te utu ngke a tarai tamnein te album

Ritembwa 26–Tianuare 1

Bon Tabera Reiakinara I bon Iroura

Ngkai ko wareki ao n iangoi kibu man koroboki aika a tabu ni bwaai aika kaotaki aikai, korei am namakin n tamnei ake ko karekei. Aio are e na kaoa te Tamnei inanon am katauraoi. Nakomai, Iriirai—Ibukiia Aomata n Tatabemaniia ao Utu ao iango aikai a kona ni buokiko ni kaungaia aomata n am kiraati ni kamatebwaia te Nu Tetemanti n te ririki aei.

te aikaon ibukin te tibwatibwa

Kaunga te Tibwatibwa

Teuana man am botoniango ngkai te tia reirei bwa kona kaungaia kain am kiraati bwa a na reiakinna ibon irouia koroboki aika a tabu ma kain aia utu. Ongoraean aia taneiai tabeman e kona ni kaungaia n ukorii oin aia taneiai. Ngaia are imwaain moanakin am kiraati nako, tuangiia kain te kiraati bwa a na tibwai koroboki aika a tabu man aia kamatebwai ake a tia ni kaungaaki iai ke a tia n anaaki nanoia iai.

te aikaon ibukin te anga reirei

Reirei te Reirei

Te reiakinaki e kainnanoa mwakuriana inanon te onimaki.

• Ko na kanga ni kaungaia kain te kiraati bwa a na karaoa riki tabeia n oin reiakinaia, nakon ae a na katuka te tibwanga tii iaon te tia reirei? Aio te iango. Karea temanna kaain te kiraati n te bwai ae maraurau, temanna are ko a kaman tuangnga bwa e na aki raweia. Kabongana te waaki ni kakukurei aei ni waakina te maroro iaon tibwangan te tia reireinaki ao te tia reirei n reiakinan te euangkerio. Ngkai te tia reiakinaki, ti na kanga n “rawea” te bwai are e taekinaki n ara kiraati? Te rongorongo are e reke inanon “Bwaai ni Ibuobuoki Riki Tabeua” e kona n ibuobuoki nakon te marooro aei.

• Ni kabane kain te kiraati iai tibwangaia ni kaoa te Tamnei inanon te kiraati. Ni buokiia kain te kiraati bwa a na matata n aei, tuangiia bwa a na wareka Aramwa 1:26 ao Reirei ao Berita aika a Tabu 50:13–22.; 88:122–23 ao n tibwai bwaai ake a kona ni karaoi taan reire ao kain te kiraati bwa e na kaoa te Tamnei. E na bae n ibuobuoki korean tibwangaia iaon te burakibooti ian atuu n aron aikai: Tera ae e kona ni karaoia te tia reirei ao Tera ae a kona ni karaoia taan reiakinaki. Kain te kiraati a kona ni karaoi boutita iaon tibwangaia ake a kona ni katekeaki ibukin wiiki ake imwiina.

Ti riai n atai koaua bon ibukira.

• A mwaiti rongorongo n te Nu Tetemanti aika a reirei iaon reirei ake a kona ni kairii ara kakae ibukin te koaua. Katoto a kairaki n Ruka 11:9–13; Ioane 5:39; 7:14–17; ao 1 I-Korinto 2:9–11. Ko kona ni kaoia kain am kiraati ake a wareki rongorongo aikai n aia kamatebwai ibon irouia bwa a na tibwa te bwai are a reiakinna. Ke ko kona ni wareki rongorongo aikai n te kiraati ao ni kaoia kain te kiraati bwa ana tibwaia bwa a kanga ni karekei aia koaua.

  ataeinimwaane ao ataeinnaine, n te umwanreirei

  Ukoukoran te reiakinaki man te onimaki e na buokiira ni karekea oin ara koaua.

• Mwakuri 17:10–12 e kabwarabwara bwa aika Itiaki a ukeuke n koroboki aika a tabu ao a karekei aia kakoaua n te koaua. Ni kaungaia kain te kiraati bwa a na irii aia banna ni katoto, wareki kibu aikai n ikotaki ao kaoia kain te kiraati bwa a na tibwai kibuntaeka man koroboki aika a tabu ake a tia ni kakorakorai aia koaua n te euangkerio.

Tina kanga n nanona riki ara kamatebwai ni koroboki aika a tabu?

• Karikirakean te anua ni kamatebwai ni koroboki aika a tabu e kona ni kangaanga irouia kain te kiraati ake a namakinna bwa akea aia tai ae tau, otaia, ke aia konabwai. Tera ae ko kona ni karaoia ni buokiia bwa a na tokanikai? Ni buokiia kain am kiraati bwa a na karekea te nano ni kamatebwai ni koroboki aika a tabu, ko kona n tibwai rongorongo man “Iango ibukin Kanakoraoan Am Kamatebwai Ibon Iroum” n Nakomai, Iriirai—Ibukiia Aomata n Tatabemaniia ao Utu. Tao ngkoe ke kain te kiraati tabeman kam kona n tibwai taneiai ni kabonganai tabeua man iango aikai ke taneiai aika kakaawaki ni kamatebwaian koroboki aika a tabu. Ko kona naba n rinei mwakoro inanon te Nu Tetemanti ao ni kataia ni kamatebwaia ngkai te kiraati e kabonganai tabeua man iango aikai.

te aikaon ibukin bwaai n ibuobuoki

Bwaai n Ibuobuoki Riki Tabeua

Butimwaean ataibwai n tamnei bon ibukira.

Te Burabeti Iotebwa Timiti e reirei: “Bwaai mairoun te Atua a rang kakaawaki; ao te tai, taneiai, ao iango aika karaoaki raoi ao barongaaki ao aanaki n te berita a na tii kona n reke iai. Am iango, O te aomata! ngkana ko kaira te tamnei nakon te kamaiuaki, ko na tangaina n ae rietata n aron karawa, ao n ukeuke ao n iango ni kanakoi bwain te roo, ao e na karababaki n ae akea tokina—ko na riai n reitaki ma te Atua. Ana mwaitira riki mimitongin ao karinean ana iango te Atua, nakon ana kario iango are nanon te aomata!” (Teachings of Presidents of the Church: Joseph Smith [2007], 267).

Unimwaane David A. Bednar e kabwarabwara: “Ngkana baike kam atai ao ake I atai iaon taekan Iesu Kristo ao Ana euangkerio ae kaokaki e reke man te bwai are a taekinna aomata nakoira, ngkanne aan ara onimaki i Rouna ao Ana mwakuri ni Boong aika kaitira ae mimitong e kateaki iaon te tano. Ti aki kona ni katan tii iaon ke n tangoa otan te euangkerio ao te atatai mairouia aomata tabeman—riki naake ti bon rang tangiriia ao n onimakiniia” (“N Tauraoi ni Karekei Bwaai Nako aika Kainnanoaki,” Riaona, Meei 2019, 102).

Kanakoraoan Ara Anga reirei

Kabotoa Am Maroro iaon te Reirei. Kakoaua bwa te maroro n te kiraati e tiku iaon koroboki aika tabu ao aia reirei burabeti. Ko kona ni karaoa aei man kanakoan titiraki n aron aikai: “Tera koaua n te euangkerio aika ti reiakin man te maroro are ti a tia n ongo?” Ke “E kona temanna n tibwai koroboki aika a tabu ake a irekereke ma are ti a tia ni maroroakini?” (Taraa Reirei n ana Kawai te Tia Kamaiu, 20–21.)