« ថ្ងៃទី ១៨–២៤ ខែ តុលា ។ គោលលទ្ធិ និង សេចក្ដីសញ្ញា ១២១–១២៣ ៖ ‹ ឱព្រះអង្គអើយ តើព្រះអង្គគង់នៅទីណា ? ›ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ២០២១ ( ឆ្នាំ ២០២០ )

« ថ្ងៃទី ១៨–២៤ ខែ តុលា ។ គោលលទ្ធិ និង សេចក្តីសញ្ញា ១២១–១២៣ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

គុកលិបើធីនៅរដូវផ្ការីក ដោយ អាល រ៉ោនស៍

ថ្ងៃទី ១៨–២៤ ខែ តុលា

គោលលទ្ធិ និង សេចក្ដីសញ្ញា ១២១–១២៣

« ឱព្រះអង្គអើយ តើព្រះអង្គគង់នៅទីណា ? »

វិធីដ៏ល្អបំផុតដើម្បីរៀបចំខ្លួនបង្រៀន គឺការអានព្រះគម្ពីរ គិតអំពីមនុស្សដែលអ្នកបង្រៀន និងធ្វើតាមព្រះវិញ្ញាណ ។ សកម្មភាពទាំងឡាយនៅក្នុងគម្រោងមេរៀននេះអាចជាការគម្រប់បន្ថែមទៅលើការបំផុសគំនិតដែលអ្នកទទួលបាន ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

សូមអញ្ជើញសិស្សក្នុងថ្នាក់ឲ្យជ្រើសរើសសារលិខិតមួយចេញពី គោលលទ្ធិ និងសេចក្ដីសញ្ញា ១២១–១២៣ ដែលពួកគេចង់ចែកចាយជាមួយនរណាម្នាក់ដែលកំពុងរងទុក្ខ ។ សូមឲ្យពួកគេពន្យល់អំពីជម្រើសរបស់ពួកគេ ។

បង្រៀនគោលលទ្ធិ

គោលលទ្ធិ និង សេចក្ដីសញ្ញា ១២១:១–៣៣; ១២២

ប្រសិនបើយើងស៊ូទ្រាំនឹងការសាកល្បងរបស់យើងដោយហ្មត់ចត់ នោះព្រះនឹងលើកតម្កើងនៅស្ថានខ្ពស់ ។

អ្នកអាចឲ្យសិស្សក្នុងថ្នាក់ ដែលមានអារម្មណ៍ស្រដៀងនឹងអ្វីដែលយ៉ូសែប ស្ម៊ីធ បានបង្ហាញនៅក្នុង គោលលទ្ធិ និង សេចក្តីសញ្ញា ១២១:១–៦ ដោយសារពួកគេមានការសាកល្បងដ៏ពិបាក ឲ្យអានខគម្ពីរនេះ ។ ក្រោយពីអានខគម្ពីរទាំងនេះរួមគ្នាហើយ អ្នកអាចអញ្ជើញសិស្សក្នុងថ្នាក់ឲ្យសម្គាល់រក និងចែកចាយសារលិខិតនៅក្នុង ខទី ៧–៣៣ ដែលផ្ដល់សេចក្ដីសង្ឃឹម និងការលួងលោមដល់ពួកគេអំឡុងពេលពួកគេមានឧបសគ្គ ។ តើ « ស៊ូទ្រាំ … ដោយហ្មត់ចត់ » មានន័យដូចម្ដេច ? ( ខទី ៨ ) ។ តើព្រះអង្គសង្រ្គោះជួយយើងឲ្យស៊ូទ្រាំដោយហ្មត់ចត់យ៉ាងដូចម្តេច ? តើយើងអាចជួយគ្នាទៅវិញទៅមកឲ្យស៊ូទ្រាំដោយហ្មត់ចត់យ៉ាងដូចម្តេច ?
ដើម្បីជួយសមាជិកក្នុងថ្នាក់ឲ្យពិចារណាអំពីរបៀបដែលការសាកល្បងអាច « ផ្ដល់ការពិសោធន៍ដល់ [ យើង ] » ហើយ « នឹងទៅជាការល្អដល់ [ យើង ] ទៅវិញ » ( គោលលទ្ធិ និង សេចក្ដីសញ្ញា ១២២:៧ ) អ្នកអាចចែកក្រដាសមួយសន្លឹកឲ្យពួកគេ ហើយសូមឲ្យពួកគេកត់ត្រាទុកការសាកល្បងមួយ ដែលពួកគេបានដកពិសោធន៍ ។ នៅលើក្រដាសម្ខាងទៀត សមាជិកក្នុងថ្នាក់អាចសរសេរពាក្យ « ការពិសោធន៍ » និង « ការល្អ » ។ នៅពេលអ្នកពិភាក្សា គោលលទ្ធិ និង សេចក្ដីសញ្ញា ១២២ រួមគ្នា សូមលើកទឹកចិត្តសមាជិកក្នុងថ្នាក់ឲ្យសរសេរគំនិតណាមួយ ដែលពួកគេមានអំពី « ទស្សនៈផ្សេងទៀត » នៃការសាកល្បងរបស់ពួកគេ ៖ « ការពិសោធន៍ » ឬ « ការល្អ » ដែលពួកគេបានទទួល ។ សិស្សក្នុងថ្នាក់មួយចំនួនអាចមានអារម្មណ៍ល្អក្នុងការចែកចាយពីរបៀប ដែលការសាកល្បងរបស់ពួកគេបានកើតឡើងសម្រាប់ការល្អរបស់ពួកគេ ។ ឬ ពួកគេអាចអានបទពិសោធន៍របស់អែលឌើរ កូអ៊ីឈី អ័រយ៉ាហ្គី នៅក្នុង « កាន់ផ្លូវឲ្យខ្ជាប់ » ( Ensign ឬ Liahona ខែ វិច្ឆិកា ឆ្នាំ ២០១៥ ទំព័រ ១២៦–១២៨ ) ។

