Si Jesus mipabangon sa lalaki gikan sa higdaanan

Pebrero 27–Marso 5

Mateo 8; Marcos 2–4; Lucas 7

“Ang Imong Pagtuo Nagluwas Kanimo”

Ang imong pagpangandam sa pagtudlo magsugod samtang mainampoon kang magtuon sa Mateo 8; Marcos 2–4; ug Lucas 7. Ang Dali, Sunod Kanako—Alang sa mga Indibidwal ug mga Pamilya makapalambo sa imong pagtuon ug moaghat og mga ideya sa pagtudlo agig dugang niadtong gipresentar dinhi.

pagpaambit nga icon

Dapita ang Pagpaambit

Ang mga sakop sa imong klase mahimong nakakita og lig-on nga mga ideya atol sa ilang personal nga pagtuon bahin sa mga milagro nga anaa niining mga kapitulo (tan-awa sa lista sa mga pagpang-ayo diha sa latid karong semanaha sa Dali, Sunod Kanako—Alang sa mga Indibidwal ug mga Pamilya). Ikonsiderar ang pagdapit sa mga sakop sa klase sa pagpakigbahin sa ilang mga ideya kauban ang kapares o diha sa tibuok klase.

icon sa pagtudlo

Itudlo ang Doktrina

Mateo 8; Marcos 2; Lucas 7

Ang mga milagro mahitabo sumala sa pagbuot sa Dios ug sa atong hugot nga pagtuo kang Jesukristo.

• Unsaon nimo paggamit ang istorya kabahin sa mga milagro sa Manluluwas aron matabangan ang mga sakop sa klase nga mousbaw ang ilang hugot nga pagtuo diha Kaniya? Tingali hangyoon nimo sila sa paglista diha sa pisara og pipila ka mga milagroso nga mga pag-ayo gikan sa Mateo 8; Mark 2; ug Lucas 7. Ang mga sakop sa klase makahisgot kon sa unsang paagi ang mga tawo nga nangaayo mipakita sa ilang hugot nga pagtuo diha ni Kristo. Unsa ang gitudlo niini nga mga istorya mahitungod sa hugot nga pagtuo ug mga milagro? Ang mga sakop sa klase makapaambit og dugang nga mga kamatuoran mahitungod sa hugot nga pagtuo ug mga milagro gikan sa Mormon 9:15–21; Ether 12:12–16; Moroni 7:27–37; ug Doktrina ug mga Pakigsaad 35:8 (tan-awa usab sa Ang Giya ngadto sa mga Kasulatan, “Milagro,”). Sa unsang paagi nga kita makakita og mga milagro kon kita mopakita og hugot nga pagtuo diha ni Jesukristo?

• Ang istorya bahin niining milagro diha sa Marcos 2:1–12 nagtudlo, sa bili sa pagtinabangay diha sa panaghiusa sa pag-abag sa Manluluwas sa pagluwas niadtong anaa sa espiritwal o pisikal nga panginahanglan. Ikonsiderar ang pagdapit sa mga sakop sa klase sa pagrebyo sa istorya gikan sa mga kasulatan ug ipaambit ang dugang nga mga ideya gikan sa mensahe ni Elder Chi Hong (Sam) “Magkahiusa sa Pagluwas” (Liahona, Nob. 2014, 14–16; tan-awa usab sa “Dugang nga mga Kapanguhaan”). Unsa ang atong makat-onan gikan sa Marcos 2:1–12 mahitungod sa bili sa pagtambayayong diha sa panaghiusa sa pagluwas niadtong anaa sa panginahanglan? (tan-awa usab sa Marcos 3:24–25).

Marcos 4:35–41

Si Jesukristo adunay gahom nga makahatag og kalinaw taliwala sa unos sa kinabuhi.

