na wareka Reirei ao Berita aika Tabu 88:62–76, 119–26 ao marooroakin titiraki n aron aikai ma toam: Ti kanga ni katabuira? Tera berita mai iroun te Atua ake ti kunei inanon kiibu aikai? Bukin tera e tangiria te Uea bwa ti na itiaki? A na bae ni karekei kaekaan titiraki aikai n ana rongorongo Beretitenti Dallin H. Oaks “Cleansed by Repentance” (Ensign ke Riaona, Meei 2019, 91–94; taraa naba “Bwaai n Ibuobuoki Riki Tabeua”).
Reirei Ao Berita aika Tabu 88:77–78, 118–26
Te Uea e tangiriira bwa ti na ukoukora te rabakau man te kamatebwai ao man te onimaki.
-
Te reirei are e anga te Uea ni buoka katean aia “tabo n reirei burabeti i Kirtland (te kibu 137) e kona ni buokiia kaain am kiraati n am konabwai “n reiakini i marenami reirein te abanuea” (te kibu 77). Tao ko na kona ni kakaei kiibu 77–78 ao 118–26 ao ni marooroakinna ko na kanga ni karaoa am kiraati bwa “te auti n reirei” (te kibu 119). A kona kaain te kiraati ni korei tabeua “tuan te kiraati” ke tua ake a boboto iaon kiibu aikai are a na kaira am reirei inanon te kiraati. Ko na bae n tuangiia kaain te kiraati bwa a na tibwauaia bwa a kanga ni kataia ni maiuakin tua aikai ngkai a kataia n “ukoukora te rabakau” (te kibu 118).
Tamneiataei a wareware ni koroboki aika a tabuMweengara a kona n riki bwa taabo n reirei ibukin te maiu n tamnei.
Reirei ao Berita aika Tabu 88:119
Te Tembora Bon ana Auti te Atua.
-
Ngkana e angaraoi, kaota tamnein te tembora ae uakaan iaon te burakibooti, ao kaoa te kiraati bwa a na korea irarikina taeka man te kibu 119 ni kabongana ni kabwarabwara maneaban te Uea. Kaoiia bwa a na tibwaua bwaai ake a rinanona are e kaotia bwa e kanga te tembora ni booraoi ma aron te kabwarabwara. Ko kona ni marooroakinna bwa e kanga te kibu aei ni kairii maiura.
Bwaai n Ibuobuoki Riki Tabeua
Kaitiakaki man te rairannano.
E reirei Beretitenti Dallin H. Oaks:
“E moanaki te rairannano iroun ara Tia Kamaiu, ao bon te kakimwareirei, ma tiaki te karawawata. …
“Te kaitiakaki man te rairannano, ti riai ni kabwarai ara bure ao ni kaotii nakon te Uea ao nakon Ana tia moti n te Maiu ae mamate ngkana e kainnanoaki (taraa Reirei ao Berita aika Tabu 58:43). Aramwa e reireiniira bwa ti riai ni “ waakini mwakuri aika a raraoi” (Aramwa 5:35). Bwaai aikai ni kabane bon mwakoron te kakao ae teimatoa inanon koroboki aika tabu n nakon Kristo.
“Ti riai ni kana te toa ni katoa Tabati. N te otenanti anne ti karaoi berita ao ni karekei kakabwaia ake a na buokiira n tokanikai iaon mwakuri ao naano are e tuukira man te kororaoi are e kaoira iai ara Tia Kamaiu bwa tina karekea (taraa Mataio 5:48; 3 Nibwaai 12:48). Ngkana ti kakeai [mairoura] bwaai ni kabane aika tiaki aron te Atua, ao n tangira te Atua ma korako[rara], ara iango ao marurungira,‘ ngkanne, ti kona ni “kororaoi iroun Kristo‘ ao ni ‘katabuaki‘ rinanon waawanakon Raraana, n “riki ni mimitong, n aki memea‘ (Moronaai 10:32–33). Bon te berita ae tamaroa! Bon te kakai ae tamaroa! Bon te kakabwaia ae tamaroa!” (“Cleansed by Repentance,” Ensign ke Riaona, Meei 2019, 92).
Kanakoraoan Ara Anga Reirei
Kakaei bwaai n ibuobuoki ni boutokaa te tua. N raonaki ma te kaoti iango n te kamataata aei, ko kona ni kakaei ana witeo te Ekaretia, katangitang, ke mwakuri n korotamnei n reirei te tua n Reirei ao Berita aika Tabu 88. (Taraa Reirei n Ana Kawai te Tia Kamaiu, 17–18.)