« ថ្ងៃទី ១–៧ ខែ វិច្ឆិកា ។ គោលលទ្ធិ និង សេចក្តីសញ្ញា ១២៥–១២៨ ៖ ‹ ជាសំឡេងនៃសេចក្ដីរីករាយសម្រាប់ពួកអ្នករស់ និងពួកអ្នកស្លាប់ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ២០២១ ( ឆ្នាំ ២០២០ )

« ថ្ងៃទី ១–៧ ខែ វិច្ឆិកា ។ គោលលទ្ធិ និង សេចក្តីសញ្ញា ១២៥–១២៨ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

ពួកយើងជាមួយពួកគេ ហើយពួកគេជាមួយពួកយើង ដោយ ខេតលីន ខូនណូលី

ថ្ងៃទី ១–៧ ខែ វិច្ឆិកា

គោលលទ្ធិ និង សេចក្តីសញ្ញា ១២៥–១២៨

« ជាសំឡេងនៃសេចក្ដីរីករាយសម្រាប់ពួកអ្នករស់ និងពួកអ្នកស្លាប់ »

សូមសញ្ជឹងគិតពីពាក្យពេចន៍ទាំងនេះដោយអែលឌើរ អូលីសេស សូរ៉េស ៖ « គ្រូបង្រៀនដ៏ល្អបំផុតនោះគឺការធ្វើជាគំរូល្អ ។ ការបង្រៀនអ្វីមួយដែលយើងពិតជាបានរស់នៅតាម អាចធ្វើឲ្យមានការផ្លាស់ប្តូរក្នុងចិត្តនៃអ្នកដែលយើងបង្រៀន » ( « តើខ្ញុំអាចយល់យ៉ាងដូចម្ដេច ? » Ensign ឬ Liahona ខែ ឧសភា ឆ្នាំ ២០១៩ ទំព័រ ៧ ) ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

សិស្សក្នុងថ្នាក់អាចសរសេរឃ្លានៅលើក្ដារខៀនមកពី គោលលទ្ធិ និង សេចក្ដីសញ្ញា ១២៥–១២៨ ដែលបានបំផុសគំនិតពួកគេ ។ សូមឲ្យពួកគេចែកចាយគំនិតរបស់ពួកគេអំពីឃ្លាទាំងនោះ ។ តើការសិក្សាសេចក្ដីពិតទាំងនេះបានមានឥទ្ធិពលលើសកម្មភាពរបស់ពួកគេយ៉ាងដូចម្ដេចក្នុងសប្តាហ៍នេះ ?

បង្រៀនគោលលទ្ធិ

គោលលទ្ធិ និង សេចក្តីសញ្ញា ១២៦

« ថែទាំគ្រួសាររបស់អ្នកឲ្យបានស្រួលបួល » ។

ការហៅបម្រើដែល ព្រិកហាំ យ៉ង់បានទទួលដើម្បីបម្រើនៅក្នុងសាសនាចក្រ បានតម្រូវឲ្យលោក និងគ្រួសាររបស់លោកធ្វើការលះបង់យ៉ាងធំ ព្រះបន្ទូលរបស់ព្រះអម្ចាស់ទៅកាន់ព្រិកហាំនៅក្នុងកណ្ឌទី ១២៦ អាចបំផុសគំនិតដល់ការពិភាក្សាក្នុងថ្នាក់ អំពីមូលហេតុដែលពេលខ្លះព្រះអម្ចាស់តម្រូវឲ្យមានការលះបង់នៅក្នុងការបម្រើរបស់យើង ។ តើព្រះអម្ចាស់បានជួយយើងឲ្យបំពេញតាមការទទួលខុសត្រូវរបស់យើងនៅផ្ទះ នៅក្នុងការហៅបម្រើក្នុងសាសនាចក្រ និងក្នុងផ្នែកផ្សេងទៀតនៃជីវិតនេះដោយរបៀបណា ?

គោលលទ្ធិ និង សេចក្ដីសញ្ញា ១២៧:២–៤

យើងអាចពឹងផ្អែកលើព្រះអម្ចាស់ អំឡុងពេលពិបាកៗបាន ។

តើ គោលលទ្ធិ និង សេចក្តីសញ្ញា ១២៧:២–៤ អាចជួយសមាជិកក្នុងថ្នាក់ ដែលមានអារម្មណ៍ថា ពួកគេកំពុងហែលឆ្លងកាត់ « ទឹកដ៏ជ្រៅ » ដូចជាយ៉ូសែប ស្ម៊ីធ ដោយរបៀបណា ? អ្នកអាចអញ្ជើញសិស្សក្នុងថ្នាក់ឲ្យអានខគម្ពីរទាំងនេះ ហើយចែកចាយពីរបៀបដែលពួកគេនឹងសង្ខេបលក្ខណៈសម្បត្តិរបស់យ៉ូសែបចំពោះឧបសគ្គរបស់លោក ។ តើឃ្លាណាមកពីខគម្ពីរនេះដែលជួយនរណាម្នាក់ដែលកំពុងពិបាកបាន ? តើយ៉ូសែបបានពឹងផ្អែកលើព្រះអម្ចាស់ អំឡុងពេលពិបាកៗដោយរបៀបណា ? តើយើងអាចធ្វើតាមគំរូរបស់លោកយ៉ាងដូចម្ដេច ?

