Kim, Taaqehin
21–27 enero. Jwan 1: Xqataw li Mesias


"21–27 enero. Jwan 1: Xqataw li Mesias," Kim, Taaqehin—Choq’ re li Dominkil Tzoleb’aal: Li Ak’ Chaq’rab’ 2019 (2019)

"21–27 enero. Jwan 1," Kim, Taaqehin—Choq’ re li Dominkil Tzoleb’aal: 2019

Jalam-uuch
jun li ixq li yoo chixwotzb’al li evangelio sa’ jun li terminal

21–27 enero

Jwan 1

Xqataw li Mesias

Naq toj maji’ nakawil xkomoneb’ chik li hu, il ut k’oxla Jwan 1 ut tz’iib’a li musiq’ejil na’leb’ nakak’ul. A’in tixk’e xb’oqb’al li Musiq’ej naq yookat chixkawresinkil aawib’. Li hu Kim, Taaqehin—Choq’ reheb’ li komon ut li junkab’al ut li k’a’ru tz’iib’anb’il arin naru nakatxtenq’a chixwaklesinkileb’ xch’ool li komon sa’ laa tzoleb’aal re te’xtaw ru ut te’xyu’ami li na’leb’ sa’ li ch’ol a’in.

Xtz’iib’ankil li nakak’oxla

Jalam-uuch
reetalil li wotzok

Xkanab’ankileb’ chi wotzok

Re xtenq’ankileb’ li komon chixwotzb’al li k’a’ru yookeb’ chixtzolb’al, naru taapatz’ reheb’ naq te’xtz’iib’a chiru kok’ hu li patz’om, li aatin, malaj li na’leb’ chirix li k’a’ru xe’ril, ut te’xk’e sa’ jun li k’uleb’aal. Isiheb’ chaq li kok’ hu sa’ li k’uleb’aal re tex’aatinaq chirix jo’ tzoleb’aal.

Jalam-uuch
reetalil li k’utuk

Xk’utb’al li tzolʼlebʼ

Jwan 1:1–5

Li Jesukristo kiwan "saʼ xtiklajik rikʼin li Dios."

  • Laj Jwan kixtikib’ lix ch’olob’ahom chirix li Kristo rik’in xyeeb’al xyaalal lix k’anjel li Kolonel naq maji’ nayo’la. K’a’ru kixk’ut laj Jwan chirix li Kristo naq maji’ nayo’la? K’a’ut naq aajel ru xnawb’al chirix lix k’anjel li Kristo naq maji’ nayo’la? Maare us xtz’iib’ankileb’ li patz’om a’in chiru li pizarron, ut taapatz’ reheb’ li komon naq te’xsik’ xsumenkil sa’ Jwan 1:1–5 (chi’ilmanq ajwi’ li jaltesinb’il ru xb’aan laj Jose Smith sa’ JJS Jwan 1:1–5) ut sa’ lix yehom laj James E. Talmage sa’ "Xkomon chik li k’anjeleb’aal." K’a’ chik ru chi raqal sa’eb’ li loq’laj hu te’ruuq chixwotzb’al li komon li neke’aatinak chirix li Kristo naq maji’ nayo’la? (Re xtawb’al, chi’ilmanq "Jesukristo, Xwanjik li Kristo rub’elaj li yu’am a’in" sa’ li K’utul Raqal reheb’ li Loq’laj Hu.) Taaruuq teenumsi sa’ komonil Li Yo’yookil Kristo: Lix Ch’olob’ahomeb’ li Apostol” (Liahona, abril 2000, 2).

  • Wi teeraj roksinkileb’ li jar raqal a’in re aatinak chirix li k’a’ru kixyo’ob’tesi li Qaawa’, taaruuq teeril sa’ Jwan 1:3 ut taak’uteb’ li jalam-uuch li nak’utun wi’ xch’ina-usal li ruchich’och’. Taaruuq ajwi’ taak’ut li video "Our Home" (LDS.org/topics/environmental-stewardship-and-conservation). B’oqeb’ li komon sa’ li tzoleb’aal chixwotzb’al chan ru naq li k’a’ru yo’ob’tesinb’il xb’aan li Kolonel naxtenq’aheb’ chireek’ankil lix rahom.

Jwan 1:1–14

Li Jesukristo a’an li Saqenk.

