« 28 nō ’Ātopa–3 nō Novema. 1 ’e 2 Timoteo ; Tito ; Philemona : ‘’Ei ha’apa’ora’a rā ’oe nā tei fa’aro’o ra’ » Mai pe’e mai—nō te Ha’api’ira’a Sābati : Faufa’a ’Āpī 2019 (2019)
« 28 nō ’Ātopa–3 nō Novema. 1 ’e 2 Timoteo ; Tito ; Philemona », Mai pe’e mai—nō te Ha’api’ira’a Sābati : 2019
28 nō ’Ātopa–3 nō Novema
1 ’e 2 Timoteo ; Tito ; Philemona
« ’Ei ha’apa’ora’a rā ’oe nā tei fa’aro’o ra »
’A tai’o i te 1 ’e 2 Timoteo ; Tito ; ’e Philemona ma te ha’amana’o i tā ’outou mau pīahi. E tauturu te mau mana’o ’e te mau fa’a’itera’a ’o te tae mai ia ’outou ’ia arata’i i te mau pīahi i te mau pāpa’ira’a mo’a faufa’a rahi ’e e fa’ahaere mai i te Vārua i roto i tā ’outou nei piha ha’api’ira’a.
Pāpa’i i tō ’outou mau mana’o
Ani ’ia fa’a’ite mai i te mau mana’o
E riro ’ei tauturura’a nā te mau pīahi ’ia fa’aro’o i te tahi ’e te tahi ’ia paraparau nō ni’a i tō rātou mau manuia ’e tō rātou mau tāmatara’a nō te tai’o i te mau pāpa’ira’a mo’a, ’o rātou iho ’e nā muri i tō rātou mau ’utuāfare. ’A feruri i te ha’amata i te ha’api’ira’a ma te ani i te mau pīahi ’ia paraparau mai nō ni’a i te mau mea maita’i i roto i tā rātou tuatāpapara’a i te mau pāpa’ira’a mo’a.
Ha’api’i i te ha’api’ira’a tumu
Te ta’a-maita’i-ra’a i te ha’api’ira’a tumu mau e tauturu ïa te reira ia tātou ’ia ’ore ’ia ha’avarehia.
-
Tē ora nei tā ’outou mau pīahi i roto i te hō’ē tau e ha’api’ihia ai te mau ha’api’ira’a hape e rave rahi. ’Ua ora ato’a Timoteo ’e o Tito i taua huru tau ra, pēnei a’e e nehenehe te a’o a Paulo e ha’amaita’i i tā ’outou mau pīahi. E ’itehia te tahi tufa’a o te a’o a Paulo i roto i « Te tahi atu ā mau rāve’a tauturu ». E nehenehe tā ’outou e fa’ata’a i te pīahi tāta’itahi ’ia tai’o i te hō’ē ’o teie mau ’īrava ’e ’ia fa’a’ite mai i te mea tāna i ha’api’i mai nō ni’a i te faufa’a rahi o te ha’api’ira’a tumu (’a hi’o ato’a Alama 31:5).
Mai te mea e mau « ha’apa’ora’a tātou nā tei fa’aro’o ra », e nehenehe ïa tā tātou e arata’i ia vetahi ’ē i te Fa’aora ’e i tāna ra ’evanelia.
-
E nehenehe paha tā ’outou mau pīahi e ’ore e ite i te pūai nō te hō’ē hi’ora’a maita’i tā rātou e hōro’a nei. ’A feruri i te ani ia rātou ’ia paraparau mai nō ni’a i te mau ta’ata tā rātou i mātau, tae noa atu te mau hoa pīahi, tei riro ’ei mau hi’ora’a nō te mau pipi a te Mesia. E riro paha ’ei tauturura’a, mai te mea e tāpura ’outou i ni’a i te ’iri pāpa’ira’a te mau tā’o i roto i te ’īrava 12 ’o tē fa’a’ite ra e nāhea e ti’a ai ia tātou ’ia riro ’ei hi’ora’a—parau, ’āparaura’a (’oia ho’i te huru ’aore rā te peu), aroha, huru o te ’ā’au, fa’aro’o, ’e vi’ivi’i ’ore. E nehenehe tā te mau pīahi ’ia tuatāpapa e nāhea e nehenehe ai ia rātou ’ia riro ’ei mau ha’apa’ora’a nō tei fa’aro’o i roto i teie mau rāve’a tāta’itahi.
