vahine e faʼaʼite ra i te ʼevanelia i roto i te vāhi tāpeʼaraʼa pereʼoʼo auahi.

21–27 nō tēnuare.

Ioane 1

ʼUa ʼitea ia mātou te Mesia

Hou ’outou ’a taiʼo ai i te tahi atu ā mau materia, ’a taiʼo ʼe ’a feruri Ioane 1, ʼe ’a pāpa’i i te mau manaʼo tā ʼoutou i fāriʼi. E ani te reira i te Vārua i roto i tā ʼoutou faʼaineineraʼa.E nehenehe te.Mai, peʼe mai—Nō te mau taʼata iho ʼe te mau ʼutuāfare ’e te mau manaʼo i muri nei e tauturu ia ʼoutou e faʼauru i tā ʼoutou mau pīahi ’ia māramarama ʼe ’ia faʼaʼohipa i te haʼapiʼiraʼa tumu i roto i teie nei pene.

ʼA pāpa’i i tō ʼoutou mana’o

tāpa’o nō te fa’a’itera’a

Ani ’ia fa’a’ite mai.

Nō te tauturu i te mau pīahi ’ia faʼaʼite mai i te mea tā rātou i haʼapiʼi mai, e nehenehe ʼoutou e ani ia rātou ’ia pāpaʼi i te mau uiraʼa, te mau manaʼo, ʼaore rā te mau ʼite nō roto mai i tā rātou taiʼoraʼa i niʼa i te mau ʼapi parau ʼe ’ia tuʼu atu te reira i roto i te hōʼē fa’ariʼi. ʼA huti i te mau ʼapi parau nā roto mai i te fa’ariʼi nō te tāu’aparau i roto i te piha haʼapiʼiraʼa.

tāpa’o nō te ha’api’ira’a

Ha’api’i i te ha’api’ira’a tumu

Ioane 1:1–5

I vai nā Iesu Mesia « i te mātāmua ra i te Atua ra hoʼi ».

• ʼUa ʼōmua Ioane i tōna ʼiteraʼa pāpū nō niʼa i te Mesia mā te faʼaʼite pāpū i te mau ʼohipa ʼa te Faʼaora hou ʼoia i fānauhia ai. E aha tā Ioane i haʼapiʼi nō niʼa i te Mesia hou tōna fānauraʼahia ? Nō te aha e mea faufaʼa roa ’ia ʼite i te mau ʼohipa ʼa te Mesia i roto i te oraraʼa mātāmua ? E riro ʼei tautururaʼa ’ia pāpaʼi i teie mau uiraʼa i niʼa i te tāpura’ ’ere’ere ʼe ’ia ani i te mau pīahi ’ia ʼimi i te mau pāhonoraʼa i roto ia Ioane 1:1–5 (ʼa hiʼo atoʼa i Te ʼ’īritiraʼa ʼa Iosepha Semita, Ioane 1:1–5 [i roto i te Tabula Buka ʼa te Bibilia) ʼe i roto i te faʼahitiraʼa parau ʼa Elder James E. Talmage i roto i « Te tahi atu mau rāveʼa tauturu ». E aha te tahi atu ā mau fa’ahorora’a pāpaʼiraʼa moʼa ’o tā te mau pīahi e nehenehe e faʼaʼite mai o te haʼapiʼi rahi atu ā nō niʼa i te orara’a mātāmua ’o te Mesia ? (Nō te mau hiʼoraʼa, ʼa hiʼo « Te oraraʼa mātamua ʼo Iesu Mesia » i roto i te buka Arataʼiraʼa i te mau Tumu Parau) ʼEi piha haʼapiʼiraʼa, e nehenehe ʼoutou e hi’o faʼahou « Te Mesia Ora : Te ʼIteraʼa Pāpū ʼa te mau ʼĀpōsetolo » (Ensign ʼaore rā Liahona, ’Ēperēra 2000, 2).

• Mai te mea e hina’aro ’outou i te fa’a’ohipa i teie mau ’īrava nō te paraparau nō ni’a i te mau hāmanira’a ’a te Fatu, e nehenehe ’outou e tai’o Ioane 1:3 ’e ’ia fa’a’ite i te mau hoho’a o tē fa’a’ite nei i te nehenehe o te fenua. E nehenehe ’outou e fa’a’ite i te video « Tō tātou ’utuāfare » (lds.org/topics/environmental-stewardship-and-conservation). ʼA ani i te mau pīahi ’ia faʼaʼite mai nāhea te mau poieteraʼa ʼa te Faʼaora e tauturu ai ia rātou ’ia ʼite i tōna here.