គោលលទ្ធិ និង សេចក្ដីសញ្ញា ១២១:៣៤–៤៦

យើងត្រូវតែសុចរិតដើម្បីមាន « អំណាចទាំងឡាយនៃស្ថានសួគ៌ » ។

វាអាចគួរឲ្យចាប់អារម្មណ៍ដើម្បីប្រៀបធៀបពីរបៀបដែល « អំណាច ឬ ឥទ្ធិពល » មាននៅក្នុងពិភពលោកនេះ ជាមួយនឹងរបៀបដែលព្រះអម្ចាស់បានបង្រៀនថា អំណាច ឬឥទ្ធិពលគួរតែមាន ( សូមមើល កណ្ឌទី ១២១ ) ។ ដើម្បីជួយក្នុងការពិភាក្សានេះ អ្នកអាចគូរតារាងដែលមានជួរឈរពីរនៅលើក្ដារខៀន ដោយដាក់ឈ្មោះថា អំណាចខាងលោកិយ និង អំណាចទាំងឡាយនៃស្ថានសួគ៌ ។ សិស្សក្នុងថ្នាក់អាចបំពេញក្នុងតារាងដោយពាក្យ និងឃ្លាចេញពីគោលលទ្ធិ និង សេចក្ដីសញ្ញា ១២១:៣៤–៤៦ ។ តើខគម្ពីរទាំងនេះអាចផ្លាស់ប្ដូររបៀបដែលយើងមើលទៅការទទួលខុសត្រូវរបស់យើងក្នុងក្រុមគ្រួសាររបស់យើង ដូចជាការងារបម្រើដល់បងប្អូនប្រុសស្រី ឬក្នុងស្ថានភាពផ្សេងទៀត ជាទីដែលយើងសង្ឃឹមថាមានឥទ្ធិពលវិជ្ជមានលើមនុស្សដទៃដោយរបៀបណា ?
របៀបមួយដើម្បីពិភាក្សាពីការប្រឹក្សា និងពរជ័យដ៏អស្ចារ្យនៅក្នុង គោលលទ្ធិ និង សេចក្តីសញ្ញា ១២១:៤៥–៤៦ គឺត្រូវបែងចែកសិស្សទៅជាក្រុមៗ ហើយសូមឲ្យក្រុមនីមួយៗសិក្សា និងពិភាក្សាឃ្លាមួយមកពីខគម្ពីរទាំងនេះ ដូចជា « សូមឲ្យគុណធម៌តុបតែងគំនិតអ្នកដោយឥតឈប់ឈរឡើយ » ឬ « ដូចជាទឹកសន្សើមចុះពីលើមេឃ » ។ ពួកគេអាចរកមើលនិយមន័យពាក្យទាំងឡាយ អានបទគម្ពីរដែលទាក់ទងនៅក្នុងលេខយោង និងពិភាក្សាពីអត្ថន័យនៃឃ្លានេះដល់ពួកគេ ។ ក្រុមខ្លះអាចចង់គូររូបភាពដើម្បីបង្ហាញឃ្លារបស់ពួកគេ ។ សូមឲ្យក្រុមនីមួយៗចែកចាយដល់សិស្សក្នុងថ្នាក់នូវអ្វីដែលពួកគេបានរៀនសូត្រ ។

គោលលទ្ធិ និង សេចក្ដីសញ្ញា ១២២:៨–៩

ព្រះយេស៊ូវគ្រីស្ទបានយាងចុះទាបជាងការណ៍ទាំងអស់ ហើយពង្រឹងយើងក្នុងការសាកល្បងរបស់យើង ។