« E ’ere ho’i i te ’ā’au taiā tā te Atua i hōro’a mai nō tātou, i te ’ā’au itoito rā, ’e te aroha, ’e te ha’apa’o maita’i ».
-
I roto i te arata’ira’a nō teie hepetoma i roto i te Mai pe’e mai—nō te ta’ata hō’ē ’e te ’utuāfare, ’ua anihia tā ’outou mau pīahi ’ia hi’o atu i roto i te 2 Timoteo i te a’o tā Paulo i hōro’a ia Timoteo nō te fa’aitoito iāna i roto i tāna tāvinira’a. ’A ani i te mau pīahi ’ia fa’a’ite mai i te mau ’itera’a tā rātou i ’ite, ’aore rā e nehenehe tā ’outou e hōro’a i te tahi nau minuti ia rātou ’ia ’imi ’e ’ia fa’a’ite mai i te tahi o te a’o a Paulo, tē vai nei i roto i te (pene 1 te tahi mau hi’ora’a maita’i ). E nehenehe ato’a tā rātou e fa’a’ite mai i te hō’ē ’ohipa i tupu ia rātou ’a tauturu ai te Atua ia rātou ’ia ha’avī i tō rātou mau ri’ari’a ’e i hōro’a ai ’oia ia rātou « te ’ā’au … itoito, ’e te aroha, ’e te ha’apa’o maita’i » (2 Timoteo 1:7).
E nehenehe te tuatāpapara’a i te mau pāpa’ira’a mo’a e tauturu ia tātou ’ia upo’oti’a i ni’a i te mau ’ati nō te mau mahana hope’a nei.
-
I muri a’e i tona fa’aarara’a ia Timoteo i te « ’ati rahi » ’o te tae mai, ’ua fa’a’ite pāpū mai Paulo nō ni’a i te mana ’e te faufa’a ’o te mau pāpa’ira’a mo’a (’a hi’o 2 Timoteo 3:1, 14–17). Nō te ha’amata i te hō’ē ’āparaura’a nō ni’a i te faufa’a rahi ’o te mau pāpa’ira’a mo’a i roto i te mau tau fifi, e nehenehe tā ’outou e ani i te mau pīahi ’ia tai’o fa’ahou i te fa’a’itera’a a Paulo nō ni’a i te mau ’ati i te mau mahana hope’a nei tei ’itehia i roto i te 2 Timoteo 3:1–7. I muri iho e nehenehe tā rātou e ’imi ’e e fa’a’ite mai i te mau pāpa’ira’a mo’a tei tauturu ia rātou ’ia pāruru atu i te mau ’ati mai teie te huru (’ua tāpurahia te tahi mau hi’ora’a i roto i « Te tahi atu ā mau rāve’a tauturu »). Nāhea tā tātou tai’ora’a i te mau pāpa’ira’a mo’a e pāruru ai ia tātou i te mau pe’ape’a i roto i te ao i teie mahana ?
-
E nehenehe te tai’ora’a i te a’o a Paulo nō ni’a i te mana o te mau pāpa’ira’a mo’a e riro ’ei taime maita’i nā te mau pīahi ’ia fa’aitoito i te tahi ’e te tahi i roto i tā rātou mau tauto’ora’a i te tuatāpapa i te parau a te Atua. Penei a’e e nehenehe tā te mau pīahi e tai’o i te 2 Timothy 3:14–17 ’e ’ia ’imi i te mau ha’amaita’ira’a ’e te mau pārurura’a e tae mai nā roto i te tai’ora’a i te mau pāpa’ira’a mo’a. I muri iho e nehenehe tā rātou e fa’a’ite mai i te mau taime i tupu ai teie mau ha’amaita’ira’a i roto i tō rātou orara’a maoti tā rātou tai’ora’a i te mau pāpa’ira’a mo’a. E nehenehe ato’a tā ’outou e hōro’a i te mau pīahi te tahi taime nō te feruri i te mea tā rātou e nehenehe e rave nō te fāri’i i te tahi atu ā mau ’itera’a faufa’a rahi nā roto i te mau pāpa’ira’a mo’a, nō rātou iho ’e nō tō rātou ’utuāfare.
