“Tianuare16–22. Ioane 1: E a Reke i Roura te Mesia,” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Tianuare16–22. Ioane 1,” Nakomai, Iriirai—Ibukin te Reirei n Tabati: 2023
Tianuare 16–22
Ioane 1
E a Reke i Roura te Mesia
Ngkai ko warekia ao n iangoa Ioane 1, tataro ibukin kairam n te tamnei inanon tibwangam n angareirei iaon ana koaua Ioane. Korea am namakin ake ko karekei. Nakomai, Iriirai—Ibukiia Aomata n Tatabemaniia ao Utu ao iango n te kabwarabwara aei e kona ni buokiko ni kaungai nanoia aomata n am kiraati bwa a na ota ao ni karaoi reirei inanon te mwakoro aei.
Kaunga te Tibwatibwa
Ni buokiia kain te kiraati bwa a na tibwa te bwai are a reiakinna, tuangiia bwa a na korei titiraki, kaotinano, ke iango man aia wareware iaon mwakoro ni beebwa ao katikui inanon te kaonteina. Anai mwakoro ni beeba man te kaonteina ni maroroakini n te kiraati.
Reirei te Reirei
Boni Ngaia “n te moan tai are e mena iroun te Atua.”
-
Tera ae e reirei iai Ioane ibukin Kristo n te maiu imwain te maiu aei? Bukin tera e kakaawaki bwa ti na ata tibwangan Kristo n te maiu are imwain te maiu aei? E kona n ibuobuoki ni korei titiraki aikai iaon te burakibooti ao n titirakiniia kain te kiraati bwa a na taratarai kaekaia n Ioane 1:1–5 (tara naba Ana Rairairi Iotebwa Timiti, Ioane 1:1–5 [in the Bible appendix]; Mote 1:32–33; Topical Guide, “Jesus Christ, Antemortal Existence of”). Kain te kiraati a kona naba n tibwa te bwai are a reiakinna n tibwangan Kristo n te maiu are imwain te maiu aei man“Te Kristo Ae Maiu: Aia Kakoaua Abotoro” (ChurchofJesusChrist.org).
-
Ngkana ko tangiria ni kabonganai kiibu aikai ni maroroakina taekan ana karikibwai te Uea, ko kona ni wareka Ioane 1:3 ao kaoti tamnei ake a kaota tamaroan te aonaaba. Ko na bae ni kaota te witeo “Our Home” (ChurchofJesusChrist.org). Kaoia kain te kiraati bwa a na tibwaia e kanga ana karikibwai te Tia Kamaiu ni buokiia n namakina Ana tangira.
Iesu Kristo bon te Ota.
-
Iangoia n tuangiia kain te kiraati bwa a na kakaei iraua okiokin te taeka ota n Ioane 1:1–14. Bukin tera ota te taeka ae raoiroi ni kabwarabwaran Iesu Kristo? Kain te kiraati a kona n tibwaia bwa e kanga te Tia Kamaiu ao Ana euangkerio ni karekea otan te maiu n tamnei inanon maiuia. Ni mwakoron te maroro aei, ko na bae ni kaoia kain te kiraati bwa a na wareki riki taekan Otan Kristo inanon Reirei ao Berita aika Tabu 84:45–46; 88:11–13, ke ko na kaokiia nakon “Otan Kristo” in the Bible Dictionary. Ko na kanga n tibwaua otan te Tia Kamaiu ma aomata?
Te Tia Kamaiu ao Ana euangkeiro e karekea otan te maiu n tamnei.
-
Ni buokiia kain te kiraati ni katamneia te bwai are e reirei iaona te Tia Kamaiu n Ioane 1, ko kona ni katekei tamnei tabeua (n raonaki ma teuana man kamatata n te wiiki aei n Nakomai, Iriirai—Ibukiia Aomata n Tatabemaniia ao Utu) are e kaoti anuan nako maiun Iesu Kristo ao ana mition mai karawa. Kain te kiraati a kona ni kakae n Ioane 1:1–14, taratarai taeka ek kibuntaeka ake a kona n riki bwa atuun tamei.
Ti kona ni karekei oin ara kakoaua iroun te Tia Kamaiu ao imwiina kaoia aomata bwa a na “roko n nooria.”
-
N Ioane 1, te kakao nakon “nakomai ao noria” e kaoti uoua te tai (taraa kibu 39, 46). Ti kona n aki noora te Tia Kamaiu n rabwatana n aron are e nooria Anterea ao Nataera, ma ti kona ni kaeka nakon te kakao naba anne. Tera ae e na kona ni kananonaaki n “nakomai ao nooria” inanon ara bong?
-
Kain te kiraati a kona ni wareka Ioane 1:35–51 ao n tibwaia bwa tera ae a reiakinna man kiibu aikai iaon kaoakiia aomata bwa a na reiakina taekan Kristo (taraa naba “Bwaai ni Ibuobuoki riki Tabeua” ke te witeo “Inviting Others to ‘Come and See’” on ChurchofJesusChrist.org). A kona naba n tibwaia bwa a kanga n tia ni kunei kawai aika beebete ao aika bwainaki ni kaoakiia aomata bwa a na “nakomai ao nooria”
1:17
Bwaai n Ibuobuoki Riki Tabeua
Ti kona ni kaoia aomata bwa a na “nakomai ao nooria.”
E reirei Unimwaane Neil L. Andersen:
“Te Tia Kamaiu e reireiniira arora n tibwa te euangkerio. I tatangira karakinan Anterea, are e titiraki, Mwatita, ko kakaeka ia ngkai?’ [Ioane 1:38]. Iesu e kona n tia ni kaeka man te tabo are E maeka iai. Ma irarikina E taku nakon Anterea, ‘Nakomai ao nooria [Ioane 1:39]. I tangiria n iangoia bwa te Tia Kamaiu e kangai, Nakomai ao nooria tiaki n te tabo are e maeka iai ngkai ma e kanga ni maiu. Nakomai ao nooria bwa antai ngai. Nakomai ao namakina te Tamnei.’ Ti aki atai bwaai ni kabane n te bong anne, ma ti ataia bwa ngke Anterea ngke e kunea tarina are Timon, e katanoata, ‘E a reke iroura … te Mesia ae Kristo’ [Ioane 1:41].
“Irouia naake a kaotia bwa iai nanoia n ara maroro, ti kona ni karaoa ana banna ni katoto te Tia Kamaiu ni kaoakiia n ‘roko n nooria.’ Tabeman a na butimwaea ara kakao, ao tabeman a na bon aki. Ti bane n ata temanna are e a tia ni kakaoaki tabeua te tai imwain te kakao n ‘roko n nooria’” (“It’s a Miracle,” Riaona, May 2013, 79).
Kanakoraoan Ara Anga reirei
Buokiia taan kamatebwai bwa a na kabootaui koroboki aika tabu ni bon nakoia. Titebo te kakao are e anga Kristo nakoia Ana reirei—n roko n nooria—e kona ni buokiia naake ko reireiniia ni kan iriira te Tia Kamaiu. Kaungaia taan reiakinaki bwa a na karaoi reirei ake a reke man koroboki aika a tabu nakon maiuia ao ni kaoia tabeman bwa a na karaoia naba. (Taraa 1 Nibwaai 19:23; Teaching in the Savior’s Way, 21.)