Ioane 1:1-14

ʼO Iesu Mesia te māramarama.

• E nehenehe te māramarama pae tino e tauturu ia tātou ’ia taʼa maita’i i te tāpaʼo o te māramarama pae vārua. Nāhea ʼoutou i te faʼahōhoʼa i teie tāpaʼo i tā ʼoutou piha ha’api’ira’a ? E nehenehe ʼoutou e tūpohe i te mau mori i roto i te piha haʼapiʼiraʼa ʼe ’ia tūʼama i te hōʼē mori pata nō te faʼaʼite i te taʼa-ʼē-raʼa i roto i te māramarama ʼe te pōiri. ʼA ani i muri iho i te mau pīahi ’ia ʼimi i te parau māramarama i roto i te Ioane 1:1–14, ʼe ’a ani ia rātou ’ia faʼaʼite mai nāhea te Faʼaora ʼe tāna ʼevanelia e hōroʼa mai ai i te māramarama pae vārua i roto i tō rātou oraraʼa. Nāhea te mau piahi i te ’itera’a i tōna māramarama ? ʼEi tufaʼa nō teie tāuʼaraʼa parau, e hina’aro ’outou ē ’ia taiʼo rahi atu ā rātou nō niʼa i te māramarama ʼo te Mesia i roto i Te Parau Haʼapiʼiraʼa ʼe te Parau Fafau 84:45–46 ; 88:11–13, ʼaore rā ’ia faʼahaere atu ia rātou i ni’a i te « Māramarama ʼo te Mesia » i roto i te faʼatoro parau Bibilia. Nāhea tātou e riro ai ’ei māramarama nō tō te ao ?

  hihi mahana nā roto mai i te papa ’ōfa’i i tātahi

  E hōroʼa mai te Faʼaora ʼe tāna ʼevanelia i te māramarama pae vārua.

• Nō te mea hoʼi ē ʼua pāpaʼihia o Ioane 1:1–14 nā roto i te reo tāpaʼo, ʼe mea fifi ’ia taʼa maita’i i te auraʼa o te reira. Hōʼē rāveʼa nō te tauturu i te mau pīahi ’ia māramarama i te ʼiteraʼa pāpū ʼo Ioane o te aniraʼa ïa ia rātou ’ia hāmani i te hōʼē tāpura nō te mau taʼo ʼe te mau pereota tei faʼahiti-pinepine-hia i roto i teie mau ʼīrava ʼe ’ia faʼaʼite mai e aha tā te ʼīrava tātaʼitahi e haʼapiʼi mai nei ia tātou nō niʼa i te Faʼaora.

• Teie te hōʼē rāveʼa nō te tītau i te mau pīahi i roto i teie mau ʼīrava : ’A faʼaʼite e rave rahi mau hōhoʼa (’oia ho’i te hōhoʼa nō roto mai i te arataʼiraʼa nō teie hepetoma i roto Mai, peʼe mai—Nō te mau taʼata iho ʼe te mau ʼutuāfare) o tē faʼahōhoʼa nei i te oraraʼa ʼe te misiōni hanahana ʼa Iesu Mesia. ʼA ani i te mau pīahi ’ia ʼimi i roto Ioane 1:1–14, i te mau taʼo ʼaore rā te mau pereota e nehenehe e riro ’ei mau upoʼo parau nō te mau hōhoʼa.

Ioane 1:35–51

E nehenehe tātou e fāri’i i tō tātou iho ʼiteraʼa pāpū nō niʼa i te Faʼaora ʼe i muri iho e ani ia vetahi ’ē « ʼa haere mai, ’a hiʼo ».

• I roto i te Ioane 1, te aniraʼa « ʼa haere mai, ʼa hiʼo » e ’itehia e piti taime (ʼa hiʼo i te mau {52}ʼīrava 39, 46). Eʼita paha tātou e fana’o i te ʼite mata atu i te Faʼaora mai ia Anederea ʼe Nataniela, e nehenehe rā tātou e pāhono atu i taua ā aniraʼa ra. E nehenehe ʼoutou e ani i te mau pīahi, e aha i tō rātou manaʼo te auraʼa « ʼa haere mai, ʼa hiʼo » i tō tātou nei ʼanotau ʼe ’ia faʼaʼite mai i tō rātou iho ’itera’a nō te fāri’ira’a i te hōʼē ʼiteraʼa pāpū nō te Faʼaora.