E fa’a’ore te mau pipi a te Mesia i te hapa a te tahi ’e te tahi.
-
Hou ’outou ’a ha’amata ai i te hō’ē tau’ara’a parau nō ni’a i te ’episetole a Philemona, e nehenehe tā ’outou e ani i te hō’ē pīahi ’ia fa’a’ite mai i te tahi ha’amāramaramara’a nō nia ia Philemona ’e tōna tāvini Onesimo (tē vai ra te hō’ē fa’a’itera’a poto i roto i te arata’ira’a nō teie hepetoma i roto i te Mai pe’e mai—nō te ta’ata hō’ē ’e te ’utuāfare). I muri iho e nehenehe tā ’outou e vāhi i tā ’outou piha ha’api’ira’a i roto e piti pupu ’e ’ia hōro’a i te pupu tāta’itahi te hō’ē o teie mau uira’a : E aha te hō’ē ā mau mea tā ’outou e ’ite nei i rotopū i te mea tā Paulo i ineine i te rave nō Onesimo ’e te mea tā te Fa’aora i ineine i te rave nō tātou ? Noa atu e mea fifi roa nō Philemona ’ia fa’a’ore i te hapa a tōna tāvini tītī tei horo ’ē atu, nāhea te ’evanelia a Iesu Mesia e fa’a’ōhie ai i te fa’a’orera’a hara ? ’Ia oti te mau pupu i te fa’a’ite mai i te mea tā rātou i ha’api’i mai, ’a feruri i te ani i te mau pīahi ’ia fa’a’ite mai i te mau pāpa’ira’a mo’a ’aore rā mau ’ohipa i tupu tei tauturu ia rātou ’ia māramarama i te parau nō te fa’a’orera’a hara. E nehenehe te pōro’i ’a Elder Kevin R. Duncan i roto i « Te tahi atu ā mau rāve’a tauturu » e tauturu i teie tau’ara’a parau.
Fa’aitoito i te ha’api’ira’a mai i te fare
Nō te fa’auru i te mau pīahi ’ia tai’o i te ’episetole i tō Hebera, ’a ani ia rātou ē ’ua ’ite ānei rātou i te tahi ta’ata tei mana’o ē e Atua ātea, te tau’a ’ore ’e te piri ’ore ’oia. ’A parau atu ia rātou ē e ’ite mai rātou te mau ’īrava i roto i te Hebera 1–6 ’o tā rātou e nehenehe e fa’a’ite atu i te tahi ta’ata ē e nā ta’ata aroha te Atua te Metua ’e Iesu Mesia ’o tē hina’aro nei i te tauturu ia tātou ’ia māuiui ana’e tātou.
Te tahi atu ā mau rāve’a tauturu
Te a’o a Paulo nō ni’a i te ha’api’ira’a tumu mau.
’Ua fa’a’itehia mai te mau pāpa’ira’a mo’a o te pāruru ia tātou i te mau ’ati nō te mau mahana hope’a nei i roto i te 2 Timoteo 3:2.
|
Te mau ’ati i te mau mahana hope’a nei |
Te mau pāpa’ira’a mo’a ’o te pāruru ia tātou |
|---|---|
Te mau ’ati i te mau mahana hope’a nei Mi’imi’i | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Nounou | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Fa’aahaaha | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Te’ote’o | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Fa’a’ino | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Fa’aro’o ’ore i te mau metua | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Māuruuru ’ore | Te mau pāpa’ira’a mo’a ’o te pāruru ia tātou |
Te mau ’ati i te mau mahana hope’a nei Vi’ivi’i | Te mau pāpa’ira’a mo’a ’o te pāruru ia tātou |
E tauturu te rā’au fa’aora nō te tāra’ehara a te Fa’aora ia tātou ’ia fa’a’ore i tā vētahi ’ē hapa.