• Mahimong nakahibalo ka sa ubang mga hagit nga giatubang sa mga sakop sa imong klase. Tungod kay kitang tanan adunay mga pagsulay sa ubang panahon sa atong kinabuhi, ang pagrebyo sa istorya diha sa Marcos 4:35–41 makapalig-on sa hugot nga pagtuo sa mga sakop sa klase nga ang Manluluwas makahatag kanila og kalinaw. Hatagi ang matag tawo og usa ka piraso sa papel, ug hangyoa sila sa pagsulat sa usa ka bahin sa usa ka pagsulay nga ilang nasinati. Sa pikas bahin, hangyoa sila sa pagsulat og butang nga gikan sa Marcos 4:35–41 nga nakapadasig kanila nga modangop sa Manluluwas atol sa ilang mga pagsulay. Awhaga ang mga sakop sa klase sa pagpaambit kon unsay ilang gisulat, kon sila mobati nga komportable sa pagbuhat niini.

• Ang Himno nga “Agalon, ang Unos Kapintas” (Mga Himno, nu. 60) gibase diha sa istorya sa Marcos 4:35–41. Tingali ang mga sakop sa klase makapangita sa mga pulong sa himno nga may kalabotan ngadto sa mga pulong diha sa mga kasulatan. Mahimo usab nimong ipakita ang usa ka hulagway nga nagpakita sa talan-awon (tan-awa sa Libro sa mga Hulagway sa Ebanghelyo, nu. 40) ug hisgoti kon unsa ang mga higayon nga gipakita sa artist. Unsa ang ubang mga paagi nga imong matabangan ang mga sakop sa klase aron makasabot sa kahulogan ug gahom niini nga milagro?

Si Jesus diha sa bangka nagpakalma sa unos

Gikan sa Kahadlok ngadto sa Hugot nga Pagtuo, ni Howard Lyon

Lucas 7:36–50

Kon kita napasaylo na sa atong mga sala, ang atong gugma sa Manluluwas mapalawman.

• Unsa man ang atong makat-onan gikan sa ehemplo sa babaye ug sa mga pagtulon-an sa Manluluwas diha sa Lucas 7:36–50 samtang magtinguha kita og kapasayloan alang sa atong kaugalingong mga sala? Sa unsang paagi ang paghinulsol makatabang kanato nga mas mapaduol ngadto ni Jesukristo? Sa unsang paagi kini nga istorya nakaimpluwensiya sa paagi nga kita molantaw niadtong kinsa nakasala?

mga kapanguhaan nga icon

Dugang nga mga Kapanguhaan

“Nakita ni Jesus nga dako kaayo ang ilang pagtuo”

Si Elder Chi Hong (Sam) Wong mipaambit sa mosunod nga ideya mahitungod sa istorya diha sa Marcos 2:1–12:

“Tugoti nga akong ipaambit diha kaninyo ang usa pa ka tinago nga bahandi nga naa niining istorya sa kasulatan. Naa kini sa bersikulo 5: ‘Nakita ni Jesus nga dako kaayo ang ilang pagtuo’. Wala ko makabantay niini sa nangagi—ilang hugot nga pagtuo. …

“Kinsang mga tawhana nga gihisgotan ni Jesus? Maglakip kini sa upat nga midala sa paralitiko, ang tawo mismo, ang mga tawo nga nag-ampo alang niya, ug tanang naminaw didto sa pagsangyaw ni Jesus ug sa hilom naga-abiba diha sa ilang mga kasingkasing alang sa nagsingabot nga milagro. Naglakip usab kini sa kapikas, ginikanan, anak , misyonaryo, presidente sa korum, presidente sa Relief Society, bishop, ug higala nga anaa sa layo. Makatabang kita `sa usag usa. Kinahanglang aktibo kita sa pagluwas sa nanginahanglan” (Magkahiusa sa Pagluwas,” Liahona, Nob. 2014, 16).

Pagpalambo sa Atong Pagtudlo

Paghatag kanunay og pagpamatuod. Ang imong yano, kinasingkasing nga pagsaksi sa espiritwal nga mga kamatuoran mahimong adunay gamhanang impluwensya niadtong imong tudloan. Ang imong pagsaksi dili kinahanglan nga larino o taas. Kini tingali, pananglitan, mamahimong usa ka yano nga pagpamatuod bahin sa milagro sa pag-angkon sa ebanghelyo sa imong kinabuhi.