• Nō te ʼōmua i te hōʼē tāuʼaraʼa parau nō niʼa i teie mau ʼīrava, ’a feruri i te ani i te mau pīahi ’ia faʼaʼite mai i te mau ʼāʼamu nāhea tō rātou faʼaʼiteraʼa i te ʼevānelia ʼa Iesu Mesia ia vetahi ’ē. O vai tā rātou i ani « ʼa haere mai, ʼa hiʼo » ? E aha tā tātou i haʼapiʼi mai nō niʼa i tō Anederea ʼe Philipa faʼaʼiteraʼa i tō rāua ʼiteraʼa pāpū nō te Mesia ?

• Eʼita te mau taʼata e faʼaʼite i te tahi taime i te ʼevanelia nō te mea nō rātou e ’ohipa taiā ʼe e ’ohipa fifi i te rave i te reira. Te faʼaʼite nei te mau ʼāʼamu i roto i te Ioane 1:35–51 ē te faʼaʼiteraʼa atu i te ʼevanelia e ʼohipa ʼōhie ʼe te au noa. E nehenehe ʼoutou e ani i te mau pīahi ’ia taiʼo i teie mau ʼīrava ʼe ’ia tāu’aparau nāhea rātou i te faʼaʼohipa i te reira nō te tauturu i te tahi taʼata e taiā nei i te faʼaʼite atu i te ʼevanelia. E nehenehe rātou e faʼaʼohipa i te faʼahitiraʼa parau ʼa Elder Neil L. Andersen i roto i « Te tahi atu mau rāveʼa tauturu » nō te mau manaʼo. (ʼA hiʼo atoʼa i te video « Te mau mea maitaʼi e faʼaʼite » i roto i te LDS.org.)

tāpa’o nō te ha’api’ira’a mai.

Faʼaitoito i te haʼapiʼiraʼa mai i te fare

Nō te faʼaitoito i te mau pīahi ’ia tuatāpapa ia Mataio 3, Mareko 1, ʼe Luka 3, e nehenehe ʼoutou e ani ia rātou ’ia feruri i te tahi taʼata tā rātou e hinaʼaro i te ʼāfaʼi atu i te Mesia ra. ʼA parau atu ia rātou ē i roto i teie mau pene tā rātou e taiʼo mai nō niʼa i te hōʼē peropheta e tāna misiōni ’oia ho’i te faʼaineinera’a i te taʼata ’ia fāriʼi i te Faʼaora.

tāpa’o nō te mau rāve’a tauturu

Te tahi atu mau rāveʼa tauturu

Ioane 1

I vai na Iesu Mesia i te mātāmua ra i te Atua ra hoʼi.

ʼUa haʼapiʼi ʼo Elder James E. Talmage : « Ē te logo ʼo Iesu Mesia ïa, i vai na i te Metua ra i [te] mātāmua ra ʼe tei fāriʼi ʼōna iho i te mau mana ʼe te tiʼaraʼa Atua, ʼe ʼua haere mai ʼoia i te ao nei ʼe ʼua pārahi mai i rotopū i te taʼata nei, ʼua haʼapāpū-mau-hia ïa te reira. ʼUa haʼapāpuhia mai teie mau parau nā roto i te hōʼē heheuraʼa tei hōroʼahia ia Mose, i roto i te reira heheuraʼa i faʼatiʼahia ai ʼoia ’ia ʼite mata i te mau hāmaniraʼa e rave rahi ʼa te Atua, ʼe ’ia faʼaroʼo i te reo ʼo te Metua nō niʼa i te mau mea tāna i hāmani : ‘E nā roto i te parau o tōʼu ra mana i hāmani ai au ia rātou, ʼoia hoʼi, nā roto ïa i tāʼu ra Tamaiti Fānau tahi ʼo tei ’ī i te aroha ʼe te parau mau’ [Mose 1:32, 33] » (Iesu Te Mesia, 3rd ed. [1916], 10).

E nehenehe tātou e ani ia vetahi ’ē « ʼa haere mai, ʼa hiʼo ».

