« ថ្ងៃទី ២២–២៨ ខែ វិច្ឆិកា ។ គោលលទ្ធិ និង សេចក្តីសញ្ញា ១៣៥–១៣៦ ៖ ‹ លោក « បានបិទត្រាបេសកកម្មរបស់លោក និងកិច្ចការរបស់លោកដោយលោហិតរបស់លោកផ្ទាល់ » › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ២០២១ ( ឆ្នាំ ២០២០ )
« ថ្ងៃទី ២២–២៨ ខែ វិច្ឆិកា ។ គោលលទ្ធិ និង សេចក្តីសញ្ញា ១៣៥–១៣៦ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១
គុកកាតធេច
ថ្ងៃទី ២២–២៨ ខែ វិច្ឆិកា
គោលលទ្ធិ និង សេចក្តីសញ្ញា ១៣៥–១៣៦
លោក « បានបិទត្រាបេសកកម្មរបស់លោក និងកិច្ចការរបស់លោកដោយលោហិតរបស់លោកផ្ទាល់ »
កាលអ្នកអាន កណ្ឌទី ១៣៥–១៣៦ ព្រះវិញ្ញាណបរិសុទ្ធអាចប្រទានដល់អ្នកនូវការយល់ដឹង ដែលអាចមានប្រយោជន៍ដល់សមាជិកក្នុងថ្នាក់របស់អ្នក ។ គំនិតនៅក្នុងគម្រោងមេរៀននេះក៏អាចបំផុសគំនិតឲ្យអ្នកអាចប្រើប្រាស់បានដែរ នៅពេលអ្នកបង្រៀន ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
នេះគឺជារបៀបមួយដើម្បីអញ្ជើញសមាជិកក្នុងថ្នាក់ឲ្យចែកចាយគំនិតរបស់ពួកគេអំពីកណ្ឌទី ១៣៥–១៣៦ ។ សូមអញ្ជើញពួកគេឲ្យស្រមៃថា ពួកគេអាចនិយាយនឹងសមាជិកសាសនាចក្រម្នាក់មកពីឆ្នាំ ១៨៤៤ នរណាម្នាក់ដែលពិបាកចិត្តយ៉ាងខ្លាំងដោយសារការស្លាប់របស់យ៉ូសែប ស្ម៊ីធ ហើយបានព្រួយបារម្ភអំពីអត្ថន័យនេះសម្រាប់សាសនាចក្រ ។ តើយើងអាចចែកចាយអ្វីខ្លះមកពីកណ្ឌទាំងនេះ ដែលអាចជួយបុគ្គលនេះ ?
បង្រៀនគោលលទ្ធិ
គោលលទ្ធិ និងសេចក្ដីសញ្ញា ១៣៥; ១៣៦:៣៧–៣៩
យ៉ូសែប និង ហៃរុម ស្ម៊ីធ បានបិទត្រាទីបន្ទាល់របស់ពួកគេជាមួយនឹងឈាមរបស់ពួកលោក ។
-
តើពលិកម្មរបស់យ៉ូសែប និង ហៃរុម ស្ម៊ីធបាន « បិទត្រា » ទីបន្ទាល់របស់ពួកលោកដោយរបៀបណា ? ប្រហែលជាសិស្សក្នុងថ្នាក់អាចពិចារណាពីសំណួរនេះ នៅពេលពួកគេរំឭក គោលលទ្ធិ និងសេចក្ដីសញ្ញា ១៣៥; ១៣៦:៣៧–៣៩ ។ បន្ទាប់មក ពួកគេអាចចែកចាយការយល់ដឹងនានាដែលពួកគេទទួលបាន ។ ពួកគេក៏អាចចែកចាយពីអារម្មណ៍របស់គេអំពីឆន្ទៈរបស់យ៉ូសែប និងរបស់ហៃរុមក្នុងការពលីជីវិតរបស់ពួកលោកដើម្បីសេចក្ដីពិត ។ ខណៈយើងមិនអាចត្រូវគេសូមឲ្យស្លាប់សម្រាប់សេចក្ដីពិតនេះ តើជីវិតរបស់យើងអាចដូចជា « ការបិទត្រា » មួយសម្រាប់ទីបន្ទាល់របស់យើងយ៉ាងដូចម្ដេច ?