គោលលទ្ធិ និង សេចក្តីសញ្ញា ១២៨

សេចក្ដីសង្គ្រោះរបស់បុព្វការីជនយើងគឺសំខាន់ចាំបាច់ចំពោះសេចក្ដីសង្គ្រោះរបស់យើង ។

សូមពិចារណាអំពីរបៀបដែលអ្នកអាចបំផុសគំនិតដល់សមាជិកក្នុងថ្នាក់ ឲ្យចូលរួមក្នុងព្រះវិហារបរិសុទ្ធ និងកិច្ចការពង្សប្រវត្តិ ។ គោលលទ្ធិ និង សេចក្តីសញ្ញា ១២៨:១៥–១៨ អាចជួយពួកគេឲ្យមានអារម្មណ៍ពីភាពបន្ទាន់នៃកិច្ចការនេះ អ្នកអាចអញ្ជើញពួកគេឲ្យស្រាវជ្រាវខគម្ពីរទាំងនេះ រកមើលអ្វីមួយដែលបង្កើនបំណងប្រាថ្នារបស់ពួកគេឲ្យធ្វើពិធីបុណ្យជ្រមុជទឹកសម្រាប់បុព្វការីជនដែលបានស្លាប់ទៅរបស់ពួកគេ ។ សំណួរដូចជាសំណួរទាំងនេះអាចជួយពួកគេឲ្យសញ្ជឹងគិតអំពីខគម្ពីរទាំងនេះ ៖ ហេតុអ្វីបានជា « យើងក៏ពុំអាចបានល្អឥតខ្ចោះ ក្រៅពីមនុស្សស្លាប់របស់យើង » ? ( ខទី ១៥ ) ។ ហេតុអ្វីយ៉ូសែប ស្ម៊ីធ ហៅពិធីបុណ្យជ្រមុជទឹកសម្រាប់មនុស្សស្លាប់ថាជា « កម្មវត្ថុដ៏រុងរឿងបំផុត ដែលជារបស់នៃដំណឹងល្អដ៏នៅអស់កល្បអស់កាលជានិច្ច » ? ( ខទី ១៧; សូមមើលផងដែរសម្ដីដកស្រង់នៅក្នុង « ធនធានបន្ថែមទាំងឡាយ » ) ។ តើក្នុងន័យណា ដែលផែនដីនេះអាចត្រូវបណ្ដាសា ប្រសិនបើគ្មាន « ចំណងភ្ជាប់យ៉ាងណា…រវាងពួកឪពុកនឹងកូនៗ » ? ( ខទី ១៨ ) ។ ប្រសិនបើសិស្សក្នុងថ្នាក់ត្រូវការជំនួយដើម្បីចាប់ផ្ដើមជាមួយនឹងកិច្ចការពង្សប្រវត្តិ អ្នកអាចអញ្ជើញអ្នកដឹកនាំផ្នែកព្រះវិហារបរិសុទ្ធ និងពង្សប្រវត្តិប្រចាំវួដណែនាំពួកគេទៅរកគេហទំព័រ FamilySearch.org ។

អ្នកក៏អាចបំផុសគំនិតពួកគេដោយខគម្ពីរ ដែលបង្ហាញពីអំណរនៃកិច្ចការព្រះវិហារបរិសុទ្ធ និងពង្សប្រវត្តិ ដូចជា គោលលទ្ធិ និង សេចក្តីសញ្ញា ១២៨:១៩–២៣ ។ សិស្សក្នុងថ្នាក់អាចអានខគម្ពីរទាំងនេះ ហើយរកមើលឃ្លាដែលបង្ហាញពីរបៀបដែលយ៉ូសែប ស្ម៊ីធ បានមានអារម្មណ៍អំពីសេចក្ដីសង្គ្រោះដល់មនុស្សស្លាប់ ។ រួចហើយ អ្នកអាចសុំឲ្យពួកគេចែកចាយបទពិសោធន៍ នៅពេលពួកគេបានមានអារម្មណ៍ស្រដៀងគ្នាអំពីកិច្ចការនេះ ។ ការបង្ហាញវីដេអូមួយនៅក្នុង « ធនធានបន្ថែមទាំងឡាយ » ក៏អាចផ្ដល់ការលើកទឹកចិត្តដល់ពួកគេផងដែរ ។
ដោយសារសេចក្ដីសង្គ្រោះដល់មនុស្សស្លាប់គឺពិសេសចំពោះសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ យើងអាចមានឱកាសដើម្បីពន្យល់អំពីគោលលទ្ធិនេះដល់មនុស្សដែលមិនដែលបានឮពីវាពីមុនមក ។ សិស្សក្នុងថ្នាក់អាចអាន គោលលទ្ធិ និង សេចក្ដីសញ្ញា ១២៨ រកមើលអ្វីមួយ ដែលពួកគេអាចចែកចាយនៅក្នុងការសន្ទនាមួយជាមួយនឹងនរណាម្នាក់ ដែលសួរអំពីពិធីបុណ្យជ្រមុជទឹកសម្រាប់មនុស្សស្លាប់ ។ តើគោលលទ្ធិនេះបង្រៀនយើងអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ? សូមឲ្យសមាជិកក្នុងថ្នាក់អនុវត្តអ្វីដែលពួកគេនឹងនិយាយ ។