  • Li saqen li naru na’ilman naru nokoxtenq’a chixtawb’al ru li musiq’ejil saqen. Chan ru naq tatruuq chixk’utb’al li eetalil a’in chiru laa tzoleb’aal? Taaruuq raj taachupeb’ li saqen sa’ li wankat wi’, ut taak’ut jun li ch’ina saqen re xk’utb’al chan ru naq jalan wi’ li saqen rik’in li q’ojyin. Chirix a’an, patz’ reheb’ li komon naq te’xtaw li junjunq sut nayeeman wi’ li aatin saqenk sa’ Jwan 1:1–14, ut patz’ reheb’ naq te’xwotz chan ru naq li Kolonel ut lix evangelio naxk’e musiq’ejil saqen sa’ xyu’ameb’. Chan ru naq eb’ li komon sa’ laa tzoleb’aal xe’xk’ul lix saqen? Jo’ jun raqal re li seraq’ a’in, taaruuq taaye reheb’ naq te’ril chik chirix lix Saqen li Kristo sa’ Tzol’leb’ ut Sumwank 84:45–46; 88:11–13, malaj taaruuq taaye naq te’ril "Saqen, Lix Saqen li Kristo" sa’ li K’utul Raqal reheb’ li Loq’laj Hu. Chan ru naq naru toowanq choq’ saqen chiru li ruchich’och’?

    Jalam-uuch
    xsaqenkil li saq’e chirixeb’ li pek chire palaw

    Li Kolonel ut lix evangelio neke’xk’e li musiq’ejil saqen.

  • Rik’in naq Jwan 1:1–14 kitz’iib’aman rik’in eetalil aatin, wan naq ch’a’aj xtawb’al ru. Jun na’leb’ re naq eb’ li komon te’xtaw ru lix ch’olob’ahom laj Jwan, a’an naq te’xtz’iib’a resil li junjunq chi aatin li neke’yeeman k’iila sut, ut te’xye k’a’ru naxk’ut li junjunq chi aatin chirix li Kolonel.

  • A’in jun li na’leb’ re naq eb’ li komon te’xk’oxla li jar raqal a’in: K’ut junjunq li jalam-uuch (jo’ li jun li wan sa’ li tusleb’ aatin re li xamaan a’in sa’ Kim, Taaqehin—Choq’ reheb’ li komon ut li junkab’al) li neke’xk’ut resil lix yu’am li Jesukristo ut lix choxahil k’anjel. Ye reheb’ li komon naq te’xtz’il rix Jwan 1:1–14, ut te’xsik’eb’ li aatin malaj li raqal chi aatin li te’ruuq chixyeeb’al xyaalal li junjunq chi jalam-uuch.

Jwan 1:35–51

Naru naqataw xnawom qach’ool chirix li Kolonel, ut chirix a’an taqaye re li jun ch’ol chik, "kimqex ut toxeeril."

  • Sa’ Jwan 1, nak’utun wiib’ sut li b’oq’ok, "kimqex ut toxeeril" (che’ilmanq li raqal 39, 46). Laa’o maare ink’a’ taqil li Kolonel sa’ li tz’ejwalej jo’ ke’ril laj Andres ut laj Natanael, a’b’an naru taqak’ul li b’oqok a’in. Naru taapatz’ reheb’ li komon sa’ li tzoleb’aal k’a’ru naraj naxye "kim ut toxaawil" sa’ li kutan a’in jo’ neke’xk’oxla, ut naq te’xwotz li k’a’ru xe’xk’ul a’an sa’ xtawb’al xnawomeb’ xch’ool chirix li Kolonel.

  • Re xtikib’ankil li aatinak chirixeb’ li raqal a’in, k’oxla xpatz’b’al reheb’ li komon naq te’xye resil chan ru naq xe’xk’ut lix evangelio li Jesukristo chiruheb’ li ras riitz’ineb’. Ani aj-e xe’xk’e li b’oqok, "kimqat ut toxaawil"? K’a’ru naqatzol rik’in laj Andres ut laj Felipe chirix xwotzb’al lix nawom qach’ool chirix li Kristo?

  • Wan naq eb’ li komon ink’a’ neke’xwotz li evangelio xb’aan naq neke’xtaw naq ch’a’aj malaj naq xiwxiw xb’aanunkil. Li aatin sa’ Jwan 1:35–51 naxk’ut naq naru naq moko ch’a’aj ta xwotzb’al li evangelio. Naru taapatz’ reheb’ li komon naq te’rileb’ li raqal a’in, ut te’aatinaq chirix chan ru te’ruuq chiroksinkil re xtenq’ankil li ani naxxuwa xwotzb’al li evangelio. Taaruuq te’roksi li raatin li Elder Neil L. Andersen sa’ "Xkomon chik li k’anjeleb’aal" re xtawb’al xna’leb’eb’. (Chi’ilmanq ajwi’ li video "Cosas buenas para compartir" sa’ LDS.org.)

Jalam-uuch
reetalil li tzolok

Xb’oqb’aleb’ chi tzolok sa’ kab’l

Re xtenq’ankileb’ li komon sa’ li tzoleb’aal chixtzolb’al Mateo 3, Markos 1, ut Lukas 3, naru taaye reheb’ naq te’xk’oxla ani te’raj xtenq’ankil chi chalk rik’in li Kristo. Ye reheb’ naq sa’eb’ li jar ch’ol a’in te’ril resil jun profeet li kiwan choq’ xk’anjel xkawresinkileb’ li tenamit chixk’ulb’al li Kolonel.