គោលលទ្ធិ និង សេចក្ដីសញ្ញា ១៣៥:៣
យ៉ូសែប ស្ម៊ីធ បានធ្វើកិច្ចការជាច្រើនសម្រាប់សេចក្ដីសង្គ្រោះរបស់យើង ជាងនរណាផ្សេងទៀតលើកលែងតែព្រះយេស៊ូវគ្រីស្ទ ។
-
តើអ្នកអាចជួយសមាជិកក្នុងថ្នាក់ឲ្យយល់ពីអ្វីដែលយ៉ូសែប ស្ម៊ីធ បានធ្វើសម្រាប់សេចក្ដីសង្គ្រោះរបស់ពួកគេដោយរបៀបណា ? អ្នកអាចសរសេរនៅលើក្តារខៀនថា ដោយសារតែអ្វីដែលព្រះអម្ចាស់បានបើកសម្ដែងតាមរយៈយ៉ូសែប ស្ម៊ីធ នោះខ្ញុំ … រួចហើយអញ្ជើញសិស្សក្នុងថ្នាក់ឲ្យគិតពីរបៀបដើម្បីបំពេញប្រយោគនេះ ។ ពួកគេអាចចាប់ផ្ដើមដោយការស្រាវជ្រាវក្នុង គោលលទ្ធិ និង សេចក្ដីសញ្ញា ១៣៥:៣ រកមើលអ្វីៗដែលយ៉ូសែប ស្ម៊ីធ បានធ្វើដើម្បីជួយយើងឲ្យទទួលបានសេចក្ដីសង្គ្រោះ ។ សូមពិចារណាសុំឲ្យសិស្សក្នុងថ្នាក់ចែកចាយអារម្មណ៍របស់ពួកគេអំពីយ៉ូសែប ស្ម៊ីធ និងអ្វីដែលព្រះអម្ចាស់បានបើកសម្ដែងតាមរយៈលោក ។
-
របៀបមួយទៀតដើម្បីជួយសមាជិកក្នុងថ្នាក់ឲ្យគិតអំពីបេសកកម្មរបស់យ៉ូសែប ស្ម៊ីធ គឺការអញ្ជើញពួកគេឲ្យសរសេរសំបុត្រមរណភាព ឬសំបុត្រសរសើរលាគ្នាខ្លីមួយសម្រាប់លោក ។ អ្នកគួរតែពិភាក្សាពីព្រឹត្តិការណ៍ ឬការសម្រេចបានដ៏សំខាន់ៗនានាក្នុងជីវិតរបស់លោក ដែលពួកគេអាចដាក់បញ្ចូលបាន ។ តើពួកគេរកឃើញអ្វីខ្លះនៅក្នុង គោលលទ្ធិ និង សេចក្តីសញ្ញា ១៣៥ ដែលពួកគេអាចលើកឡើងបាន ? តើពួកគេអាចនិយាយអ្វីខ្លះនៅក្នុងសំបុត្រលាគ្នារបស់ពួកគេ ដើម្បីជួយមនុស្សដទៃឲ្យពង្រឹងសេចក្ដីជំនឿរបស់ពួកគេលើបេសកកម្មដ៏ទេវភាពរបស់យ៉ូសែប ស្ម៊ីធ ?
-
សេចក្ដីពិតជាច្រើនអំពីព្រះយេស៊ូវគ្រីស្ទ និងដង្វាយធួនរបស់ទ្រង់ត្រូវបានបើកសម្ដែងតាមរយៈ យ៉ូសែប ស្ម៊ីធ—សេចក្ដីពិតដែលបានរួមចំណែកដល់សេចក្ដីសង្គ្រោះរបស់បុរស និងស្ដ្រីគ្រប់រូប ។ ដើម្បីជួយសមាជិកក្នុងថ្នាក់ឲ្យស្គាល់ពីការរួមចំណែកទាំងនេះ អ្នកអាចបង្ហាញរូបភាពព្រះយេស៊ូវគ្រីស្ទមួយ ហើយសូមឲ្យសមាជិកក្នុងថ្នាក់ពីរបីនាក់ចែកចាយខគម្ពីរចំណូលចិត្តមួយអំពីព្រះយេស៊ូវគ្រីស្ទ ចេញពីបទគម្ពីរដែលបានបើកបង្ហាញតាមរយៈយ៉ូសែប ស្ម៊ីធ ៖ ព្រះគម្ពីរមរមន គម្ពីរគោលលទ្ធិ និង សេចក្តីសញ្ញា និងគម្ពីរមុក្តាដ៏មានតម្លៃមហិមា ។ តើបទគម្ពីរទាំងនេះជួយយើងឲ្យយល់ និងខិតទៅកាន់តែជិតនឹងព្រះអង្គសង្គ្រោះតាមរបៀបណា ? តើសេចក្ដីពិតនៅក្នុងខគម្ពីរទាំងនេះរួមចំណែកដល់សេចក្ដីសង្គ្រោះរបស់យើងយ៉ាងដូចម្ដេច ?
