san i saen tru long ol klaod

20–26 Septemba

Doktrin mo Ol Kavenan 106–108

“Blong Gat Ol Heven Oli Open”

Taem yu stadi Doktrin mo Kavenan 106–8, tingting long ol eksperiens long saed blong spirit we ol memba blong klas blong yu oli gat taem oli stap stadi long ol seksen ia. Taem yu stap rere blong tijim olgeta, bae i help blong faenemaot wanem we oli bin faenem we i gat mining long olgeta. Yu mekem hemia bifo yufala i mit tugeta.

Raetemdaon Ol Filing mo Tingting blong Yu

serem pikja bokis

Invaetem Man blong Serem Wanem Oli Gat

Invaetem ol memba blong klas blong serem wan ves aot long ol seksen ia we i stap tijim wan prinsipol we i save mekem wan i kam strong moa long Jos seves blong hem.

tijing pikja bokis

Stap Tijim Doktrin

Doktrin mo Ol Kavenan 106; 108

Lod i givim instraksen, i leftemap tingting mo i sapotem olgeta we Hem i singaotem olgeta blong givim seves.

• Taem ol memba blong klas oli bin stadi long Doktrin mo Ol Kavenan 106 mo 108 long wik ia, maet oli faenem ol sentens we i save helpem olgeta we oli stap givim seves long ol koling blong Jos (luk long aotlaen blong wik ia insaed long Kam Folem Mi—Blong Wanwan Man, Woman mo Famli). Tingting blong givim, long ol memba blong klas, sam taem blong oli raetem ol sentens we oli bin faenem insaed long ol seksen ia i go long bod, mo askem olgeta blong serem ol niu tingting blong olgeta. ?Wanem eksperiens nao oli bin gat we i go wetem, o i wan gudfala pikja blong wanem i stap long ol sentens ia?

Doktrin mo Ol Kavenan 107

Lod i lidim Jos blong Hem tru long prishud atoriti.

• Yu save statem wan toktok storian insaed long klas abaot ol ofis blong prishud taem yu invaetem klas blong mekem wan lis blong ol risen we Lod i givim ol profet, ol aposol, mo ol nara lida blong Jos long yumi. Maet ol memba blong klas oli save ademap sam moa risen long lis blong olgeta afta we oli ridim Doktrin mo Ol Kavenan 107:18–20. Afta, oli save spendem taem blong luklukbak long ol responsabiliti we Lod i bin givim long olgeta we oli holem olgeta ofis ia: Fas Presidensi (ol ves 9, 21–22, 65–66, 91–92), Olgeta Twelef Aposol (ol ves 23–24, 33–35, 38, 58), Olgeta Seventi (ol ves 25–26, 34, 93–97), mo ol bisop (ol ves 13–17, 68–76, 87–88). ?Wanem nao yumi stap mekem blong sapotem ol lida blong yumi tru long … tras, fet mo [ol] prea”? (ves 22).

• ?Hao nao bae yumi ansa sapos wan fren we i no blong Jos blong yumi i askem: “?Wanem i prishud?” o “?Wanem oli ol prishud ki?” ?Olsem wanem nao ol tijing we oli stap long “Sam Moa Risos” oli jenisim ol ansa blong yumi? Maet ol memba blong klas oli save faenem ol niu tingting we i save helpem olgeta insaed long Doktrin mo Ol Kavenan 107:1–4, 18–20 (Luk tu long Stap Tru long Fet, 148–153). ?Olsem wanem nao prishud i helpem yumi blong kasem “ol sikret blong kingdom” mo “gat ol heven oli open long [yumi]”? ?Olsem wanem i helpem yumi “blong stap glad blong toktok long God mo stap wetem God Papa, mo Jisas? (ves 19).

Doktrin mo Ol Kavenan 107:27–31, 85

Lod i rulum kingdom blong Hem tru long ol kaonsel.

• Presiden M. Russell Ballard i talem: “mi save se kaonsel miting i fasin blong wok blong Lod, mo Hem i bin krietem evri samting long yunives tru long wan kaonsel long heven” (“Ol Famli Kaonsel,”   churchofjesuschrist.org/general-conference/2016/04?lang=bis, Epril 2016). ?Olsem wanem yu save helpem olgeta we yu stap tijim blong oli andastanem olsem wanem blong stap kaonsel long hom mo long jos? Maet yu save askem samfala memba blong kam we oli rere finis blong serem eksperiens blong olgeta long jos o long hom abaot wan taem we oli bin praktisim ol prinsipol ia blong stap givim kaonsel we oli tokbaot insaed long Doktrin mo Ol Kavenan 107:27–31, 85 (o long mesej blong Presiden Ballard we refrens blong hem i stap antap ia). Tingting blong invaetem ol memba blong klas long taem blong wik blong kam long klas we oli rere finis blong serem ol aedia abaot wanem i mekem wan kaonsel i wok gud. Leftemap tingting blong ol memba blong klas blong talemaot ol prinsipol we oli lanem aot long toktok storian ia we bae i helpem olgeta blong oli wok gud moa taem oli stap tekpat long ol fiuja hom mo jos kaonsel.

  tija kaonsel miting

  Blong stap kaonsel tugeta i wan wei we Lod i stap mekem wok blong Hem i hapen.

sam moa risos pikja bokis

Sam Moa Risos

Prishud atoriti

Presiden Dallin H. Oaks i tijim:

“Yumi no stap harem tumas o tokbaot tumas abaot ol woman we oli gat atoriti blong prishud insaed long ol koling blong olgeta long Jos, be ?hem i wijwan atoriti moa? Taem wan woman—yangfala o olfala–oli setem hem apat blong prijim gospel olsem wan fultaem misinari, oli givim prishud atoriti long hem blong mekem wan wok blong prishud. I tru semmak taem we oli setem apat wan woman blong i wok olsem wan ofisa, o wan tija insaed long wan oganaesesen blong Jos anda long daereksen blong wan we i holem ol ki blong prishud. Huia i wok insaed long wan ofis o koling we hem i kasem tru long wan we i holem ol prishud ki, i stap yusum prishud atoriti ia blong mekem ol diuti we oli bin givim long hem” (“The Keys and Authority of the Priesthood,” Ensign o Liahona, May 2014, 51).

Presiden M. Russell Ballard i talem:

“Papa blong yumi we i stap long Heven i gat open hat wetem paoa blong Hem. Evri man mo woman oli save yusum paoa ia blong helpem laef blong olgeta. Evriwan we i bin mekem ol tabu kavenan wetem Lod mo oli givim ona long ol kavenan ia, oli save kasem revelesen blong olgetawan, oli save kasem blesing tru long seves blong ol enjel, mo oli save toktok wetem God, oli save kasem fulwan blong gospel, mo long en, oli save kam blong save kasem, wetem Jisas Kraes, evri samting we Papa blong yumi i gat.” (“Men and Women in the Work of the Lord,” New Era, Apr. 2014, 4–5).

Stap Kam Antap long Fasin blong Yumi blong Stap Tij

Helpem olgeta we oli stap lanem samting blong leftemap wanwan long olgeta bakegen. “Wanwan man o woman insaed long klas blong yu, i wan rij ples blong testemoni, niu tingting, mo eksperiens blong fasin blong laef folem gospel. Invaetem olgeta blong serem mo blong leftemap wanwan long olgeta bakegen” (Teaching in the Savior’s Way,5).