Si Juan Bautista nagbunyag ni Jesus

Dekolor nga bildo [Stained-glass] nga bintana sa Templo sa Nauvoo Illinois, ni Tom Holdman

Enero 23–29

Mateo 3; Marcos 1; Lucas 3

“Andama ninyo ang Dalan alang sa Ginoo”

Samtang magbasa ug mamalandong ka sa Mateo 3; Marcos 1; ug Lucas 3, irekord ang mga impresyon nga imong nadawat. Kini modapit sa Espiritu samtang nangandam ka sa pagtudlo. Agig dugang sa mga ideya sa pagtudlo niini nga latid, ang mga ideya sa pagtuon sa Dali, Sunod Kanako—Alang sa mga Indibidwal ug mga Pamilya mahimong ipahaom aron maggamit sa imong klase.

pagpaambit nga icon

Dapita ang Pagpaambit

Aron matabangan ang mga sakop sa klase nga mopaambit kon sa unsang paagi nga ang pagkat-on gikan sa Bag-ong Tugon makapanalangin sa ilang kinabuhi, mahimo nimong isulat ang mosunod nga pangutana diha sa pisara: Unsa man ang inyong nabuhat tungod sa unsay inyong nabasa sa Bag-ong Tugon karong semanaha? Dapita ang mga sakop sa klase nga mopaambit sa ilang mga tubag.

icon sa pagtudlo

Itudlo ang Doktrina

Mateo 3:1–12; Lucas 3:2–18

Giandam sa mga disipulo ang ilang kaugalingon ug ang uban sa pagdawat ni Jesukristo.

• Unsaon nato sa pagpangandam alang sa pagbisita sa usa ka importante nga bisita? Ang usa ka pangutana sama niini makatabang nimo sa pagsugod og panaghisgotan mahitungod kon giunsa pag-andam ni Juan nga Magbubunyag ang mga tawo sa pagdawat ni Jesukristo. Mahimo na dayon nimong bahinon ang klase ngadto sa tulo ka grupo. Ang matag grupo mahimong mobasa sa bisan asa sa Mateo 3:1–6; Mateo 3:7–12; o Lucas 3:10–15, nga mangita kon giunsa pag-andam ni Juan nga Magbubunyag ang mga tawo sa pagdawat ni Jesukristo diha sa ilang kinabuhi. Papuli-puliha ang matag grupo sa pagpaambit kon unsa ang ilang nakit-an.

Juan nga Magbubunyag nagsangyaw

John the Baptist Preaching in the Wilderness [Si Juan nga Magbubunyag Nagsangyaw diha sa Kamingawan], ni Robert T. Barrett

Lucas 3:2–14

Kita nagkihanglan nga mopagawas og “mga bunga nga mahiangay sa paghinulsol.”

• Sa Lucas 3:8, si Juan nga Magbubunyag nagtudlo sa katawhan nga sa dili pa sila mabunyagan, kinahanglan silang mopakita og “mga bunga,” o ebidensya, sa ilang paghinulsol. Unsaon nimo sa pagtabang ang mga sakop sa klase nga makaila sa ebidensiya sa ilang kaugalingong paghinulsol? Mahimo nimo silang hangyoon sa pagsiksik sa Lucas 3:8–14 ug sa pagpangita sa unsay gikonsiderar ni Juan nga “mga bunga” sa paghinulsol. Mahimo usab nilang rebyohon ang Moroni 6:1–3 ug Doktrina ug mga Pakigsaad 20:37. Mahimong magdrowing ka og mamunga nga kahoy diha sa pisara ug pabutangi og label sa mga sakop sa klase ang bunga sa kahoy sa “mga bunga” sa paghinulsol nga ilang makit-an. Mahimong maayo usab kini nga higayon nga hisgotan kon unsay gipasabot sa tinuoray nga paghinulsol.

Mateo 3:13–17

Kita mosunod ni Jesukristo kon kita magpabunyag ug modawat sa Espiritu Santo.