ការយល់ដឹងថា ព្រះយេស៊ូវគ្រីស្ទ « បានចុះទាបជាងការណ៍ទាំង [ អស់ ] ទៅទៀត » អាចផ្ដល់ទំនុកចិត្តដល់សិស្សក្នុងថ្នាក់ឲ្យងាកទៅរកទ្រង់ ។ បទគម្ពីរបន្ថែមទៀតទាំងនេះអាចជួយពន្យល់ពីអត្ថន័យនៃឃ្លានេះបាន ៖ អេសាយ ៥៣:៣–៤; ហេព្រើរ ២:១៧–១៨; នីហ្វៃទី១ ១១:១៦–៣៣; អាលម៉ា ៧:១១–១៣ ។ សិស្សក្នុងថ្នាក់អាចអានខគម្ពីរទាំងនេះអមជាមួយនឹង គោលលទ្ធិ និង សេចក្ដីសញ្ញា ១២២:៨ ហើយរកមើលអ្វីមួយដែលស្ថាបនាសេចក្ដីជំនឿរបស់ពួកគេថា ព្រះយេស៊ូវគ្រីស្ទអាចជួយពួកគេក្នុងការសាកល្បងរបស់ពួកគេ ។ ពួកគេក៏អាចរកឃើញការបំផុសគំនិតនៅក្នុងទំនុកតម្កើងអំពីព្រះអង្គសង្គ្រោះផងដែរ ដូចជាបទ « ខ្ញុំរកក្ដីសុខឯណា ? »( ទំនុកតម្កើង ល.រ ៣៤ ) ។
សេចក្ដីថ្លែងការណ៍នៅក្នុង « ធនធានបន្ថែមទាំងឡាយ » ផ្ដល់ការយល់ដឹងបន្ថែមទៀតអំពីរបៀបដែលព្រះអង្គសង្គ្រោះបានយាងចុះទាបជាងការណ៍ទាំងអស់ ។ អ្នកអាចគិតអំពីរបៀបមួយ ដែលអ្នកអាចបង្ហាញពីរបៀបដែលការ « ចុះទាប » ជាងរបស់ធ្ងន់មួយធ្វើឲ្យយើង « អាចឈរលើក [ វា ] បានយ៉ាងល្អឥតខ្ចោះ » ។ តើការដឹងថា ព្រះអង្គសង្គ្រោះបានយាងចុះទាបជាងការណ៍ទាំងអស់ បានជួយយើងក្នុងការសាកល្បងរបស់យើងដោយរបៀបណា ?

ព្រះយេស៊ូវជ្រាបពីការរងទុក្ខរបស់យើង ។ កុំតាមចិត្តទូលបង្គំឡើយ សូមតាមតែព្រះហឫទ័យទ្រង់វិញ ដោយវលធើរ រេន ។

ធនធានបន្ថែមទាំងឡាយ

ព្រះគ្រីស្តបានយាងចុះមកក្រោមអ្វីៗទាំងអស់ ។

ប្រធាន ដាល្លិន អេក អូក បានបង្រៀនថា « មានមនុស្សដែលកោតខ្លាចដល់ព្រះរាប់លាននាក់ ដែលអធិស្ឋានដល់ព្រះដើម្បីលើកពួកគេចេញពីសេចក្តីទុក្ខវេទនារបស់ពួកគេ ។ ព្រះអង្គសង្គ្រោះរបស់យើងបានបើកសម្ដែងថា ទ្រង់ ‹ បានយាងចុះក្រោមគ្រប់ទាំងអស់ › ( គ.&ស. ៨៨:៦ ) ។ ដូចដែលអែលឌើរ នែល អេ ម៉ាក់ស្វែល បានបង្រៀនថា ‹ ការយាង ‹ ចុះក្រោមគ្រប់ទាំងអស់ » នោះគឺទ្រង់ត្រាស់ដឹងយ៉ាងជាក់ច្បាស់ និងដោយផ្ទាល់អង្គទ្រង់ពីការរងទុក្ខពេញសព្វបែបយ៉ាងរបស់មនុស្សលោក › [ Ensign ខែ វិច្ឆិកា ឆ្នាំ ១៩៩៧ ទំព័រ ២៣ ] ។ យើងអាចថែមទាំងនិយាយបានថា ការបានយាងចុះទាបជាងការណ៍ទាំងអស់ នោះទ្រង់អាចឈរលើកយើងឡើងបានយ៉ាងល្អឥតខ្ចោះ ហើយប្រទានកម្លាំងដល់យើង ដែលយើងត្រូវការដើម្បីស៊ូទ្រាំការរងទុក្ខរបស់យើង » ( « ត្រូវបានចម្រើនកម្លាំងដោយដង្វាយធួននៃព្រះយេស៊ូវគ្រីស្ទ » Ensign ឬ Liahona ខែ វិច្ឆិកា ឆ្នាំ ២០១៥ ទំព័រ ៦៤ )។

ការកែលម្អការបង្រៀនរបស់យើង

ការហៅរបស់អ្នកត្រូវបានបំផុសគំនិត ។ ក្នុងនាមជាគ្រូបង្រៀនម្នាក់ អ្នកត្រូវបានហៅដោយព្រះអម្ចាស់ដើម្បីផ្ដល់ពរជ័យដល់បុត្រាបុត្រីរបស់ទ្រង់ ។ ទ្រង់សព្វព្រះទ័យឲ្យអ្នកជោគជ័យ ដើម្បីអ្នកអាចរស់នៅដោយស័ក្ដិសមនឹងជំនួយរបស់ទ្រង់ ដើម្បីទ្រង់នឹងប្រទានដល់អ្នកនូវវិវរណៈដែលអ្នកត្រូវការ ( សូមមើល ការបង្រៀនតាមរបៀបរបស់ព្រះអង្គសង្រ្គោះ ទំព័រ ៥ ) ។