jun li ixq naxwotz li evangelio sa‘ jun li terminal

16–22 enero

Jwan 1

Xqataw li Mesias

Naq yooqat chirilb‘al ut chixtz‘ilb‘al rix Jwan 1, tijon re xpatz‘b‘al aamusiq‘anb‘il b‘eresinkil sa‘ laa teneb‘ankil chi k‘utuk chirix lix nawom xch‘ool laj Jwan. Tz‘iib‘a li na‘leb‘ nakak‘ul. Kim, Taaqehin—Choq‘ reheb‘ li komon ut li junkab‘al ut li na‘leb‘ sa‘ li tusleb‘ aatin a‘in naru nakatxtenq‘a chixwaklesinkileb‘ xch‘ool li komon re te‘xtaw ru ut te‘xyu‘ami li tzol‘leb‘ wankeb‘ sa‘ li ch‘ol a‘in.

reetalil li wotzok

Xkanab‘ankileb‘ chi wotzok

Re xtenq’ankileb’ li komon chixwotzb’al li k’a’ru yookeb’ chixtzolb’al, naru taapatz’ reheb’ naq te’xtz’iib’a chiru kok’ hu li patz’om, li aatin, malaj li na’leb’ chirix li k’a’ru xe’ril, ut te’xk’e sa’ jun li k’uleb’aal. Isiheb’ chaq li kok’ hu sa’ li k’uleb’aal re tex’aatinaq chirix jo’ tzoleb’aal.

reetalil li k‘utuk

Xk‘utb‘al li tzol‘leb‘

Jwan 1:1–5

Li Jesukristo “sa‘ xtiklajik … wan chaq rik‘in li Dios.”

• K’a’ru kixk’ut laj Jwan chirix li Kristo naq maji’ nayo’la? K‘a‘ut naq aajel ru xnawb‘al k‘a‘ru chaq xk‘anjel li Kristo naq maji‘ nayo‘la? Maare us xtz‘iib‘ankileb‘ li patz‘om a‘in chiru li pizarron, ut taapatz‘ reheb‘ li komon naq te‘xsik‘ xsumenkil sa‘ Jwan 1:1–5 (chi‘ilmanq ajwi‘ JJS, Jwan 1:1–5; Moises 1:32–33; K‘utul Raqal reheb‘ li Loq‘laj Hu, “Jesukristo, Xwanjik li Kristo rub‘elaj li yu‘am a‘in”). Eb‘ li komon naru ajwi‘ neke‘xwotz li neke‘xtzol chirix lix k‘anjel li Kristo rub‘elaj li yu‘am a‘in sa‘ “Li Yo‘yookil Kristo, Lix Ch‘olob‘ahomeb‘ li Apostol” (ChurchofJesusChrist.org).

• Wi teeraj roksinkileb’ li jar raqal a’in re aatinak chirix li k’a’ru kixyo’ob’tesi li Qaawa’, taaruuq teeril sa’ Jwan 1:3ut taak’uteb’ li jalam-uuch li nak’utun wi’ xch’ina-usal li ruchich’och’. Naru taak‘ut li video “Torbellinos espiritualesChurchofJesusChrist.org B’oqeb’ li komon sa’ li tzoleb’aal chixwotzb’al chan ru naq li k’a’ru yo’ob’tesinb’il xb’aan li Kolonel naxtenq’aheb’ chireek’ankil lix rahom.

Jwan 1:1–14

Li Jesukristo a‘an li Saqenk.

• Naru taapatz‘ reheb‘ li komon naq te‘xsik‘ jarub‘ sut na‘el li aatin saqen sa‘ Jwan 1:1–14. K‘a‘ut naq saqen a‘an jun chaab‘il aatin re xch‘olob‘ankil li Jesukristo? Eb‘ li komon naru neke‘xwotz chan ru naq li Kolonel ut lix evangelio naxk‘e musiq‘ejil saqen sa‘ xyu‘ameb‘. Jo‘ xcha‘al li seraq‘ a‘in, naru taaye reheb‘ naq te‘ril xkomon chirix lix Saqen li Kristo sa‘ Tzol‘leb‘ ut Sumwank 84:45–46; 88:11–13, malaj naru taaye naq te‘ril “Saqen, Lix Saqen li Kristo” sa‘ li K‘utul Raqal reheb‘ li Loq‘laj Hu. Chan ru taqawotz lix saqen li Kolonel rik‘ineb‘ li qas qiitz‘in?

  xsaqenkil li saq’e chirixeb’ li pek chire palaw

  Li Kolonel ut lix evangelio neke‘xk‘e li musiq‘ejil saqen.