• Sa pagrebyo sa estorya bahin sa bunyag ni Jesukristo, sulayi kini nga ideya: Pangutan-a ang mga sakop sa klase kon unsaon nila paggamit ang Mateo 3:13–17 sa pagtudlo sa usa ka tawo, sama sa usa ka bata o tawo nga miyembro sa laing tinuohan, mahitungod sa bunyag. (Mahimo usab sila nga mogamit sa litrato diha sa latid karong semanaha sa Dali, Sunod Kanako—Alang sa mga Indibidwal ug mga Pamilya.) Unsang importante nga mga elemento sa bunyag ang ilang hatagan og gibug-aton? Mahimo nilang mapraktis ang ilang mga ideya pinaagi sa pagtudlo sa usag usa.

• Aron matabangan ang mga sakop klase sa pagpamalandong sa kaimportante sa pagsunod sa ilang mga pakigsaad sa bunyag, mahimo nimong dapiton ang usa ka tawo aron mobasa sa pamahayag ni Elder Bednar “Dugang nga mga Kapanguhaan.” Ang mga sakop sa klase mahimong malingaw sa pagpaambit sa ilang mga pagbati mahitungod sa ilang kaugalingong mga bunyag ug sa ilang mga pakigsaad sa bunyag. Mahimo usab sila nga mokanta og usa ka himno mahitungod sa pagsunod sa Manluluwas, sama sa “Dali, Sunod Mo Kanako” (Mga Himno, nu. 64).

• Si Juan Bautista nagtudlo nga ang Manluluwas mobunyag pinaagi sa “Espiritu Santo, ug sa kalayo” (Mateo 3:11). Ang bunyag sa kalayo mahitabo kon kita ikompirmar ug kita makadawat sa gasa sa Espiritu Santo. Nganong kinahanglan man gayod nga kita adunay gasa sa Espiritu Santo aron mouswag diha sa gingharian sa Dios? Unsay epekto sa bunyag sa kalayo ug sa Espiritu Santo ngari kanato? (tan-awa sa Alma 5:14).

mga kapanguhaan nga icon

Dugang nga mga Kapanguhaan

Ang atong mga pakigsaad sa bunyag.

Si Elder David A. Bednar nagtudlo: “Ang pakigsaad sa bunyag naglakip sa tulo ka mahinungdanong pasalig: (1) andam sa pagdala sa atong kaugalingon sa ngalan ni Jesukristo, (2) kanunay nga mohinumdom Kaniya, ug (3) motuman sa Iyang mga sugo. Ang gisaad nga panalangin para sa pagtah[o]d sa pagkigsaad mao nga ‘[kita] unta sa kanunay makabaton sa iyang Espiritu nga magauban [kanato]” [Doktrina ug mga Pakigsaad 20:77]. Sa ingon, ang bunyag mao ang mahinungdanong preparasyon aron madawat ang awtorisadong oportunidad alang sa padayon nga pakig-uban sa ikatulong sakop sa Dios nga Kapangulohan” (“Kanunay nga Magbaton og Kapasayloan sa Inyong mga Sala,” Liahona, Mayo 2016, 60).

Pananglitan usa ka batan-ong lalaki mituman sa iyang mga pakigsaad sa bunyag, tan-awa mensahe sa istorya sa sinugdanan ni Sister Carole M. Stephen “Kita Adunay Dako nga Rason nga Maglipay” (Liahona, Nov. 2013, 115–17).

Pagpalambo sa Atong Pagtudlo

Itudlo ang sukaranang doktrina. Si Hyrum Smith nagtudlo nga, “Isangyaw ang unang mga bar[o]ganan sa Ebanghelyo—balik-balika kini pagsangyaw; imong makita nga sa matag adlaw bag-o nga mga ideya ug dugang nga lamdag mahitungod niini ang ipadayag nganha kanimo. Mahimo nimong pausbawon ang imong panab[ot] niini ug mamahimo silang mas klaro alang kanimo. Ikaw makahimo dayon sa pagpasab[o]t niini sa mas sayon nga paagi ngadto niadtong inyong gitudloan.” (in History, 1838–1856 [Manuscript History of the Church], volume. E-1, 1994, josephsmithpapers.org).