យើងអាចសម្រេចបានព្រះទ័យរបស់ព្រះអម្ចាស់ នៅពេលយើងធ្វើតាមការប្រឹក្សារបស់ទ្រង់ ។
-
គម្រោងមេរៀនប្រចាំសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ផ្តល់យោបល់ថា សមាជិកក្នុងថ្នាក់គួរតែប្រឹក្សានៅក្នុង គោលលទ្ធិ និង សេចក្តីសញ្ញា ១៣៦ ដែលអាចជួយពួកគេឲ្យបង្វែរការសាកល្បងមួយទៅជាបទពិសោធន៍ខាងវិញ្ញាណមួយ ។ អ្នកអាចសូមឲ្យសិស្សចែកចាយការប្រឹក្សាណាដែលពួកគេបានរកឃើញ ។ អ្នកក៏អាចសូមឲ្យពួកគេសិក្សាកណ្ឌនេះ រកមើលការប្រឹក្សាដែលអាចជួយយើងឲ្យសម្រេចបានតាមព្រះទ័យរបស់ព្រះអម្ចាស់នៅជំនាន់របស់យើង គឺដូចជាវាបានជួយពួកបរិសុទ្ធនៅក្នុង « ដំណើររបស់ពួកគេទៅទិសខាងលិច » ( ខទី ១ ) ដែរ ។
ទីក្រុងវិនធើរ ខ្វរធើរ ដោយ ហ្គ្រិក អូលសិន
-
វាអាចជារឿងសប្បាយរីករាយសម្រាប់សិស្សរបស់អ្នកដើម្បីធ្វើជាបដាមួយ ដូចជាអ្វីដែលមាននៅក្នុងទស្សនាវដ្ដីសាសនាចក្រអំពីខគម្ពីរមួយនៅក្នុង កណ្ឌទី ១៣៦ ។ ដោយធ្វើការជាដៃគូ ឬជាបុគ្គល សមាជិកក្នុងថ្នាក់អាចចាប់ផ្ដើមដោយការសិក្សាខគម្ពីររកមើលសេចក្ដីពិតមួយ ដែលពួកគេចាប់អារម្មណ៍ ។ រួចហើយពួកគេអាចបង្កើតជាបដាសាមញ្ញមួយ ដែលបង្ហាញពីរបៀបដែលសេចក្ដីពិតនេះ ដែលបានបង្រៀននៅក្នុងឆ្នាំ ១៨៤៧ នៅតែអាចជួយយើងបាននាសព្វថ្ងៃនេះ ។
ធនធានបន្ថែមទាំងឡាយ
តន្ត្រីដែលទាក់ទង
ការច្រៀងទំនុកតម្កើងខាងក្រោមនេះ ឬការមើលវីដេអូអាចយាងព្រះវិញ្ញាណបរិសុទ្ធ ឬបំផុសគំនិតឲ្យមានការពិភាក្សាមួយអំពីកិច្ចការរបស់ព្យាការី យ៉ូសែប ស្ម៊ីធ និងពលិកម្មរបស់ពួកបរិសុទ្ធដែលបានបន្ដបន្ទាប់ពីលោក ។
« អ្នកធ្វើដំណើរដ៏ក្រតោកយ៉ាក » ( ទំនុកតម្កើង ល.រ ១៧ ) ។ ខណៈនៅក្នុងគុកកាតធេច យ៉ូសែប ស្ម៊ីធ បានសូមយ៉ូហាន ថេលើរ ឲ្យច្រៀងបទនេះ ។
« សរសើរដល់លោក » ( ទំនុកតម្កើង ល.រ ១៦, វីដេអូនៅលើគេហទំព័រ www.thetabernaclechoir.org/videos/praise-to-the-man-mormon-tabernacle-choir ) ។ ទំនុកបទនៃទំនុកតម្កើងនេះត្រូវបានសរសេរទុកជាការឧទ្ទិសដល់ យ៉ូសែប ស្ម៊ីធ ។
« មក មក ពួកបរិសុទ្ធ » ( ទំនុកតម្កើង ល.រ ១៨, វីដេអូនៅលើគេហទំព័រ www.thetabernaclechoir.org/videos/come-come-ye-saints-mormon-tabernacle-choir ) ។
« Faith in Every Footstep » ( វីដេអូ នៅលើគេហទំព័រ www.thetabernaclechoir.org/videos/faith-in-every-footstep ) ។
ការកែលម្អការបង្រៀនរបស់យើង
ថ្លែងទីបន្ទាល់អំពីគោលលទ្ធិពិត ។ អ្នកអាចចែកចាយទីបន្ទាល់របស់អ្នកអំពីសេចក្ដីពិតខាងគោលលទ្ធិពេញមួយមេរៀននេះ មិនមែនតែនៅចុងបញ្ចប់ទេ ។ នៅពេលអ្នកធ្វើដូច្នោះ នោះព្រះវិញ្ញាណបរិសុទ្ធនឹងបញ្ជាក់សេចក្ដីពិតនៃគោលលទ្ធិនៅក្នុងដួងចិត្តនៃអ្នកទាំងឡាយដែលអ្នកបង្រៀន ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះទំព័រ ២១