’Ua ha’api’i mai ’o Elder Kevin R. Duncan :
« ’Aita roa te hō’ē noa a’e vārua ora, i te hō’ē taime ’aore rā i te tahi atu, e ’ore e hāmani-’ino-hia nā roto i te mau ’ohipa ti’a ’ore a vetahi ’ē, te huru ha’apēpē ’aore rā te huru hara ato’a. Teie te hō’ē mea e tupu ia tātou pā’āto’a.
Māuruuru rahi ra, i roto i tōna here ’e tōna aroha nō tāna mau tamari’i, ’ua fa’aineine te Atua i te hō’ē rāve’a nō te tauturu ia tātou ’ia fa’aū atu i teie mau huru fifi o te orara’a. ’Ua hōro’a mai ’oia i te hō’ē rāve’a nō te fa’aora i tei riro ’ei tītī i te hāmani-’ino-ra’a a vetahi ’ē. ’ ’Ua ha’api’i mai ’oia, e nehenehe tātou ’ia fa’a’ore i te hapa ! […]
E rave rahi mau matahiti i ma’iri a’e nei, ’a tāta’i ai au i te hō’ē ’āua, ’ua ’ō te hō’ē hu’a rā’au i roto i tō’u manimani rima. ’Ua tāmata ri’i au i te ’īriti i te reira, ma te mana’o ’ua mātara te reira, ’aita roa ïa. ’A tere ai te taime, ’ua tupu te ’iri nā ni’a i te hu’a rā’au, ma te fa’atupu i te hō’ē pu’u i ni’a i tō’u manimani rima. E ’ere i te mea au roa, i te tahi taime e mea māuiui roa.
« Tau matahiti i muri iho, ’ua fa’a’oti au i te rave i te tahi mea. Tā’u noa i rave, ’ua parai i te rā’au fa’aora i ni’a i te pu’u ’e ua tā’amu atu. ’Ua nā reira noa vau. ’Aita ’outou i ’ite i tō’u hitimahuta i te hō’ē mahana, ’a ’īriti ai au i te tā’amu, ’ua mātara mai te hu’a rā’au i rāpae i tō’u manimani rima.
’Ua tāmarū te rā’au fa’aora i te ’iri ’e ’ua hāmani i te hō’ē ’ē’a ’ia pipiha mai te hu’a rā’au o tei ha’amāuiui i tō’u manimani rima e rave rahi matahiti. I te mātarara’a te hu’a rā’au, ’ua ora ’oi’oi noa tō’u manimani rima, i teie mahana, ’aita roa e ’itehia te hō’ē noa a’e pēpē.
Hō’ē ā huru, e māuiui tano ’ore noa te hō’ē māfatu ’o tei ’ore i fa’a’ore i te hapa. ’Ia parai-ana’e-hia te rā’au fa’aora o te tāra’ehara a te Fa’aora, e tāmarū ’oia i tō tātou māfatu ’e e tauturu ia tātou ’ia taui. E nehenehe tāna e fa’aora i te ’ā’au i putahia (’a hi’o Iakoba 2:8) » (« Te rā’au fa’aora o te fa’a’orera’a hapa », Ensign ’aore rā Liahona, Mē 2016, 33).
Ha’amaita’ira’a i tā tātou ha’api’ira’a
E tupu te tupura’a vārua i roto i te ’utuāfare. Tei piha’i iho ’outou i tā ’outou mau pīahi nō te tahi noa taime poto i te mau sābati ato’a. I te toe’a o te hepetoma, ’e rave rahi ’o rātou ’o te fāri’i i te mau ’itera’a vārua faufa’a rahi. ’A ani i te mau uira’a o te fa’aitoito ’ia rātou ’ia fa’a’ite mai i te mea tā rātou i ha’api’i mai i rāpae au i te piha ha’api’ira’a. (’A hi’o Ha’api’ira’a mai tā te Fa’aora, 18