ការធ្វើការបម្រើក្នុងព្រះវិហារបរិសុទ្ធសម្រាប់បុព្វការីជនរបស់យើងចងដួងចិត្តរបស់យើងទៅនឹងពួកគាត់ ។

ធនធានបន្ថែមទាំងឡាយ

វីដេអូអំពីកិច្ចការពង្សប្រវត្តិ ( នៅលើគេហទំព័រ ChurchofJesusChrist.org ) ។

« I Couldn’t Explain the Feeling »

« If We Put God First »

« Redeeming the Dead Redeemed Me »

« A Visit from Father »

« Connected to Eternal Families »

« Gatherers in the Kingdom »

« Including Me »

« Is Anything Too Hard for the Lord? »

« A Glorious and Wonderful Provision » ។

ប្រធាន ហ្គរដុន ប៊ី ហ៊ិងគ្លី បានថ្លែង ៖

« ដង្វាយធួនរបស់ព្រះយេស៊ូវជំនួសឲ្យមនុស្សទាំងអស់ តំណាងឲ្យពលិកម្មជំនួសដ៏អស្ចារ្យ ។ ទ្រង់បានដាក់ជាគន្លង ដែលទ្រង់បានក្លាយជាអង្គជំនួសឲ្យមនុស្សជាតិទាំងអស់ ។ គន្លងនេះដែលអនុញ្ញាតឲ្យបុរសម្នាក់អាចធ្វើសកម្មភាពជំនួសឲ្យមនុស្សម្នាក់ទៀត ត្រូវបាននាំយកទៅក្នុងពិធីបរិសុទ្ធក្នុងព្រះដំណាក់នៃព្រះអម្ចាស់ ។ នៅទីនេះ យើងបម្រើជំនួសអស់អ្នកដែលបានស្លាប់ទៅដោយមិនមានចំណេះដឹងអំពីដំណឹងល្អ ។ ពួកគេមានជម្រើសដើម្បីទទួលយក ឬបដិសេធពិធីបរិសុទ្ធដែលបានធ្វើឡើងនោះ ។ ពួកគេស្ថិតនៅក្នុងកន្លែងដែលមានសិទ្ធិស្មើនឹងអស់អ្នកដែលរស់នៅលើផែនដីដែរ ។ មនុស្សស្លាប់ទទួលបានឱកាសដូចគ្នានឹងអ្នកនៅរស់ដែរ ។ ជាថ្មីម្ដងទៀត ឱ នេះជាលក្ខខណ្ឌដ៏រុងរឿង និងអស្ចារ្យអ្វីម្ល៉េះ ដែលព្រះដ៏មានមហិទ្ធិឬទ្ធិបានធ្វើឡើងតាមរយៈវិវរណៈរបស់ទ្រង់ទៅកាន់ព្យាការីរបស់ទ្រង់ » ( « The Great Things Which God Has Revealed » Ensign ឬ Liahona ខែ ឧសភា ឆ្នាំ ២០០៥ ទំព័័រ ៨២–៨៣ ) ។

ការកែលម្អការបង្រៀនរបស់យើង

សូមអធិស្ឋានសម្រាប់សិស្សរបស់អ្នក ។ សូមអធិស្ឋានហៅឈ្មោះអស់អ្នកដែលអ្នកបង្រៀន ហើយខិតខំយល់ពីតម្រូវការពិសេសរបស់ពួកគេ ។ នៅពេលអ្នកធ្វើដូច្នោះ ព្រះវរបិតាសួគ៌អាចជួយអ្នកឲ្យដឹងអំពីអ្វីដែលត្រូវបង្រៀន ដើម្បីជួយបំពេញតាមតម្រូវការទាំងនោះ ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ៦ ) ។