ʼUa haʼapiʼi mai ʼo Elder Neil L. Andersen :

« ʼUa haʼapiʼi mai te Faʼaora ia tātou nāhea ’ia faʼaʼite i te ʼevanelia. Mea au nāʼu te ʼāʼamu ʼo Anederea, tei ani atu, ‘e Rabi, e tiʼa ʼoe i hea ?’ [Ioane 1:38]. ʼUa nehenehe ia Iesu i te pāhono atu i te vāhi i reira ʼoia i ora ai. ’Aita rā, ’ua parau atu ʼoia ia Anederea, « ’a haere mai, ’a hi‘o ».[Ioane 1:]. E mea au nā’u ’ia feruri ē, tē parau ra te Fa’aora,  ’a haere mai, ’a hi’o, ’eiaha noa te vāhi i reira vau e ora ai, te huru ato’a rā o tō’u orara’a. ʼA haere mai, ʼa hi‘o ʼo vai au. ʼA haere mai ʼe ʼa fāri’i i te Vārua’, ʼAita tātou i ʼite i te mau mea atoʼa nō ni’a i taua mahana ra, ʼua ʼite rā tātou ē, i tō Anederea iteraʼa i tōna taea’e ʼo Simona, ʼua parau atu ʼoia, « ’Ua ’itea ia māua… te Mesiaʼ[John 1:41].

« ’O rātou o te faʼaʼite i te hō’ē hiaʼai i roto i tā tātou mau tāuʼaraʼa parau, ʼua nehenehe ia tātou i te peʼe i te hi’oraa ʼo te Faʼaora ’ia ani atu ia rātou, ‘ʼa haere mai, ʼa hi’o’. E fāriʼi vetahi i tā tātou aniraʼa, ’e tē vai ra, ʼaita. ʼUa mātau tātou pāʼātoa i te hōʼē taʼata tei tītauhia e rave rahi taime nā mua a’e i te fāriʼiraa i te aniraʼa ‘ʼa haere mai, ʼa hi’o’. E feruri atoʼa nā tātou i te feiā tei ti’a nā i rotopū ia tātou, ʼāre’a rā i teie nei, e mea varavara roa tātou i te ʼite atu ia rātou, e ani ana’e ia rātou ’ia ho’i mai ʼe ’ia hi‘o faʼahou ā …

« Nō rātou e faʼaʼohipa nei i te Itenati ʼe te mau niuniu ʼāfa’ifa’i, tē vai ra te mau rāve‘a ʼāpī nō te ani atu ia vetahi ’ē, ‘ʼa haere mai, ʼa hi’o’. E faʼariro nā tātou i te faʼaʼiteraʼa i tō tātou faʼaroʼo nā niʼa i te reni ʼitenati ʼei tuhaʼa nō tō tātou oraraʼa i te mahana hōʼē » (« E temeio mau te reira », Ensign ʼaore ra Liahona, Me 2013, 79).

E nehenehe te ʼupa e haʼapiʼi ia tātou nō niʼa i te Mesia.

ʼA feruri i te faʼaʼohipa i te hīmene « Nehenehe te Ao Nei », Te mau Hīmene no. 35, ’ia tuatāpapa anaʼe ʼoutou i te ʼohipa ʼa te Faʼaora ’ei Taʼata hāmani (ʼa hiʼo Ioane 1:3). ʼE nehenehe atoʼa ʼoutou e faʼaʼohipa i te video « Te nehenehe te ao nei » i niʼa i te mormontabernaclechoir.org.

Haʼamaitaʼiraʼa i tā tātou haʼapiʼiraʼa

ʼA tauturu i te mau pīahi ’ia fa’aau i te mau pāpa’ira’a mo’a ia rātou iho. E nehenehe taua iho aniraʼa ra tā te Mesia i hōroʼa i tāna mau pipi—ʼa haere mai, ʼa hiʼo—e tauturu i te mau pīahi tā ʼoutou e haʼapiʼi ra ’ia hinaʼaro i te peʼe atu i te Faʼaora. ʼA faʼaitoito i te mau pīahi ’ia faʼaau i te mau haʼapiʼiraʼa tei ʼitehia i roto i te mau pāpaʼiraʼa moʼa i tō rātou iho oraraʼa ʼe ’ia ani ia vetahi ’ē ’ia nā reira atoʼa. (ʼA hiʼo 1 Nephi 19:23; Haʼapiʼiraʼa mai tā te Faʼaora, 21.)