“Eberi 24–30. Ioane 7–10: ‘Bon Ngai te Tia Kawakin Tiibu ae Raoiroi,’” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Eberi 24–30. Ioane 7–10,” Nakomai, Iriirai—Ibukin te Reirei n Tabati: 2023
Ao Ngai I Aki Motika Naba Taekam, iroun Eva Koleva Timothy
Eberi 24–30
Ioane 7–10
“Bon Ngai te Tia Kawakin Tiibu ae Raoiroi”
Ngkoe ao kain am kiraati e na reke ami iango ngkai kam wareka Ioane 7–10 n te wiiki aei. Uringnga bwa iango n te kabwarabwara aei a riai n raonni nakon ae ana onea mwiin te kaunganano ake ko karekei man kamatebwaian koroboki aika a tabu.
Kaunga te Tibwatibwa
Kauringiia kain te kiraati ibukin kakaawakin karaoan mweengaia bwa e na boboto iaon reiakinan te euangkerio. Tuangiia bwa a na tibwa te bwai are e reireiniia te Tamnei ae Raoiroi ngkai a kamatebwaia Ioane 7–10 ni mweengaia, n tatabemaniia ke ma aia utu.
Reirei te Reirei
Iesu Kristo bon te Tia Kamaiua te aonaaba.
-
Rinanon Ioane 7–10, te Tia Kamaiu e karaoi katanoata tabeua ake a kona ni buokiia kain te kiraati n ota n Ana mition ao ni kaniiaki riki Nakoina. Iangoia ni kaoia kain te kiraati bwa a na wareki kibuntaeka aikai man koroboki aika a tabu ao n tibwa te bwai are e reirei iai ibukin ana mition te Tia Kamaiu mai karawa. E kanga n kakoroi nanon nakoa aikai Kristo inanon maiura?
-
Ioane 7:37–39: Nen “te ran ae maiu”
-
Ioane 8:12; 9:4–5: “Otan te Aonaaba”
-
Ioane 9:8–10, 35–38: “Natin te Atua”
-
Ioane 10:7–9: “Te matatroa”
-
Ioane 10:11–14: “Te Tia Kawakin Tiibu ae Raoiroi”
-
Otan te Aonaaba, iroun Howard Lyon
Ngkai ti maiuakin ana reirei Iesu Kristo, ti na kona n ataia bwa a bon koaua.
-
N aro tabeua, karekean te koaua ai aron reiakinan te konabwai—ni kauoua a kainnanoa karaoana ao te taneiai. Ni kabwaranakoa aei, ko kona ni kaoia kain te kiraati ake iai rabakauia teuana, n aron te kaatau ke katangan te bwai ni katangitang, ni kabwarabwara aron karikirakean aia konabwai. Bukin tera ngkai e aki tau ti warekan taekan te konabwai ke matakuanan temanna ni karaoia? N te kiraati, maroroakinna bwa e kanga te mwakuri n irekereke ma te kataneiai n te konabwai n titebo ma te baeten n te maiu n tamnei are e kabwarabwara te Tia Kamaiu n Ioane 7:14–17. E kangaa ni kaokoro?
-
Tao kain te kiraati a kona n tibwa aia taneiai are a maiuakina iai te koaua n te euangkerio ni buokiia ni karekea te koaua mai iai. Anganiia kain te kiraati aia tai n iangoa reirein te euangkerio are a tangiria ni karekea aia koaua ae korakora iai, ao imwiina kaungaia bwa a na katea aia kouru ae onoti bwa a na maiuakina te reirei anne n ae bwanin raoi.
Ana nanoanga te Tia Kamaiu e butimwaia ni kabane ake a rairi nanoia.
-
Nakoia naake a namakinna bwa a bukinaki ibukin aia bure, karakinan te Tia Kamaiu n anga te nanoanga ao te rairannano nakon te aine are e anaaki ibukin te wenenibure e kona n riki bwa te bwai ni kaunganano. Ke, ngkana kain te kiraati e namakina te kaririaki ni bukiniia tabeman ibukin aia bure, te karaki e kona n riki bwa te kauring. Ko kona ni kaoia kain te kiraati bwa a na wareka Ioane 8:1–11, n taratarai kaekan titiraki n aron aikai: Tera ae e reirei iaona te karaki aei ibukin ana nanoanga te Tia Kamaiu? E na kanga karekean Ana nanoanga ngkana ti bure ni buokiira ngkana ti namakina te kariiriaki ni motikitaekaia tabeman? (taraa Aramwa 29:9–10).
-
Ni buokakiia kain te kiraati ni karekei rekerekeia n Ioane 8:1–11, iangoia n tibwaia kain te kiraati nakon teniua kurubu—teuana a boboto iaon aia taeka ao aia mwakuri Bwaritaio, teuana a na boboto iaon ana taeka ao ana mwakuri te Tia Kamaiu, ao teuana a na boboto iaon aia taeka ao aia mwakuri aine. A kona ni karaoa aei ngkai a wareka te rongorongo ke ni matakuakina te witeo “Go and Sin No More” (ChurchofJesusChrist.org). Kaoia kurubu nako bwa ana karaoa te rinan ni koaua n tamnei ake a reiakin man warekan mwakoro nako n te rongorongo.
-
N tabetai ti aki atai aro ake ti motikitaekaia iai tabeman. Aio te waaki ni kukurei are e na buokiia kain te kiraati n tokanikai iaon kan karaoan aei. Tuanga te kiraati bwa a na buokiko ni karinani aro ake ti motikitaekaia iai aomata (n taraakiia, anuaia, aroia are a nako mai iai, ao a mwaiti riki). Anganiia kain te kiraati te mwakoro ni beeba are e korea tein te atibu, ao tuangiia bwa a na rinei aro ake a motikitaekaia iai tabeman are a namakinna bwa a bure iai ao a na koreia iaon te beebwa n atibu. Tera ae ti reiakinna man ana taeka te Tia Kamaiu nakoia Bwaritaio n Ioane 8:1–11? Kaoa te kiraati bwa a na koreia iaon iteran aia beebwa n atibu te bwai are e na kauringiia n aki motiki taeka (tao te kibutaeka man Ioane 8).
Ngkai ti a ata Iesu Kristo, ti a ata te Tama.
-
Tera ana taeka te Tia Kamaiu n Ioane 8:18–19, 26–29 are e reirei taekan te reitaki imarenana ma Tamana.? Imwiin warekan ao maroroakinan kibu aikai, kain te kiraati a kona ni korei rinanna iaon te burakibooti bwaai tabeua ake e karaoi Iesu, taekin ke n reireia. Tera ae ti reiakinna n rongorongon te Atua te Tama man bwaai aikai?
Kanakoraoan Ara Anga reirei
Maiuakina ae tau ibukin ana kairiiri te Tamnei. Ngkana ko maiuakina te euangkerio, ko tau ni karekea ana iraoraoi te Tamnei. Ngkai ko ukoukora Ana kairiiri, E na anganiko iango ma namakin bwa ko na kanga ni buokii kainnanoia naake ko reireiniia. (Taraa Teaching in the Savior’s Way, 5.)