• Re xtenq‘ankileb‘ li komon chixk‘eeb‘al reetal li naxk‘ut li Kolonel sa‘ Jwan 1, naru nakak‘ut junjunq li jalam-uuch (jo‘ li jun sa‘ li tusleb‘ aatin re li xamaan a‘in sa‘ Kim, Taaqehin—Choq‘ reheb‘ li komon ut li junkab‘al) li neke‘xk‘ut xcha‘al lix yu‘am li ut lix choxahil k‘anjel li Jesukristo. Li komon naru te‘xtz‘il rix Jwan 1:1–14, ut te‘xsik‘eb‘ aatin malaj raqal li te‘ruuq chixyeeb‘al xyaalal li junjunq chi jalam-uuch.

Jwan 1:35–51

Naru naqataw xnawom qach’ool chirix li Kolonel, ut chirix a’an taqaye re li jun ch’ol chik, “kimqex ut toxeeril.“

• Sa‘ Jwan 1 nak‘utun wiib‘ sut li b‘oq‘ok, “kimqex ut toxeeril” (che‘ilmanq li raqal 39, 46). Laa’o maare ink’a’ taqil li Kolonel sa’ li tz’ejwalej jo’ ke’ril laj Andres ut laj Natanael, a’b’an naru taqak’ul li b’oqok a’in. K‘a‘ ta wi‘ ru naraj naxye “kimqex ut toxeeril” sa‘ li qakutankil?

• Eb‘ li komon naru neke‘ril Jwan 1:35–51 ut te‘xwotz li neke‘xtzol sa‘eb‘ li raqal a‘an chirix xb‘oqb‘aleb‘ li qas qiitz‘in chi tzolok chirix li Kristo (chi‘ilmanq ajwi‘ “Xkomon chik li k‘anjeleb‘aal” malaj li video “Invitar a otros a “venir y ver” ” sa‘ ChurchofJesusChrist.org). Naru ajwi‘ nakawotz chan ru nakab‘oqeb‘ laa was aawiitz‘in chi “chalk ut chirilb‘al.”

reetalil li k‘anjeleb‘aal

Xkomon chik li k‘anjeleb‘aal

Naru naqak’e xb’oqb’aleb’ li jun ch’ol chik naq “te’chalq ut toxe’ril.“

Li Elder Neil L. Andersen kixk’ut:

“Li Kolonel kixk’ut chiqu chan ru xwotzb’al li evangelio. Nawulak chiwu li resil laj Andres, li kixpatz’, “Rabbi, b’ar nakathilank?“ [Jwan 1:38]. Li Jesus kiru raj chixyeeb’al resil b’ar li na’ajej nahilan wi’. A’b’anan kixye re laj Andres, “Kimqex ut toxeeril“ [Jwan 1:39]. Nawulak chiwu xk’oxlankil naq li Kolonel yoo chixyeeb’al, “Kimqex ut toxeeril, ink’a’ ka’ajwi’ b’ar ninwan, chan ru b’an naq ninwan. Kimqex ut toxeeril anihin laa’in. Kimqex ut eek’ahomaq li Musiq’ej.“ Ink’a’ naqanaw chixjunil chirix li kutan a’an, a’ut naqanaw naq laj Andres kixtaw laj Simon li ras, ut kixch’olob’ chiru, “Xqataw … li Kristo“ [Jwan 1:41].

“Reheb’ li neke’ab’ink re li qaatin, naru taqab’aanu jo’ li kixb’aanu li Kolonel, ut taqaye reheb’, “kimqex ut toxeeril.“ Wankeb’ li te’ab’inq chiru li qaatin, ut wankeb’ li ink’a’ te’ab’inq chiru. Chiqajunilo naqanaw ru junaq kristiaan li kib‘oqe‘ k‘iila sut rub‘elaj naq kixk‘ulub‘a li b‘oqom re “chalk ut rilb‘al” ” (chi‘ilmanq “Es un milagro,” Liahona, mayo 2013, 79).

Xkawresinkil qib‘ jo‘ aj k‘utunel

Tenq‘aheb‘ li komon chixyu‘aminkil li na‘leb‘ sa‘ loq‘laj hu. Li b’oqok li kixk’e li Kristo reheb’ lix tzolom—kimqex ut toxeeril—naru naxtenq’aheb’ li tzolb’ileb’ aab’aan re te’xtaaqe li Kolonel. K’e xch’ooleb’ li ani neke’tzolok re te’xyu’ami li jar raqal chi na’leb’ li neke’tawman sa’eb’ li loq’laj hu, ut naq te’xb’oqeb’ li jun ch’ol chik chixb’aanunkil. (Chi‘ilmanq 1 Nefi 19:23; Li k‘utuk jo‘ li Kolonel, 21.)