Jalam-uuch
reetalil li k’anjeleb’aal

Xkomon chik li k’anjeleb’aal

Jwan 1

Li Jesukristo kiwan sa’ xtiklajik rik’in li Yuwa’b’ej.

Li Elder James E. Talmage kixk’ut: "K’utb’il xyaalal naq li Aatin a’an li Jesukristo, li kiwan chaq rik’in li Yuwa’b’ej sa’ xtiklajik, ut li kixk’ul xwankil ut xk’ab’a’il li Diosilal, ut naq a’an kichal sa’ ruchich’och’ ut kiwan sa’ xyanqeb’ li winq. Li yehom a’in ch’olob’anb’il ajwi’ sa’ jun li k’utb’esinb’il na’leb’ k’eeb’il re laj Moises, sa’ li kiril wi’ xk’ihal lix yo’ob’tesihom li Dios, ut kirab’i lix yaab’ xkux li Yuwa’b’ej chirix li k’a’aq re ru kiyiib’aman chaq: "Ut rik’in li aatin re lin wankilal keb’inyo’ob’tesi, a’an li Walal Junaj Chirib’il, li nujenaq chi usilal ut chi yaal" [Moises 1:32, 33]" (Jesús el Cristo, 12).

Naru naqak’e xb’oqb’aleb’ li jun ch’ol chik naq "te’chalq ut toxe’ril."

Li Elder Neil L. Andersen kixk’ut:

"Li Kolonel kixk’ut chiqu chan ru xwotzb’al li evangelio. Nawulak chiwu li resil laj Andres, li kixpatz’, "Rabbi, b’ar nakathilank?" [Jwan 1:38]. Li Jesus kiru raj chixyeeb’al resil b’ar li na’ajej nahilan wi’. A’b’anan kixye re laj Andres, "Kimqex ut toxeeril" [Jwan 1:39]. Nawulak chiwu xk’oxlankil naq li Kolonel yoo chixyeeb’al, "Kimqex ut toxeeril, ink’a’ ka’ajwi’ b’ar ninwan, chan ru b’an naq ninwan. Kimqex ut toxeeril anihin laa’in. Kimqex ut eek’ahomaq li Musiq’ej." Ink’a’ naqanaw chixjunil chirix li kutan a’an, a’ut naqanaw naq laj Andres kixtaw laj Simon li ras, ut kixch’olob’ chiru, "Xqataw ... li Kristo" [Jwan 1:41].

"Reheb’ li neke’ab’ink re li qaatin, naru taqab’aanu jo’ li kixb’aanu li Kolonel, ut taqaye reheb’, "kimqex ut toxeeril." Wankeb’ li te’ab’inq chiru li qaatin, ut wankeb’ li ink’a’ te’ab’inq chiru. Chiqajunilo naqanaw ru li ani xb’oqe’ k’iila sut xb’een wa chiru naq xk’ul xb’oqb’al naq "taachalq ut toxril." Chiqak’oxlaheb’ ajwi’ li ani xe’wan junxil qik’in ut ink’a’ chik mas neke’qil, ut chiqab’oqeb’ chi sutq’iik ut chirilb’al wi’chik. ...

"Wi wan eerik’in li internet malaj li celular, wan chik k’a’ru naru nekeb’aanu re xyeeb’al "chalqex ut toxeeril." Naru naqawotz li qapaab’aal sa’eb’ li k’anjeleb’aal a’in wulaj wulaj chiru li qayu’am" ("Es un milagro,"Liahona, mayo 2013, 79).

Li b’ich naru nokoxtzol chirix li Kristo.

K’oxla roksinkil li b’ich "Xb’aan xchaq’al li ru li tzuul," Eb’ li B’ich, ajl 50, naq nekex’aatinak chirix lix k’anjel li Kolonel jo’ aj Yo’ob’tesinel (chi’ilmanq Jwan 1:3). Taaruuq ajwi’ teeril li video "Por la belleza terrenal" sa’ mormontabernaclechoir.org,

Xchaab’ilob’resinkil li qak’utum

Tenq’aheb’ li ani neke’tzolok chixjuntaq’eetankileb’ li loq’laj hu rik’ineb’ a’an. Li b’oqok li kixk’e li Kristo reheb’ lix tzolom—kimqex ut toxeeril—naru naxtenq’aheb’ li tzolb’ileb’ aab’aan re te’xtaaqe li Kolonel. K’e xch’ooleb’ li ani neke’tzolok re te’xyu’ami li jar raqal chi na’leb’ li neke’tawman sa’eb’ li loq’laj hu, ut naq te’xb’oqeb’ li jun ch’ol chik chixb’aanunkil. (Chi’ilmanq 1 Nefi 19:23; Li k’utuk jo’ li Kolonel, 21.)

Isi reetalil